چوہدری نثار کی عمران خان سے ملاقات کو روکنے کیلئے شہبازشریف نے کیا کردار ادا کیا؟ منیب فاروق کا بڑا دعویٰ
اشاعت کی تاریخ: 11th, July 2025 GMT
لاہور (ڈیلی پاکستان آن لائن )سینئر صحافی منیب فاروق نے کہاہے کہ ممکنہ طور پر چوہدری نثار کی عمران خان سے ملاقات ہونے جارہی تھی جسے شائد روکنے کیلئے شہبازشریف نے چوہدری نثار سے ملاقات کی ، ان سے گفتگو کی جس کے بعد شائد چوہدری نثار رک گئے اور آگے نہیں بڑھے ۔
وی لاگ میں گفتگو کرتے ہوئے منیب فاروق نے کہا کہ شہبازشریف کی چوہدری نثار سے ہونے والی ملاقات بغیر وجہ نہیں تھی، اس بات کے کافی امکانات ہیں کہ چوہدری نثار کے شائد کچھ ایسے معاملات تھے جن کا راستہ عمران خان کی طرف جا رہا تھا ، یہ نہیں کہ وہ ان کی پارٹی میں جا رہے تھے جبکہ عمران خان جب حکومت آئے تو اس وقت بھی چوہدری نثار کو سنجیدہ پیشکش ہوئی لیکن چوہدری نثار نے اس وقت بھی یہ نہیں کیا تھا۔
’’را‘‘کے ذریعے بلوچستان میں دہشتگردی ،’’اشارے ‘‘کیسےدیئے جاتے ہیں، بھارت کی حکمت عملی میں کیا تبدیلی آئی۔۔۔ ؟ تہلکہ خیز انکشافات
انہوں نے کہا کہ ایک دلچسپ بات یہ ہے کہ چوہدری نثار کی شائد عمران خان سے ملاقات ہو نے جارہی تھی اور اس ملاقات کو روکنے کیلئے ممکنہ طور پر شہبازشریف نے چوہدری نثار سے ملاقات کی ، اس بات کی تصدیق تو 100 فیصد کوئی بھی نہیں کرے گا لیکن چند ایسے نقطے ہیں جن کو جوڑ کر اس نتیجے پر پہنچ سکتے ہیں کہ شائد چوہدری نثار کی عمران خان سے ملاقات متوقع تھی اور شہبازشریف نے ان سے ملاقات کی اور ایسی گفتگو ہوئی جس کے بعد چوہدری نثار رک گئے اور آگے نہیں بڑھے ۔
منیب فاروق کا کہناتھا کہ اس کے ساتھ ساتھ بہت سے لوگوں کا خیال ہے کہ نوازشریف اس نظام سے خوش نہیں ہیں لیکن اب ریکارڈ پر ہے اور وزیر دفاع خواجہ آصف نے میرے پروگرام میں کہہ دیاہےکہ نوازشریف اس نظام کے ساتھ ہیں اور خوش ہیں۔ نوازشریف کا کر دار اس وقت مریم نواز کی پنجاب میں حکومت میں ہے ، وہ ابھی بھی پنجاب کی سیاست میں ایک سرگرم کردار ادا کر رہے ہیں،آج جو فوج کے سربراہ ہیں جنرل عاصم منیر ہیں ،وہ کسی کو اجازت نہیں دیتے کہ کوئی وزیراعظم اور اس حکومت کے بارے میں یہ کہنا شروع کر دے کہ اسٹبلشمنٹ نا خوش ہے ۔ جنرل عاصم منیر پاکستان کے وزیراعظم کو بہت عزت دیتے ہیں اور نوازشریف کی بھی عزت کرتے ہیں، جنرل عاصم منیر کی تعیناتی میں نوازشریف کا کلیدی کردار تھا، اس کی وجہ سے پوری اسٹبلشمنٹ نوازشریف کو عزت کی نگاہ سے دیکھتی ہے ، ان میں سے ایسا کوئی نہ سمجھتا ہے اور نہ ہی سوچتا ہے کہ نوازشریف کو مائنس کر دیا گیاہے ۔
قونصلیٹ جنرل آف پاکستان دبئی اورقونصلیٹ جنرل آف بنگلہ دیش کے عہدیداروں کی دبئی میں میٹنگ
مزید :.ذریعہ: Daily Pakistan
کلیدی لفظ: عمران خان سے ملاقات چوہدری نثار کی شہبازشریف نے ان سے ملاقات منیب فاروق
پڑھیں:
ٹیکس اصلاحات کے مثبت نتائج آ رہے ہیں، کرپشن کے خاتمے میں مصروف: شہباز شریف، نوازشریف سے ملاقات
اسلام آباد‘ لاہور (اپنے سٹاف رپورٹر سے‘ نوائے وقت رپورٹ) وزیرِ اعظم محمد شہباز شریف نے مالی سال 2025ء میں 59 لاکھ ریکارڈ ٹیکس گوشوارے جمع ہونے پر ایف بی آر حکام کی کارکردگی کی تعریف اور ذمہ داری کا ثبوت دینے پر عوام کا شکریہ ادا کرتے ہوئے کہا ہے کہ 9 لاکھ نئے ٹیکس فائلرز کا ٹیکس نیٹ میں آنا حکومت کی پالیسیوں پر عوام کے اعتماد کا عکاس ہے۔ ہفتے کو وزیراعظم آفس کے میڈیا ونگ سے جاری بیان کے مطابق وزیراعظم نے کہا کہ اللہ کے فضل و کرم سے ٹیکس نظام کی اصلاحات سے مثبت نتائج سامنے آ رہے ہیں، ایف بی آر میں میرٹ کی بالادستی کو اولین ترجیح دی ہے۔ قابل اور محنتی افسران کی حوصلہ افزائی اور ناقص کارکردگی کی حوصلہ شکنی کے نظام سے ایف بی آر میں پرفارمنس کلچر متعارف کرایا گیا۔ وزیرِ اعظم نے کہا کہ ایف بی آر کی ڈیجیٹائزیشن کی نگرانی بذات خود ہر اجلاس کی ہفتہ وار صدارت میں کی، ٹیکس گوشواروں کو آسان اور سہل بنایا گیا، بندرگاہوں پر خود کار کلیئرنس کے نظام سے کرپشن کے خاتمے اور پرفارمنس کی بہتری کو یقینی بنایا گیا۔ وزیرِ اعظم نے کہا کہ غیر رسمی معیشت کے خاتمے کیلئے پوائنٹ آف سیل کی تعداد میں اضافے سے سیلز ٹیکس کی چوری کو روکا گیا، ٹیکس آمدن میں گزشتہ برس کی نسبت 9 ارب کا اضافہ حکومت کی ایف بی آر اصلاحات کا منہ بولتا ثبوت ہے۔ وزیرِ اعظم نے کہا کہ ایف بی آر کے نظام کی مزید اصلاحات کا سلسلہ تسلسل سے جاری ہے، کرپشن اور غیر رسمی معیشت کے مکمل خاتمے کیلئے دن رات مصروف عمل ہیں۔ وزیر اعظم شہبازشریف نے گلگت بلتستان کے عوام اور پوری قوم کو گلگت بلتستان کے یومِ آزادی کے پرمسرت موقع پر دلی مبارکباد پیش کی ہے۔ وزیر اعظم شہبازشریف نے کہا کہ یکم نومبر 1947 کو گلگت بلتستان کے بہادر عوام نے جرات، اتحاد اور حب الوطنی کا مظاہرہ کرتے ہوئے ڈوگرہ راج سے آزادی حاصل کی اور پاکستان کے ساتھ الحاق کا تاریخی فیصلہ کیا۔ یہ دن اس عظیم قربانی، عزم اور وطن سے محبت کی یاد دلاتا ہے جس نے خطے کی تاریخ بدل دی۔ گلگت بلتستان کے عوام کو ترقی کے تمام مواقع فراہم کیے جائیں گے تاکہ وہ قومی دھارے میں بھرپور کردار ادا کر سکیں۔ آج کا دن ہمیں اس عہد کی تجدید کا پیغام دیتا ہے کہ ہم اپنی آزادی، اتحاد اور ترقی کے سفر کو نئی توانائی اور جذبے کے ساتھ جاری رکھیں گے۔ وزیراعظم نے دعا کی کہ اللہ تعالی گلگت بلتستان اور پاکستان کو امن، ترقی اور خوشحالی سے نوازے۔ وزیراعظم شہباز شریف نے جاتی امرا میں قائد مسلم لیگ ن نواز شریف سے ملاقات کی جس میں ملکی سیاسی‘ معاشی صورتحال اور دیگر اہم امور پر تبادلہ خیال کیا گیا۔ شہباز شریف اور نواز شریف نے پارٹی امور اور حکومتی پالیسیوں پر مشاورت کی۔ وزیراعظم شہباز شریف نے نواز شریف کو حکومتی اقدامات پر بریفنگ دی۔ نواز شریف نے قومی معاملات پر وزیراعظم کو رہنمائی فراہم کی۔
اپر کوہستان مالیاتی اسکینڈل: گرفتار پولیس اہلکار 13 روزہ جسمانی ریمانڈ پر نیب کے حوالے