بالی وڈ کے نامور ہدایتکار رام گوپال ورما کو 3 ماہ قید کی سزا
اشاعت کی تاریخ: 24th, January 2025 GMT
بالی وڈ کے نامور ہدایتکار رام گوپال ورما کو 3 ماہ قید کی سزا سنا دی گئی۔
بھارتی میڈیا کے مطابق ممبئی کی اندھیری مجسٹریٹ کورٹ نے فلم ساز رام گوپال ورما کو 7 سال پرانے چیک باؤنس کیس میں 3 ماہ قید کی سزا سنائی۔
‘ستیہ’ اور ‘رنگیلا’ جیسی مشہور فلموں کے ہدایتکار رام گوپال ورما سماعت کے دوران عدالت میں موجود نہیں تھے، جس کے باعث عدالت نے ان کے خلاف ناقابل ضمانت وارنٹ جاری کیے۔
عدالت نے رام گوپال ورما کو شکایت کنندہ “شری” نامی کمپنی جو ( ہارڈ ڈسک کا کاروبار کرتی ہے)کو 3 لاکھ 72 ہزار 219 بھارتی روپے ادا کرنے کا بھی حکم دیا۔
شری کمپنی کے وکلاء نے عدالت کو بتایا کہ تنازعہ 2018 میں شروع ہوا جب کمپنی نے رام گوپال ورما کی پروڈکشن کمپنی کی درخواست پر ہارڈ ڈسک فراہم کیں۔ فروری اور مارچ 2018 کے درمیان 2 لاکھ 38 ہزار 220 روپے کے ٹیکس انوائسز جاری کیے گئے۔
شکایت کنندہ کے مطابق رام گوپال ورما کی کمپنی کی جانب سے 1 جون 2018 کو ایک چیک جاری کیا گیا لیکن ناکافی فنڈز کی وجہ سے یہ چیک باؤنس ہو گیا۔ اس کے بعد کمپنی نے 22 اگست 2018 کو دوسرا چیک جاری کیا، یہ یقین دہانی کراتے ہوئے کہ ادائیگی کی جائے گی۔ تاہم، یہ چیک بھی باؤنس ہو گیا۔
کمپنی نے رقم کی وصولی کے لیے مختلف کوششیں کیں اور رام گوپال ورما کو قانونی نوٹسز بھی بھیجے۔
اس معاملے پر رام گوپال ورما نے بھی ایک وضاحتی بیان جاری کیا جس میں کہا گیا کہ میں واضح کرنا چاہتا ہوں کہ یہ 7 سال پرانا کیس ہے جس میں 2 لاکھ 38 ہزار روپے کی رقم کا معاملہ ایک سابق ملازم سے جڑا ہوا ہے۔
.ذریعہ: Daily Mumtaz
پڑھیں:
بانی سے کوئی ڈیل نہیں ،رہائی عدالت سے ہو گی، وفاقی وزیرریلوے
حجرہ شاہ مقیم (اُردو پوائنٹ اخبارتازہ ترین - این این آئی۔ 10 جون2025ء)وفاقی وزیر ریلوے حنیف عباسی نے واضح کیا ہے کہ حکومت کی جانب سے چیئرمین پاکستان تحریک انصاف عمران خان کے ساتھ کسی بھی قسم کی کوئی ڈیل نہیں کی جا رہی۔ انہوں نے کہا کہ عمران خان کی رہائی کا واحد راستہ عدالت ہے، ریلوے اسٹیشن کے دورہ کے موقع پر میڈیا سے گفتگو کرتے ہوئے حنیف عباسی کا کہنا تھا کہ پی ٹی آئی قیادت اور کارکن اب منہ چھپاتے پھر رہے ہیں۔ انہوں نے کہا کہ ہم نے بھی جیلیں کاٹی ہیں، الیکشن سے قبل سزا یافتہ ہو کر جیل گئے لیکن کبھی رونا دھونا نہیں کیا کیونکہ ہمارا ضمیر مطمئن تھا کہ ہم حق پر ہیں۔وفاقی وزیر نے کہا کہ پی ٹی آئی کو اپنی ماضی کی غلطیوں کا اعتراف کرتے ہوئے قوم سے معافی مانگنی چاہیے، جب بھارت پاکستان پر حملہ آور تھا، اس وقت وہ پاک فوج پر طعن و تشنیع کر رہے تھے۔(جاری ہے)
انہوں نے دعوی کیا کہ بھارت سے بھی کہا گیا تھا کہ وہ معافی مانگے مگر اس نے ایسا نہیں کیا تو پاکستان کی بہادر افواج نے بھارت کے 26ایئر بیس تباہ کیے، 22چوکیاں فتح کیں اور دشمن کے چھ جنگی طیارے، جن میں رافیل طیارے بھی شامل تھے، مار گرائے۔ ان کا کہنا تھا کہ جب دشمن حملہ آور ہو، تو قوم کو متحد ہو کر اپنی افواج کے ساتھ کھڑا ہونا چاہیے۔حنیف عباسی نے مزید کہا کہ جنرل سید عاصم منیر میدان کے فیلڈ مارشل ہیں جبکہ ماضی میں ایک شخص ڈرائنگ روم سے فیلڈ مارشل بن بیٹھا تھا۔ریلوے کے حوالے سے گفتگو کرتے ہوئے وزیر ریلوے نے کہا کہ بولان ایکسپریس، جو پہلے ہفتے میں صرف دو دن چلتی تھی، اب روزانہ چلا رہے ہیں۔ انہوں نے کہا کہ جب تک ریلوے کو اپ گریڈ نہیں کیا جائے گا، اس وقت تک تھر کول اور ریکوڈک منصوبے بھی ترقی نہیں کر سکیں گے۔انہوں نے اس بات پر زور دیا کہ ریلوے کی بہتری کے بغیر ہم سنٹرل ایشیا، یورپ اور ماسکو تک ریلوے روابط کا خواب پورا نہیں کر سکتے۔ریلوے ملازم ایس ٹی محمد اکرم کی ناگہانی وفات پر بات کرتے ہوئے حنیف عباسی نے کہا کہ انسانی جان کی کوئی قیمت نہیں، لیکن ریلوے نے متاثرہ خاندان کی مالی معاونت کر دی ہے۔ انہوں نے خبردار کیا کہ مستقبل میں صرف وہی ریلوے ملازم ادارے میں کام کرے گا جو اپنی ذمہ داری پوری کرے گا، بصورت دیگر غفلت کے مرتکب افراد کو سخت نتائج کا سامنا کرنا پڑے گا۔بعد ازاں وفاقی وزیر نے اوکاڑہ ریلوے اسٹیشن کا دورہ کیا اور جاری تعمیراتی کاموں کا جائزہ لیا۔
ہماری معاشی خود انحصاری کا دارومدار سستی بجلی اور زراعت پر ہے: وزیراعظم