کراچی، شہری گھر کی دہلیز پر ڈکیتی مزاحمت پر قتل، فائرنگ کی ویڈیو منظرعام پر
اشاعت کی تاریخ: 25th, January 2025 GMT
کراچی:
کراچی کے علاقے فیڈرل بی ایریا بلاک 15 جوہر آباد میں شہری کو گھر کی دہلیز پر ڈکیتی مزاحمت پر فائرنگ کرکے قتل کردیا گیا، جس کی ویڈیو بھی منظر عام پر آگئی ہے۔
کراچی ضلع وسطی کے علاقے جوہر آباد فیڈرل بی ایریا بلاک 15 میں گھر کی دہلیز پر شہری کو مزاحمت پر فائرنگ کا نشانہ بنا کر قتل کرنے کی ویڈیو منظرعام پر آگئی ہے جس میں دیکھا جا سکتا ہے کہ 40 سالہ معیز آفس جانے کے لیے کمر پر بیگ لٹکائے گھر کے باہر موبائل فون استعمال کر رہے ہیں۔
اسی دورن ان کے عقب سے موٹر سائیکل پر سوار2 ڈاکو آتے ہوئے دکھائی دیئے، جنہوں نے پینٹ، شرٹ اورجیکٹ بھی پہنی ہوئی تھی، موٹر سائیکل چلانے والا ڈاکو ہیلمٹ جبکہ پیچھے بیٹھے ہوئے ڈاکو نے چہرے پر ماسک لگایا ہوا تھا اور وہ شہری معیز کے قریب اتر کر اس کے ہاتھ سے موبائل فون چھینتے ہوئے اور اس دوران موٹر سائیکل پر سوار دوسرا ڈاکو اسلحہ تانے ہوئے نظر آرہے ہیں۔
ڈکیتی کے دوران شہری موبائل فون چھیننے والے ڈاکو سے گتھم گتھا ہو جاتے ہیں اور اس دوران اسلحہ بردار ڈاکو اپنی موٹر سائیکل پیچھے کی جانب لے جاا ہے اور شہری پر گولی چلا دیتا ہے اور گولی لگتے ہی وہ سڑک پر گر جاتا ہے۔
بعدازاں دوسرا ڈاکو موٹرسائیکل پر سوار ہوجاتا ہے اور دونوں ڈاکو واپس اسی راستے سے چلے جاتے ہیں جہاں سے وہ گلی میں داخل ہوئے تھے، مقتول معیز کو ایک گولی سر پر لگی تھی جو جان لیوا ثابت ہوئی۔
.
ذریعہ: Express News
کلیدی لفظ: موٹر سائیکل
پڑھیں:
کورنگی میں دوسرے روز بھی ڈاکوؤں نے جیولرز کی دکان سے لاکھوں روپے مالیت کے زیورات لوٹ لیے
شہر قائد کے ضلع ڈسٹرکٹ کورنگی ڈاکوؤں کے لیے جنت بن گیا، جہاں دوسرے روز بھی ڈکیتوں نے سنار کی دکان میں واردات کی اور لاکھوں روپے مالیت کے زیورات لے کر فرار ہوگئے۔
منگل کو کورنگی میں جیولرز کی دکانوں میں بھاری مالیت کے طلائی زیورات لوٹنے اور مزاحمت پر دکاندار کے قتل کے بعد ڈاکوؤں نے پولیس کی ناقص کارکردگی کا بھرپور فائدہ اٹھاتے ہوئے کورنگی بھٹائی کالونی گراؤنڈ کے قریب بدھ کو دن دہاڑھے جیولرز کی دکان سے لاکھوں روپے مالیت کا سونا لوٹ کر فرار ہوگئے۔
کورنگی میں ایک روز ڈاکوؤں کی فائرنگ سے جیولر مارکیٹ کے دکاندار کی نمازہ جنازہ ادا کی جا رہی تھی تو اسی دوران ڈاکو کورنگی بھٹائی گراؤنڈ کے قریب بسم اللہ جیولرز کی دکان میں لوٹ مار کر رہے تھے۔
واردات کی سی سی ٹی وی فوٹیج میں ڈاکوؤں کا اطمینان بتا رہا تھا کہ انھیں پولیس کا کوئی ڈر و خوف تک نہیں تھا اور وہ انتہائی دیدا دلیری کے ساتھ دکاندار کو اسلحے کے زور پر یرغمال بنا کر اس کی آنکھوں کے سامنے بھاری مالیت کا سونا اپنے ہمراہ لائے ہوئے بیگ میں بھر کر فرار ہوگئے۔
اس حوالے بسم اللہ جیولرز کے مالک زاکر نے ایکسپریس کو بتایا کہ بدھ کی دوپہر ایک بجکر 3 منٹ پر کورنگی بھٹائی گراؤنڈ کے قریب ان کی بسم اللہ جیولرز کے نام سے دکان میں ڈاکوؤں نے داخل ہو کر اسلحے کے زور پر یرغمال بنا کر اپنے ہمراہ لائے ہوئے بیگ میں دکان کے شوکیس میں رکھا ہوا 25 سے 30 تولہ سونا سمیٹ کر فرار ہوگئے جس کی مالیت 80 سے 90 لاکھ روپے کے قریب بنتی ہے۔
انھوں نے اعلیٰ حکام سے دکانداروں کو تحفظ فراہم کرنے کا مطالبہ کرتے ہوئے کہا کہ بڑی محنت سے جمع کرتے ہیں لیکن ڈاکو ایک منٹ میں آکر ہمیں زیرو کر جاتے ہیں۔
دکاندار نے بتایا منگل کو بھی دن دہاڑھے کورنگی 2 نمبر میں قائم جیولرز مارکیٹ میں دکاندار متین ڈاکوؤں کی فائرنگ سے جاں بحق ہوا تھا اور واردات میں ڈاکو بھاری مالیت کا سونا لوٹ کر فرار ہوگئے تھے۔
کورنگی بھٹائی کالونی گراؤنڈ کے قریب قائم بسم اللہ جیولرز کی دکان میں واردات کی مختلف فوٹیجز بھی سامنے آئی ہیں جس میں دکان کے اندر 3 ڈاکوؤں نے داخل ہو کر اسلحے کے زور پر وہاں موجود افراد کو یرغمال بناتے ہوئے دکھائی دیئے۔
ایک ڈاکو شلوار قمیض میں جبکہ دیگر 2 ڈاکوؤں نے ٹی شرٹ اور ٹراؤز پہنا ہوا تھا جبکہ دکان میں سب سے پہلے داخل ہونے والے ڈاکو نے چہرے پر ماسک لگایا ہوا تھا جبکہ دیگر 2 ڈاکوؤں نے پی کیپ پہنا ہوا تھا۔
واردات کے دوران شلوار قمیض میں ملبوس ڈاکو نے دکان کے باہر پہرے داری کی جبکہ دکان میں موجود 2 ڈاکو اپنے ہمراہ لائے ہوئے بیگ میں شوکیس میں رکھے ہوئے طلائی زیورات اور دیگر سونا نکال کر اپنے بیگ میں بھرتا رہا اور چند منٹوں میں دکان کو صفایا کر کے باہر کھڑے موٹر سائیکلوں پر سوار اپنے دیگر ساتھیوں کے ہمراہ بیٹھ کر موقع سے باآسانی فرار ہوگئے۔
متاثرہ دکاندار کے مطابق باہر لوگوں نے بتایا کہ ڈاکو 2 موٹر سائیکلوں پر آئے تھے تاہم اس حوالے سے زمان ٹاؤن پولیس نے واردات کی اطلاع ملتے ہی کرائم سین یونٹ کو طلب کر کے جائے وقوعہ سے فنگر پرنٹس سمیت دیگر شواہد حاصل کیے ہیں جبکہ پولیس سی سی ٹی وی کیمروں اور حاصل کردہ شواہد کی روشنی میں واردات کی مزید تحقیقات کر رہی ہے۔
اسحاق ڈار کی آسٹریلیا کی وزیرِ خارجہ سے ملاقات, اعلیٰ سطحی سیاسی روابط بڑھانے پر اتفاق