ملتان ٹیسٹ : ویسٹ انڈیز نے پاکستان کو 120 رنز سے شکست دے کر سیریز برابر کر دی
اشاعت کی تاریخ: 27th, January 2025 GMT
ملتان: ویسٹ انڈیز نے پاکستان کو 120 رنز سے شکست دے کر دو ٹیسٹ میچز کی سیریز 1-1 سے برابر کر دی۔ ویسٹ انڈیز نے پاکستان کو جیت کے لیے 245 رنز کا ہدف دیا، جسے پاکستان حاصل نہ کر سکا۔
پاکستان کی بیٹنگ اس میچ میں مشکلات کا شکار رہی۔ کھیل کے تیسرے دن سعود شکیل 13 رنز اور نائٹ واچ مین کاشف علی ایک رن بنا کر آؤٹ ہو گئے، جب کہ سلمان علی آغا 15 رنز بنا کر پویلین لوٹ گئے۔ اس کے بعد، پاکستان کی ٹیم 254 رنز کے ہدف کے تعاقب میں 76 رنز پر 4 کھلاڑی آؤٹ ہو چکے تھے۔ کپتان شان مسعود اور محمد ہریرہ 2، 2 رنز بنا کر آؤٹ ہوئے، اور بابر اعظم 31 رنز بنا کر پویلین لوٹ گئے۔
ویسٹ انڈیز نے دوسری اننگز میں 9 رنز کی برتری کے ساتھ آغاز کیا اور کپتان بریتھ ویٹ اور میکائیل لوئیس کی 50 رنز کی شراکت داری کی بدولت اسکور 92 تک پہنچا۔ بریتھ ویٹ نے 52 رنز بنائے اور ویسٹ انڈیز کی ٹیم 244 رنز پر آؤٹ ہو گئی۔ پاکستان کے لیے نعمان علی اور ساجد خان نے چار چار وکٹیں حاصل کیں۔
اس سے قبل، ویسٹ انڈیز نے اپنی پہلی اننگز میں 163 رنز بنائے تھے، اور پاکستان نے اس کے جواب میں 154 رنز بنائے۔ اس طرح، ویسٹ انڈیز کو جیت کے لیے 254 رنز کا ہدف دیا گیا۔ واضح رہے کہ پاکستان نے اس سیریز کا پہلا میچ جیتا تھا، لیکن آخری میچ میں ویسٹ انڈیز نے شاندار کارکردگی کا مظاہرہ کرتے ہوئے سیریز برابر کر دی۔
.ذریعہ: Nai Baat
کلیدی لفظ: ویسٹ انڈیز نے
پڑھیں:
پاک بھارت میچ کا تنازع شدت اختیار کر گیا، پی سی بی کا میچ ریفری کو ہوم سیریز سے ہٹانے کا مطالبہ
پاکستان اور بھارت کے درمیان حالیہ ایشیا کپ میچ میں پیش آنے والے ایک تنازع نے صورتحال کو مزید سنگین بنا دیا ۔ پاکستان کرکٹ بورڈ (پی سی بی) نے میچ ریفری اینڈی پائی کرافٹ کے طرزِ عمل پر سخت تحفظات کا اظہار کرتے ہوئے انہیں آئندہ ماہ ہونے والی پاکستان-جنوبی افریقہ ہوم سیریز سے بھی ہٹانے کا مطالبہ کر دیا ۔
پی سی بی نے انٹرنیشنل کرکٹ کونسل (آئی سی سی) کو باضابطہ خط کے ذریعے آگاہ کیا ہے کہ جنوبی افریقہ کی مینز ٹیم کے دورۂ پاکستان کے دوران اینڈی پائی کرافٹ کی بطور میچ ریفری تعیناتی پاکستان کو قبول نہیں۔
معاملہ کیا ہے؟
یہ تنازع اس وقت شروع ہوا جب ایشیا کپ کے پاک-بھارت میچ سے قبل ٹاس کے موقع پر میچ ریفری اینڈی پائی کرافٹ نے پاکستانی کپتان سلمان آغا کو ہدایت کی کہ ٹاس کے بعد شیک ہینڈ (مصافحہ) نہیں ہوگا۔ اس سے قبل انہوں نے پاکستانی میڈیا منیجر کو یہ بھی کہا تھا کہ یہ تمام مناظر “ریکارڈ” نہ کیے جائیں۔
میچ کے اختتام پر پاکستانی ٹیم منیجر نوید اکرم چیمہ نے اس رویے پر شدید تحفظات کا اظہار کیا، جس پر ٹورنامنٹ ڈائریکٹر اینڈریو رسل نے جواب دیا کہ “بھارتی کرکٹ بورڈ کی ہدایات پر عمل کیا گیا ہے”، اور بعد میں یہ بات کہی گئی کہ یہ ہدایات دراصل بھارتی حکومت کی طرف سے آئی تھیں۔
پاکستان کا سخت مؤقف
پی سی بی نے اس واقعے کو کرکٹ کی روح کے منافی قرار دیا ہے اور آئی سی سی کو واضح پیغام دیا ہے کہ اگر میچ ریفری کو تبدیل نہ کیا گیا تو پاکستان ایشیا کپ میں اپنے باقی میچز نہیں کھیلے گا۔
پی سی بی کے چیئرمین محسن نقوی نے اس حوالے سے کہا کہ ہم نے آئی سی سی کو باضابطہ شکایت جمع کروائی ہے۔ میچ ریفری کا رویہ کرکٹ کے جذبے اور اصولوں کے خلاف تھا، ایسے اقدامات ناقابلِ قبول ہیں۔”
سیریز پر اثرات؟
جنوبی افریقہ کی ٹیم آئندہ ماہ آل فارمیٹ سیریز کے لیے پاکستان آنے والی ہے، جس میں اینڈی پائی کرافٹ کو میچ ریفری نامزد کیا گیا تھا۔ لیکن اب پاکستان نے کھل کر کہہ دیا ہے کہ وہ ان کی موجودگی میں یہ میچز قبول نہیں کرے گا۔
یہ تنازع ایشیا کپ اور پاکستان کی ہوم سیریز، دونوں پر اثر ڈال سکتا ہے، اور اس بات کا امکان ہے کہ آنے والے دنوں میں یہ معاملہ مزید شدت اختیار کرے۔
دنیا بھر میں اسکولوں پر حملوں میں 44 فیصد اضافہ تشویشناک ہے، وزیراعلیٰ سندھ