(ن)لیگ میں کوئی اختلاف نہیں ‘ راجا محمد فاروق حیدر خان
اشاعت کی تاریخ: 27th, January 2025 GMT
مظفرآباد(صباح نیوز)سابق وزیراعظم آزاد کشمیر و مرکزی رہنما پاکستان مسلم لیگ (ن) راجا محمد فاروق حیدر خان نے کہا ہے کہ جمہوری اصولوں کی خلاف ورزی کرکے کشمیریوں کی تحریک کو دبانے کے لیے ہٹلر اور اسرائیل طرز پر کاروائیاں کرنے والا ہندوستان جمہوریت کا چیمپیئن نہیں بلکہ انسانی حقوق کی سنگین پامالیوں کا مرتکب ملک ہے جس کی گواہی اقوام متحدہ کے انسانی حقوق کمیشن کی دو رپورٹس دے چکی ہیں جمہوریت آزادی اظہار اور عوامی خواہشات کے مطابق انہیں فیصلے کرنے کے اختیار کا نام ہے جو کچھ مقبوضہ کشمیر میں کیا گیا اور مجموعی طور پر ہندوستان
کے اندر اقلیتوں کے خلاف ہورہا ہے اس سے بھارت کے چہرے سے نقاب اتر گیا ہے موجودہ حکومت کی نا کوئی پالیسی ہے نا سمت اور نا ہی ویثرن جس کے باعث حالات دن بدن خرابی کی طرف جارہے ہیں آزادکشمیر کے اندر سیاست کے اطوار اب بدل گئے ہیں سیاسی جماعتوں کو اگر اپنا وجود برقرار رکھنا ہے تو پھر اپنا طرز سیاست بدلنا ہوگا مسلم لیگ (ن) میں کوئی گروپ ہے نا دھڑے بندی، جماعت میں مختلف آرا ہونا اس کی مظبوطی اور بہتری کے لیے ضروری ہوتا ہے، لیگی کارکنان آپس میں متحد رہیں جماعتی نظم و ضبط کی پابندی کریں تو کوئی دوسری قوت (ن) لیگ کا مقابلہ کرنے کی پوزیشن میں نہیں ہے اس وقت بھی سب سے لائق اور باصلاحیت ٹیم مسلم لیگ (ن) کے پاس ہے جس نے 2016 سے 21 تک شاندار کارکردگی دکھائی رفاقت اعوان اور ان کے خاندان سے تعلق نسل در نسل کا ہے جو مزید مظبوط ہوگا۔ ان خیالات کا اظہارراجہ محمد فاروق حیدر خان نے اعوان پٹی گڑھی دوپٹہ میں سلیم اختر اعوان کی رہائش گاہ پر میڈیا سے گفتگو کرتے ہوے کیا اس موقع پر راجہ محمد فرید خان،فاروق اعوان،شریف اعوان،خرم جاوید اعوان و دیگر بھی موجود تھے سابق وزیراعظم آزادکشمیر نے کہا کہ کشمیر ہمیشہ سے ہماری سیاست کا مرکزی نقطہ رہا ہے آل پارٹیز کانفرنس مستقبل کے لیے مشترکہ لائحہ عمل اختیار کرنے کے لیے اہم پیش رفت ثابت ہوسکتی ہے ضرورت اس بات کی ہے کہ کشمیر اور اس کی آزادی کے ایک نقطے پر ہم سب متفق ہوں اور وہ راے شماری کا آپشن ہے جس پر سارے نظریات کے ماننے والے متفق ہوسکتے ہیں اگر ہم پہلے ہی الگ بات کرینگے تو پھر ہماری بات میں وزن نہیں ہوگا پاکستان اور ہندوستان کو کشمیر کے حوالے سے ایک طرح سے دیکھنا کسی صورت قابل قبول نہیں ہندوستان ایک قابض،غاصب اور جارح ملک ہے جبکہ پاکستان ہمارا دوست اور ہمدرد ہے جس نے ہماری وجہ سے بہت سارے مسائل کا بھی سامنا کیا کشمیری اور پاکستان لازم و ملزوم ہیں یہ ایک دوسرے کے بغیر نہیں رہ سکتے ،مسلم لیگ (ن) میں کوئی اختلاف نہیں ہمارے لیڈر نوازشریف ہیں جن کی قیادت میں ہم سب متفق ہیں وزیراعظم پاکستان نے مشکل ترین حالات میں ملک کو سنبھالا اگرچہ مشکلات ہیں مگر ہمیں یقین ہے کہ ملک کا مستقبل روشن ہے ایک مستحکم مظبوط پاکستان ہی کشمیریوں کی تحریک کے لیے تقویت کا باعث ہے۔
ذریعہ: Jasarat News
پڑھیں:
ریاست کے خلاف کوئی جہاد نہیں ہو سکتا، پیغام پاکستان اقلیتوں کے تحفظ کا ضامن ہے ،عطاء تارڑ
اسلام آباد: وزیر اطلاعات عطاء اللہ تارڑ نےکہا ہےکہ پیغام پاکستان” ملک کی نظریاتی سرحدوں کے دفاع کا نام ہے اور اس نے پورے ملک میں یہ واضح پیغام دیا ہے کہ ریاست پاکستان کے خلاف کسی بھی قسم کا جہاد ممکن نہیں۔
قومی پیغام امن کمیٹی کے پہلے اجلاس سے خطاب کرتے ہوئے انہوں نے اجلاس کے دوران کمیٹی کے تمام ارکان کا شکریہ ادا کیا اور کہا کہ پیغام پاکستان میں علما کرام کے متفقہ فتوے موجود ہیں جنہوں نے ریاست کے خلاف مسلح کارروائی کو غیر شرعی قرار دیا۔ عطاء اللہ تارڑ نے زور دیا کہ پیغام پاکستان نہ صرف دہشت گردی کے خلاف قومی بیانیہ ہے بلکہ اقلیتوں کے حقوق کے تحفظ کا بھی علمبردار ہے۔
وفاقی وزیر نے کہا کہ پاکستان 27 ویں رمضان المبارک کی بابرکت شب کو وجود میں آیا، اور آج کے دور میں دو قومی نظریے کی اہمیت پہلے سے کہیں زیادہ بڑھ چکی ہے۔ اُن کا کہنا تھا کہ بین المذاہب ہم آہنگی کے فروغ میں غیر مسلم کمیونٹی کا کردار تاریخ میں سنہری حروف سے لکھا جائے گا۔
عطاء اللہ تارڑ نے عزم ظاہر کیا کہ قومی پیغام امن کمیٹی کے پیغام کو ملک کے ہر کونے تک پہنچایا جائے گا تاکہ امن، برداشت اور ہم آہنگی کو فروغ دیا جا سکے۔ اُن کا کہنا تھا کہ دہشت گردوں کا کوئی مذہب، رنگ یا نسل نہیں ہوتا اور ان کے سہولت کار بھی دہشت گردی کے مجرم ہیں۔
وزیر اطلاعات نے کہا کہ پاکستان نے دہشت گردی کے خلاف جنگ میں 90 ہزار قیمتی جانوں کا نذرانہ پیش کیا ہے، اور ریاست ملک کے دفاع اور سالمیت کے لیے کسی بھی حد تک جانے کے لیے تیار ہے۔ اُن کا کہنا تھا کہ ملک میں دہشت گردوں کے لیے کوئی جگہ نہیں اور دہشت گردی کے ناسور کو جڑ سے اکھاڑ پھینکا جائے گا۔
کراچی میں متوقع شدید بارش کے پیش نظر انتظامیہ کو ہائی الرٹ رہنے کا حکم