ثنا خان اور سید انس نے اپنے دوسرے بچے کا نام بتادیا
اشاعت کی تاریخ: 25th, January 2025 GMT
ممبئی(شوبز ڈیسک)بھارت کی سابقہ اداکارہ ثنا خان اور انکے شوہر سید انس نے اپنے دوسرے بچے کا نام بتادیا۔
ثنا خان اور انکے شوہر انس سید کے ہاں رواں ماہ کے آغاز میں دوسرے بچے کی پیدائش ہوئی تھی جس کے بعد سے دونوں والدین خوشی سے سرشار ہیں۔
سابقہ اداکارہ نے اپنے سوشل میڈیا اکاؤنٹ پر ایک دلکش ویڈیو کے ذریعے اپنے نوزائیدہ بیٹے کے نام کا اعلان کیا، جس نے مداحوں اور چاہنے والوں کو بے حد خوش کر دیا۔
فوٹوز اینڈ ویڈیوز شیئرنگ ایپ انسٹاگرام پر ثنا خان نے ایک ویڈیو شیئر کی، جس میں بتایا گیا کہ انہوں نے اپنے بیٹے کا نام سید حسن جمیل رکھا تھا۔
اپنی پوسٹ کے کیپشن میں انہوں نے لکھا، ’اے اللہ تمام تعریفیں تیرے لیے ہیں۔ اپنی نعمتوں اور فضل کے ساتھ ہمیں توفیق دے کہ ہم اسکی اچھے طریقے سے پرورش کریں، ہمیں اس کے ساتھ مہربانی اور انصاف کرنے کی ہدایت دے اور اسے اپنے نیک بندوں میں شامل کر۔‘
View this post on InstagramA post shared by Saiyad Sana Khan (@sanakhaan21)
اس سے قبل اپنی ایک پوسٹ میں ثنا نے تحریر کیا تھا، ’اللّٰہ تعالیٰ نے ہر چیز مقدر میں لکھی ہے۔ وقت آنے پر اللّٰہ اسکو عطا کرتا ہے اور جب عطا کرتا ہے تو جھولیاں خوشیوں سے بھر دیتا ہے۔‘
A post shared by Saiyad Sana Khan (@sanakhaan21)
مزیدپڑھیں:سابق بھارتی اداکارہ ثنا خان کے ہاں دوسرے بچے کی پیدائش متوقع
ذریعہ: Daily Ausaf
پڑھیں:
زاہد احمد نے سوشل میڈیا کو شیطان کا کام قرار دے دیا
معروف اداکار زاہد احمد نے سوشل میڈیا اور اس کے اثرات پر کھل کر گفتگو کرتے ہوئے اسے شیطان کا کام قرار دے دیا۔
زاہد احمد اپنی ہمہ جہت اداکاری اور گہرے کرداروں کے باعث شہرت رکھتے ہیں، انہوں نے متعدد معروف ڈراموں میں اپنی فنکارانہ صلاحیتوں کا لوہا منوایا، ریڈیو سے اپنے کیریئر کا آغاز کرنے والے زاہد احمد نے تھیٹر اور پھر ٹیلی وژن تک کا کامیاب سفر طے کیا۔
حال ہی میں وہ ایک پوڈکاسٹ میں شریک ہوئے، جہاں گفتگو کے دوران انہوں نے سوشل میڈیا اور جدید طرزِ زندگی پر سخت مؤقف اپنایا۔
زاہد احمد کا کہنا تھا کہ سوشل میڈیا شیطان کا کام ہے اور جو لوگ اس پر مواد تخلیق کر رہے ہیں، وہ جہنم میں جائیں گے۔
انہوں نے تسلیم کیا کہ میرے اس بیان پر تنقید ہو سکتی ہے کیونکہ میں خود بھی سوشل میڈیا پر موجود ہوں، مگر میں محض اپنا ذاتی مؤقف پیش کر رہا ہوں۔
زاہد احمد نے کہا کہ اپنی نجی زندگی، بچوں اور روزمرہ کے معمولات کو عوامی سطح پر دکھانا درست عمل نہیں، سوشل میڈیا وہ ایجاد ہے جس نے انسان کو سب سے زیادہ نقصان پہنچایا ہے۔
اداکار کے اس بیان نے سوشل میڈیا پر نئی بحث چھیڑ دی ہے، جہاں کچھ صارفین ان کے خیالات سے اتفاق کر رہے ہیں جبکہ کئی انہیں حد سے زیادہ سخت مؤقف اختیار کرنے پر تنقید کا نشانہ بنا رہے ہیں۔
ایلون مسک نے وکی پیڈیا کے مقابل متبادل پلیٹ فارم ’گروکی پیڈیا‘ متعارف کردیا