نعمان علی ٹیسٹ کرکٹ میں ہیٹرک کرنے والے پہلے پاکستانی اسپنر
اشاعت کی تاریخ: 25th, January 2025 GMT
ملتان:قومی ٹیم کے اسپنر نعمان علی نے ٹیسٹ کرکٹ میں ایک اہم سنگ میل عبور کرتے ہوئے ویسٹ انڈیز کے خلاف دوسرے ٹیسٹ میچ کے پہلے روز ہیٹرک کر کے تاریخ رقم کر دی۔
ملتان کرکٹ اسٹیڈیم میں کھیلے گئے میچ میں نعمان علی نے شاندار بالنگ کرتے ہوئے ویسٹ انڈیز کے بلے بازوں کیوی سنکلیئر، ٹیون املاچ اور جسٹن گریوز کو مسلسل 3گیندوں پر آؤٹ کیا۔ اس طرح انہوں نے ٹیسٹ میچ میں ہیٹرک کرنے والے پہلے پاکستانی اسپنر کا اعزاز نام کرلیا۔
واضح رہے کہ نعمان علی ٹیسٹ کرکٹ میں ہیٹرک کرنے والے پاکستان کے پانچویں بالر ہیں۔ اس سے قبل پاکستان کے لیجنڈری فاسٹ بالر وسیم اکرم نے 26 سال قبل یہ اعزاز حاصل کیا تھا۔
اسی طرح نوجوان فاسٹ بالر نسیم شاہ نے 2020ء میں بنگلا دیش کے خلاف ہیٹرک مکمل کی اور اس کے بعد دیگر 3 بالرز نے بھی یہ کارنامہ انجام دیا، تاہم نعمان علی بطور اسپنر یہ اعزاز حاصل کرنے والے پہلے پاکستانی ہیں۔
.
ذریعہ: Al Qamar Online
کلیدی لفظ: پاکستان کھیل کرنے والے نعمان علی
پڑھیں:
پنجاب: کرکٹ سیریز کے دوران سیکیورٹی کے بہترین انتظامات کرنے کی ہدایت
حکومت پنجاب نے پاکستان سری لنکا کرکٹ سیریز اور بعد ازاں پاکستان، سری لنکا اور زمبابوے کی سہ ملکی کرکٹ سیریز کے لیے بہترین انتظامات کی ہدایت کردی۔ جبکہ اٹک اور ڈی جی خان میں رینجرز کی تعیناتی میں توسیع کی منظوری دے دی گئی۔
محکمہ داخلہ پنجاب میں کابینہ کمیٹی برائے امن و امان کا 41 واں اجلاس چیرمین خواجہ سلمان رفیق نے صدارت میں ہوا۔
مزید پڑھیں: وزیراعلیٰ پنجاب مریم نواز نے ٹی ایل پی کی دھمکیوں کے بعد سرگرمیاں محدود کردیں، سیکیورٹی اسٹاف تبدیل
سیکریٹری داخلہ ڈاکٹر احمد جاوید قاضی اور قانون نافذ کرنے والے اداروں کے نمائندگان نے اجلاس کو بریفنگ دی۔ اجلاس میں صوبہ بھر میں امن و امان کی صورتحال کا تفصیلی جائزہ لیا گیا۔
کابینہ کمیٹی نے 11 نومبر سے شروع ہونے والی پاکستان سری لنکا کرکٹ سیریز اور بعد ازاں پاکستان، سری لنکا اور زمبابوے کی سہ ملکی کرکٹ سیریز کے لیے بہترین انتظامات کی ہدایت دی۔
کابینہ کمیٹی نے اٹک اور ڈی جی خان میں رینجرز کی تعیناتی میں توسیع کی منظوری دی۔
کابینہ کمیٹی برائے امن و امان نے پنجاب فرانزک سائنس ایجنسی کو جدید تقاضوں سے ہم آہنگ کرنے اور مزید سود مند بنانے پر زور دیا۔
اجلاس سے خطاب میں صوبائی وزیر صحت و چیئرمین کابینہ کمیٹی برائے امن و امان خواجہ سلمان رفیق نے کہاکہ عوام کے جان و مال کا تحفظ ریاست کی اولین ترجیح ہے اور صوبہ بھر میں امن و امان کی صورتحال تسلی بخش ہے۔
انہوں نے ہدایت کی کہ سہ ملکی کرکٹ سیریز کے دوران سیکیورٹی کے غیر معمولی انتظامات یقینی بنائے جائیں۔
خواجہ سلمان رفیق نے کہاکہ بابا گورونانک دیو جی کی جنم دن تقریبات کے لیے بہترین انتظامات کیے گئے ہیں اور تمام مہمانوں کی سہولت کا خیال رکھا جائے گا۔
انہوں نے کہاکہ وزیراعلی پنجاب کی ہدایت کے مطابق قانون نافذ کرنے والے ادارے قیام امن کی خاطر دن رات مصروف عمل ہیں۔
مزید پڑھیں: پنجاب: ڈرون پولیسنگ اور نیا مربوط سیکیورٹی اینڈ آرمز ریگولیشن سسٹم منظور
کابینہ کمیٹی برائے امن و امان کے اجلاس میں سیکریٹری داخلہ ڈاکٹر احمد جاوید قاضی، سیکریٹری محکمہ اوقاف سید طاہر رضا بخاری، ایڈیشنل آئی جی پولیس چوہدری سلطان، اسپیشل برانچ اور سی ٹی ڈی سے ڈی آئی جیز اور محکمہ داخلہ سے متعلقہ ایڈیشنل سیکریٹریز نے شرکت کی۔
اسی طرح پاکستان کرکٹ بورڈ کے چیف آپریٹنگ آفیسر سمیر احمد سید جبکہ پنجاب بھر سے کمشنرز اور آر پی اوز نے ویڈیو لنک کے ذریعے اجلاس میں شرکت کی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews پنجاب رینجرز تعیناتی میں توسیع سیکیورٹی انتظامات کرکٹ سیریز وی نیوز
جاپان کے سابق وزیرِ اعظم شنزو آبے کے قاتل نے اعترافِ جرم کر لیا