گوجرانولہ میں دنیا کے سب سے پستہ قد شیف کے کھانوں کی دھوم
اشاعت کی تاریخ: 27th, January 2025 GMT
گوجرانولہ جو کہ اپنے کھانوں کی وجہ سے مشہور ہے، مگر گوجرانولہ میں ایک ایسا ریسٹورنٹ ہے جس کی مقبولیت کی وجہ وہاں کے پستہ قامت شیف ہیں۔
عزیر کا دعویٰ ہے کہ وہ نہ صرف پاکستان بلکہ دنیا کے سب سے پستہ قد شیف ہیں۔ ان کا مزید کہنا تھا کہ مجھے بچپن سے ہی کھانے بنا نے کا شوق تھا اور میں اپنی والدہ سے بھی کھانے بنانا سیکھتا تھا۔
عزیر کے مطابق گوجرانولہ میں لوگ دور دراز سے میرے ہاتھ کا کھا نا کھانے آتے ہیں۔ یوں تو انہیں چائنیز، دیسی اور بہت طرح کے کھانے بنانے آتے ہیں مگر لوگوں کی جانب سے سب سے زیادہ باربی کیو پسند کیا جا رہا ہے ۔
لوگ یہاں مزیدار کھانے کھاتے اور ان کے ساتھ تصاویر بناتے ہیں، جس سے وہ بہت خوش ہوتے ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
.ذریعہ: WE News
پڑھیں:
ہیوی میٹل کے بانی اوزی اوسبورن دنیا سے رخصت ہو گئے
برطانوی راک میوزک لیجنڈ اور ہیوی میٹل بینڈ بلیک سباتھ کے کرشماتی مرکزی گلوکار اوزی اوسبورن 76 برس کی عمر میں انتقال کر گئے، ان کے اہل خانہ نے ان کی موت کی تصدیق کرتے ہوئے وجہ نہیں بتائی۔
اوزی اوسبورن گزشتہ کئی برسوں سے مختلف طبی مسائل کا شکار تھے، انہیں پارکنسنز کے مرض کی تشخیص ہوئی تھی اور 2019 کے ایک حادثے کے بعد کئی پیچیدگیوں کا سامنا بھی کرنا پڑا تھا۔
ان کے خاندان کی جانب سے جاری ایک بیان میں کہا گیا کہ ہمارے پیارے اوزی اوسبورن کے انتقال کی خبر الفاظ سے زیادہ غم انگیز ہے، وہ اس صبح اپنے اہل خانہ کے درمیان، محبت کے حصار میں دنیا سے رخصت ہوئے۔
یہ بھی پڑھیں:
اوزی اوسبورن کی وفات ان کے آخری لائیو پرفارمنس سے محض 3 ہفتے بعد ہوئی، 5 جولائی کو انہوں نے برمنگھم کے ولا پارک اسٹیڈیم میں بلیک سباتھ کے ساتھیوں کے ساتھ آخری بار اسٹیج پر پرفارم کیا، جو 2005 کے بعد ان کی پہلی مشترکہ پرفارمنس تھی۔
اس الوداعی کنسرٹ کا عنوان ‘بیک ٹودا بگننگ‘ تھا، جس میں ہیوی میٹل کے کئی نامور فنکار شریک ہوئے، اس موقع پر اوزی اوسبورن نے بتایا تھا کہ وہ گزشتہ 6 برس سے صاحب فراش ہیں۔ ’آپ کو اندازہ نہیں کہ آج میں کیسا محسوس کر رہا ہوں۔ دل کی گہرائیوں سے آپ سب کا شکریہ۔‘
اوزی آسبورن 1948 میں برمنگھم میں پیدا ہوئے، ان کے والدین فیکٹری میں کام کرتے تھے اور انہوں نے اپنے بچے کا نام جان مائیکل اوسبورن رکھا، اوزی اوسبورن نے 15 سال کی عمر میں اسکول چھوڑ دیا اور شہرت حاصل کرنے سے قبل بحیثیت مزدور، پلمبر اور مذبح خانے کے ورکر کے طور پر بھی کام کیا۔
مزید پڑھیں:
انہوں نے بلیک سباتھ بینڈ کے ساتھ ہیوی میٹل موسیقی کی بنیاد رکھنے میں کلیدی کردار ادا کیا اور پھر اپنی سولو کیریئر میں زبردست کامیابیاں حاصل کیں۔ ان کے مشہور گیتوں میں آئرن مین، پیرانوئڈ، وار پگس، کریزی ٹرین اور چینجز شامل ہیں۔
ہیوی میٹل کی دنیا میں انہیں ’پرنس آف ڈارکنیس‘کے لقب سے یاد کیا جاتا تھا، انہوں نے 1980 میں اپنا پہلا سولو البم ‘بلزرڈ آف اوز‘ ریلیز کیا، جو امریکا میں پانچ بار پلاٹینم گیا، انہوں نے مجموعی طور پر 13 اسٹوڈیو البمز ریلیز کیے، جن میں آخری البم ’پیشنٹ نمبر 9‘2022 میں منظر عام پر آیا۔
بلیک سباتھ کے ساتھ اور انفرادی طور پر دونوں حیثیتوں میں اوزی اوسبورن کو برطانیہ کے میوزک ہال آف فیم اور امریکا کے راک اینڈ رول ہال آف فیم میں شامل کیا گیا، وہ ہالی وڈ واک آف فیم اور برمنگھم کی براڈ اسٹریٹ پر بھی ستارے کے حامل رہے، انہوں نے 5 گریمی ایوارڈ جیتے اور ایک ریئلٹی ٹی وی اسٹار بھی بنے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
اوزی اوسبورن برمنگھم بلیک سباتھ راک میوزک ہیوی میٹل
ہائی ویزڈپارٹمنٹ انتظامیہ نے ملازمین کے مسائل حل کرنے کی قسم کھالی