وفاقی محتسب کے علاقائی دفتر سے آزاد کشمیر کے شہریوں کو کتنا فائدہ ہوگا؟
اشاعت کی تاریخ: 22nd, January 2025 GMT
آزاد کشمیر میں وفاقی محتسب سیکریٹریٹ کے علاقائی دفتر کا افتتاح کردیا گیا ہے، شہریوں نے اس اقدام کا خیرمقدم کیا ہے۔
بدھ کے روز وفاقی محتسب اعجاز احمد قریشی نے آزاد جموں وکشمیر کے دارالحکومت مظفرآباد میں وفاقی محتسب سیکر ٹیر یٹ کے علا قائی دفتر کا افتتاح کیا۔
افتتاحی تقریب سے خطاب کرتے ہوئے وفاقی محتسب اعجاز احمد قریشی نے کہا کہ مظفر آباد آزاد کشمیر اور گلگت میں دو نئے دفاتر قائم ہونے کے بعد ملک بھر کے 24 شہروں میں یہ ادارہ عوام الناس کو سہولیات فراہم کر رہا ہے، رواں سال دور دراز علاقوں میں مزید نئے دفاتر کھولے جائیں گے۔
یہ بھی پڑھیں: وفاقی محتسب برائے انسداد ہراسیت کیجانب سے پائیڈ کے وائس چانسلر پر 5 لاکھ روپے جرمانہ، وجہ کیا بنی؟
وفاقی محتسب اعجاز احمد قریشی نے آزاد کشمیر میں کام کرنے والے وفاق کے سرکاری افسران پر زور دیا ہے کہ وہ غریب عوام کی شکایات کے فوری ازالے کو یقینی بنائیں۔
انہوں نے کہا کہ وفاقی محتسب ادارے کی پہنچ اور رسائی میں مسلسل اضافے کی وجہ سے سال 2024 کے دوران عوامی شکایات کی دادرسی کے ریکارڈ میں اضافہ ہوا، وفاقی محتسب میں 2 لاکھ 26 ہزار 371 شکایات موصول ہوئیں جب کہ 2 لاکھ 23 ہزار 171 شکایات کے فیصلے کیے گئے ہیں جو 2023 سے 16 فیصد زیادہ ہیں، 93 فیصد فیصلوں پر عملدرآمد بھی ہو گیا ہے۔
انہوں نے مزید کہا کہ وفاقی محتسب کے انوسٹی گیشن افسران ملک کے دور دراز علاقوں میں خود جاکر کھلی کچہریاں منعقد کر کے عوام الناس کو ان کے گھر کی دہلیز پر انصاف فراہم کررہے ہیں، وفاقی محتسب سیکریٹریٹ غریبوں کی عدالت ہے جس کا مقصد نا دار اور پسماندہ طبقے کی شکایات کی داد رسی کرنا ہے۔
یہ بھی پڑھیں: سپریم کورٹ: سابق وفاقی محتسب کو توہین عدالت کیس میں نوٹس جاری
قبل ازیں وفاقی محتسب اعجاز احمد قریشی نے آزاد جموں و کشمیر میں وفاقی حکومت کے اداروں کے سربراہان کے ساتھ اجلاس کی صدارت کی،اجلاس میں ڈائریکٹر جنرل محتسب سیکریٹریٹ اشفاق احمد خان، کمشنر آئی آر ڈی علاقائی آزاد کشمیر منصور قادر ڈار اور وفاقی محتسب کے دائرہ کار میں آنے والے سرکاری اداروں کے اعلیٰ افسران نےبھی شرکت کی۔
اس موقع پر وفاقی محتسب اعجاز احمد قریشی نے سرکاری افسران پر زور دیا کہ وہ غریب لوگوں کی شکایات کے ازالے کے لیے اپنی تمام تر کوششیں بروئے کارلائیں۔
مظفرآباد کے رہاشی ظفیر راٹھور نے وی نیوز سے گفتگو کرتے ہوئے کہا کہ آزاد کشمیر میں محتسب کے علاقائی دفتر سے لوگوں کو فائدہ ہوگا، آزاد کشمیر میں برادری ازم کے کلچر سے لوگوں کو انصاف کی فراہمی میں مشکلات پیش آتی تھیں، وفاقی محتسب کے مظفرآباد میں دفتر کا قیام ہی مشکلات کا بہترین حل ہے ۔
یہ بھی پڑھیں: فوزیہ وقار نے وفاقی محتسب برائے تحفظ ہراسانی کا حلف اٹھا لیا
سیاسی رہنما و ماہر قانون ماجد اعوان نے وی نیوز سے گفتگو کرتے ہوئے کہ ’موجودہ وفاقی اداروں کی نسبت قانونی تنازعات کے حل کے لیے مظفرآباد میں آفس قائم ہونا عوام کے لیے ریلیف ہے۔‘
انہوں نے کہا کہ آزاد کشمیر میں محتسب کا دفتر بھی موجود تھا اور بین الاقوامی فورم پر نمائندگی بھی موجود تھی جس پر بھارت نے کئی بار اعتراضات بھی کیے ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
we news آزاد کشمیر اعجاز احمد قریشی پاکستان سیکریٹریٹ مظفرآباد وفاقی محتسب.ذریعہ: WE News
کلیدی لفظ: پاکستان سیکریٹریٹ وفاقی محتسب وفاقی محتسب اعجاز احمد قریشی نے وفاقی محتسب کے کہا کہ کے لیے
پڑھیں:
صدر ٹرمپ کے گولڈ اور پلاٹینم کارڈز کیا ہیں اور اس سے کون فائدہ اٹھا سکتا ہے؟
امریکی صدر ڈونلڈ ٹرمپ نے غیر ملکی ہنر مند کارکنوں کے لیے H-1B ویزا فیس میں ریکارڈ اضافہ کرتے ہوئے ایک نیا ویزا پروگرام متعارف کرایا ہے جس میں ٹرمپ گولڈ کارڈ، ٹرمپ پلاٹینم کارڈ اور کارپوریٹ گولڈ کارڈ شامل ہیں۔
یہ بھی پڑھیں:امریکی ورک ویزا مزید مہنگا،’ہم بہترین لوگوں کو امریکا میں آنے کی اجازت دیں گے‘،صدر ٹرمپ
اس اقدام کا مقصد امریکی شہریوں کو روزگار میں ترجیح دینا اور غیر معمولی صلاحیت رکھنے والوں کو منتخب طور پر امریکا میں مواقع فراہم کرنا ہے۔
گولڈ کارڈ کیا ہے؟ قیمت: 1 ملین ڈالر ہدف: انفرادی افراد (پروفیسرز، سائنسدان، فنکار یا ماہرین) فائدہ: کارڈ ہولڈر کو تمام 50 ریاستوں میں کام اور رہائش کی اجازت حاصل ہوگی۔یہ پروگرام خاص طور پر ان افراد اور اداروں کے لیے بنایا گیا ہے جو بھاری رقم ادا کر کے امریکا میں قانونی طور پر رہائش یا ملازمت کے مواقع چاہتے ہیں۔
ماہرین کا کہنا ہے کہ بھارت سمیت کئی ایشیائی ممالک کے ہائی ٹیک پروفیشنلز اور بڑی کارپوریشنز اس پروگرام سے مستفید ہو سکتی ہیں، تاہم بہت زیادہ لاگت ایک بڑی رکاوٹ ہوگی۔
واضھ رہے کہ اس اعلان کے ساتھ ہی ٹرمپ نے H-1B ویزا فیس 215 ڈالر سے بڑھا کر 100,000 ڈالر کر دی ہے، جو تاریخ میں سب سے بڑا اضافہ ہے۔
تجزیہ کاروں کے مطابق یہ اقدام امریکی معیشت میں غیر ملکی ماہرین کی شمولیت کو محدود کر دے گا اور ٹیک انڈسٹری پر گہرے اثرات ڈالے گا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
امریکا امریکی ویزا پلاٹینم کارڈ صدر ٹرمپ کارپوریٹ گولڈ کارڈ گولڈ کارڈ
غزہ سٹی میں اسرائیل کی زمینی کارروائی کا آغاز، 91 فلسطینی شہید، ہزاروں افراد نقل مکانی پر مجبور