شکیل شیخ کا شوگر مل کا دورہ‘ انتظامیہ اور محنت کشوں سے ملاقات
اشاعت کی تاریخ: 27th, January 2025 GMT
نیشنل لیبر فیڈریشن ملک کی واحد تنظیم ہے جوآجر اور اجیر کے مابین خوشگوار اور بہتر تعلقات اسطوار کرنے میںہمیشہ اہم کردار ادا کرتی ہے اور ملک کی صنعتی ترقی اور خوشحالی کے لیے پچھلے 55سال سے زائد عرصہ سے جدوجہد کر رہی ہے اور جن اداروں میں این ایل ایف سے وابستہ ٹریڈ یونینزقائم ہیں ان اداروں میں ٹریڈ یونین سرگرمیوں کے ساتھ ساتھ ادارے کی ساکھ، صنعتی امن اور پروڈیکشن کے حوالے سے محنت کشوں اور یونین کے ذمہ داران کا کردار ہمیشہ اہم رہا ہے۔ ان اداروں نے ترقی کی منازل طے کی ہیں۔ ان خیالات کا اظہار نیشنل لیبر فیڈریشن سندھ کے صدر شکیل احمد شیخ نے سندھ آباد گار شوگر ملز میں محنت کشوں اور انتظامیہ کے ذمہ داران سے گفتگو کر تے ہوئے کیا۔ اس دوران سندھ آباد گار شوگر ملز سی بی اے یونین کے صدر ریاض آرائیں، جنرل سیکرٹری عبد الحکیم جلا لانی، چیئرمین، سینئر نائب صدر اور دیگر تمام عہدیداران و ممبران موجود تھے۔ اس دورے میں این ایل ایف سندھ کے سیکرٹری اطلاعات محمد احسن شیخ حیدرآباد زون کے سیکرٹری اعجاز حسین بھی موجود تھے۔ فیکٹری آمد پر CBA یونین کے عہداران نے فیڈریشن کے عہدیداران کا شاندار استقبال کیا۔ شکیل احمد شیخ نے محنت کشوں سے خطاب کرتے ہوئے کہا کہ محنت کش اور انتظامیہ دونوں صنعتی ترقی میں اہم کردار ادا کرتے ہیں اور نیشنل لیبر فیڈریشن نے ہمیشہ صنعتی امن کو برقرار رکھنے کے لیے ہر قسم کی کوششیں جاری رکھی ہیں یہ ہی وجہ ہے کہ نیشنل لیبر فیڈریشن پورے پاکستان میں اپنے کام کے ذریعے ہر ادارے میں پہنچ رہی ہے اور ہم انتظامیہ سے بھی گزارش کرتے ہیں کہ انتظامیہ محنت کشوں کو ان کے جائز اور قانونی مراعات دینے کے لیے احکامات صادر کریں تاکہ محنت کشوں میں بھی ایک جوش اور جذبہ مزید پیدا ہو سکے اور فیکٹری کی پیداوار میں مزید ترقی حاصل ہوسکے ۔
سندھ آبادگار شوگر ملز کے افسران سے بھی ملاقات کرتے ہوئے شکیل احمد شیخ نے امید ظاہر کی کہ ملز کی انتظامیہ محنت کشوں کے مسائل حل کرنے میں دلچسپی کا مظاہرہ کرے گی اور جائز مطالبات تسلیم کرنے میں تاخیر ی حربے استعمال نہیں کرے گی گرو پ ڈائریکٹر عبدالرحیم ملاح نے بتایا کہ یونین کے پیش کردہ مطالبات میں سے چند کو انتظامیہ نے تسلیم کر لیا ہے اور ان پر فوری عمل دارآمد کروانے کی یقین دہانی کروائی ہے اور دیگر مطالبات پر بھی مثبت انداز میں گفتگو جاری رکھنے کا وعد ہ کیا اور کہا کہ ہم سی بی اے یونین کے مثالی تعلقات ماضی کی طرح مستقبل میں قائم رکھیں گے اور یونین سے بھی امید رکھتے ہیں کہ وہ بھی فیکٹری کے ماحول کو خوشگوار اور صنعتی امن کو برقرار رکھنے، فیکٹری کی پیداوار کے لیے بھر پور تعاون کرتے ہوئے جو ذمہ داری ان کی ہیں انہیں احسن طریقے سے ادا کریں گے۔
ذریعہ: Jasarat News
کلیدی لفظ: نیشنل لیبر فیڈریشن یونین کے ہے اور کے لیے
پڑھیں:
خیبر پختونخوا میں حالیہ بارشوں سے ہونے والے نقصانات کی رپورٹ جاری
پی ڈی ایم اے کے مطابق خیبر پختونخوا میں 27 مئی سے جاری بارشوں اور تیز آندھی کے باعث مختلف حادثات میں اب تک 8 افراد جاں بحق اور 21 زخمی ہو چکے ہیں۔ اسلام ٹائمز۔ پی ڈی ایم اے نے خیبر پختونخوا میں حالیہ بارشوں سے ہونے والے نقصانات کی رپورٹ جاری کردی۔ پی ڈی ایم اے کے مطابق خیبر پختونخوا میں 27 مئی سے جاری بارشوں اور تیز آندھی کے باعث مختلف حادثات میں اب تک 8 افراد جاں بحق اور 21 زخمی ہو چکے ہیں۔ رپورٹ کے مطابق جاں بحق ہونے والوں میں 5 مرد، 2 خواتین اور ایک بچہ شامل ہیں، جبکہ زخمیوں میں 10 مرد، 5 خواتین اور 6 بچے شامل ہیں۔ پی ڈی ایم اے کی رپورٹ میں بتایا گیا کہ بارش اور آندھی کے باعث مجموعی طور پر 25 گھروں کو نقصان پہنچا، جن میں سے 24 کو جزوی اور ایک مکمل منہدم ہوا۔ حادثات صوبے کے مختلف اضلاع مردان، صوابی، پشاور، شانگلہ، سوات، تورغر، مہمند، مانسہرہ اور ہری پور میں پیش آئے۔
پی ڈی ایم اے نے متعلقہ ضلعی انتظامیہ کو متاثرہ خاندانوں کو فوری امداد فراہم کرنے اور زخمیوں کو بہترین طبی سہولیات فراہم کرنے کی ہدایت جاری کر دی ہے۔ رپورٹ میں بتایا گیا ہے کہ بارشوں کا سلسلہ 31 مئی تک جاری رہنے کا امکان ہے، جس کے پیش نظر ضلعی انتظامیہ کو پہلے ہی الرٹ رہنے اور پیشگی اقدامات کی ہدایت کی جا چکی ہے۔ پی ڈی ایم اے کا کہنا ہے کہ وہ تمام ضلعی انتظامیہ، متعلقہ اداروں اور امدادی تنظیموں کے ساتھ مسلسل رابطے میں ہے۔
نوجوان ہمارا قیمتی اثاثہ ؛ ترقی میں شمولیت کیلئے نیشنل ایڈولسنٹ اینڈ یوتھ پالیسی مثبت اقدام !!