طالب علم نے کالج کی تیسری منزل سے کود کر خود کشی کرلی
اشاعت کی تاریخ: 23rd, January 2025 GMT
بھارت کی جنوبی ریاست آندھرا پردیش کے ایک کالج میں اُس وقت کہرام مچ گیا جب ایک طالب علم کلاس روم سے اچانک باہر آیا اور تیسری منزل سے کود کر خود کشی کرلی۔ اس واقعے کے بعد کالج میں بھگدڑ مچ گئی۔ طلبا و طالبات میں خوف پھیل گیا اور وہ گھر چلے گئے۔
یہ معلوم نہیں ہوسکا کہ لڑکے نے خود کشی کیوں کی یعنی ایسے کون سے حالات تھے جن کے باعث اُسے یہ انتہائی قدم اٹھانے پر مجبور ہونا پڑا۔ لڑکے کے کلاس روم سے نکلنے اور تیسری منزل سے کودنے کی وڈیو سوشل میڈیا پر وائرل ہوئی ہے۔ لڑکا جیسے ہی کودا، طلبا کلاس روم سے نکل آئے تاکہ اُسے اسپتال پہنچا سکیں تاہم اُس نے زخموں کی تاب نہ لاتے ہوئے موقع ہی پر دم توڑ دیا۔
پولیس نے مقدمہ درج کرتے ہوئے تفتیش شروع کردی ہے۔ یہ معلوم کیا جارہا ہے کہ لڑکے کے ساتھ ایسا کیا ہوا تھا کہ اُس نے دیکھتے ہی دیکھتے اتنا بڑا فیصلہ کیا اور اپنی جان لے لی۔ انڈیا ٹوڈے کی ایک رپورٹ کے مطابق طلبہ اور اساتذہ کی تنظیموں نے ضلع اننت پور کے نارائنا کالج کی انتظامیہ پر الزام لگایا ہے کہ اُس کی طرز عمل نے طالب علم کو یہ انتہائی قدم اٹھانے پر مجبور کیا۔ طلبہ تنظیموں نے مطالبہ کیا ہے کہ کالج کی انتظامیہ سے تفتیش کی جائے۔
.ذریعہ: Jasarat News
پڑھیں:
جہلم ویلی، امتحانی نتائج میں فیل ہونے پر طالب علم کی خودکشی
جہلم ویلی کی تحصیل ہٹیاں بالا کے نواحی علاقے مکنیٹ میں انٹرمیڈیٹ کے 17 سالہ طالب علم نے مبینہ طور پر امتحانی نتائج میں فیل ہونے پر خودکشی کر لی۔
پولیس کے مطابق حبیب ولد صابر شاہ نے گھر کے قریب درخت سے لٹک کر اپنی زندگی کا خاتمہ کیا۔ ابتدائی اطلاعات کے مطابق وہ کمپیوٹر کے مضمون میں فیل ہونے کے بعد شدید ذہنی دباؤ کا شکار تھا۔
یہ بھی پڑھیں:بھارت: بیٹی کو قتل کرکے خود کشی کا رنگ دینے والا باپ گرفتار
ذرائع کے مطابق حبیب گورنمنٹ بوائز ہائی اسکول شاریاں کا سابق ٹاپر تھا اور انتہائی ذہین و محنتی طالب علم کے طور پر جانا جاتا تھا۔ امتحانی نتائج کے بعد اس کی ذہنی کیفیت متاثر ہوئی، جس کے نتیجے میں اس نے افسوسناک قدم اٹھایا۔
پولیس کا کہنا ہے کہ واقعے کی تحقیقات جاری ہیں اور تمام پہلوؤں سے جائزہ لیا جا رہا ہے۔ لاش کو ضروری کارروائی کے بعد ورثاء کے حوالے کر دیا گیا ہے۔
اہلِ علاقہ نے واقعے پر گہرے دکھ اور افسوس کا اظہار کرتے ہوئے کہا کہ تعلیمی دباؤ اور نتائج کے خوف سے نوجوانوں کی ذہنی صحت پر توجہ دینا وقت کی اہم ضرورت ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
تحصیل ہٹیاں بالا جہلم ویلی خود کشی
آئی بی ایم طلبا کے احتجاج پر بےدخل طالبہ بحال، یونیورسٹی تاحال بند