ون چائنا پالیسی کیلئے پاکستانی عزم کو نشانہ بنانے والے الزامات بے بنیاد ہیں، دفتر خارجہ
اشاعت کی تاریخ: 27th, January 2025 GMT
ون چائنا پالیسی کیلئے پاکستانی عزم کو نشانہ بنانے والے الزامات بے بنیاد ہیں، دفتر خارجہ WhatsAppFacebookTwitter 0 27 January, 2025 سب نیوز
اسلام آباد (آئی پی ایس )دفتر خارجہ نے چین کی پالیسیوں کے حوالے سے پاکستانی عزم کو نشانہ بنانے والے بے بنیاد الزامات مسترد کرتے ہوئے زور دیا ہے کہ بیجنگ اسلام آباد کا ہر موسم میں اسٹریٹجک پارٹنر ہے۔واضح رہے کہ دفتر خارجہ کی جانب سے یہ بیان ایسے وقت میں سامنے آیا ہے، جب سوشل میڈیا پر اس حوالے سے مختلف پوسٹس کی گئی، اور مقامی اور ایک بھارتی میڈیا رپورٹ میں بھی یہ دعوی کیا گیا تھا کہ محسن نقوی نے چین کی حکمران جماعت کمیونسٹ پارٹی کے خلاف مہم چلانے والے لابنگ گروپ کی میزبانی میں ایک تقریب میں شرکت کی تھی۔
وفاقی وزیر داخلہ نے امریکی شہر ہیوسٹن میں میڈیا سے گفتگو کے دوران ان رپورٹس کو پروپیگنڈا قرار دیتے ہوئے کہا تھا کہ انہوں نے دورہ امریکا کے دوران چین کے خلاف کسی تقریب میں شرکت نہیں کی۔ترجمان دفتر خارجہ شفقت علی خان کی جانب سے جاری آج بیان میں ان رپورٹس کو مسترد کرتے ہوئے زور دیا گیا کہ چین پاکستان کا ہر موسم کا اسٹریٹجک پارٹنر ہے۔بیان میں کہا گیا ہے کہ میڈیا میں کی جانے والی قیاس آرائیوں کو پاک-چین دوستی کو نشانہ بنانے کے بے بنیاد الزامات کو یکسر مسترد کرتے ہیں۔
اعلامیے کے مطابق ترجمان شفقت علی خان نے ون چائنا پالیسی کے بنیادی اصول کے لیے پاکستان کے غیر متزلزل عزم کا اعادہ کیا، جو پاکستان کی خارجہ پالیسی کی ایک مستقل بنیاد ہے اور اس میں کوئی تبدیلی نہیں آئی۔اعلامیے میں مزید کہا گیا کہ یہ رشتہ باہمی اعتماد، مشترکہ اقدار، بنیادی تشویش کے مسائل پر حمایت اور علاقائی اور عالمی استحکام کے عزم سے نمایاں ہے۔
واضح رہے کہ اسلام آباد اور بیجنگ کے تاریخی طور پر مضبوط سفارتی تعلقات برقرار رہے ہیں، 2013 سے پاکستان کے لیے چینی سرمایہ کاری اور مالی معاونت ملک کی مشکلات کا شکار معیشت کے لیے باعثِ فخر رہی، جس میں قرضوں کی توسیع شامل ہے، تاکہ اسلام آباد ایسے وقت میں بیرونی مالیاتی ضروریات کو پورا کر سکے جب غیر ملکی ذخائر انتہائی کم تھے۔
بیجنگ نے بیلٹ اینڈ روڈ اسکیم کے تحت پاک-چین اقتصادی راہداری (سی پیک) کے تحت سڑکوں، بنیادی ڈھانچے اور ترقیاتی منصوبوں میں 65 ارب ڈالر سے زیادہ کی سرمایہ کاری کی ہے، جسے ملک کی معیشت کے لیے لائف لائن کہا جاتا ہے۔
.ذریعہ: Daily Sub News
کلیدی لفظ: کو نشانہ بنانے دفتر خارجہ اسلام آباد بے بنیاد کے لیے
پڑھیں:
چیئرمین سی ڈی اے سے پنجاب مینجمنٹ سروسز کے پوسٹ انڈکشن ٹریننگ کورس کے افسران کی ملاقات
چیئرمین سی ڈی اے سے پنجاب مینجمنٹ سروسز کے پوسٹ انڈکشن ٹریننگ کورس کے افسران کی ملاقات WhatsAppFacebookTwitter 0 18 November, 2025 سب نیوز
اسلام آباد(سب نیوز)پنجاب کے صوبائی مینجمنٹ سروسز کے ساتویں پوسٹ انڈکشن ٹریننگ کورس کے افسران و فیکلٹی نے منگل کے روز سی ڈی اے ہیڈکوارٹرز کا دورہ کیا۔ اس موقع پر پنجاب صوبائی مینجمنٹ سروسز کے ساتویں پوسٹ انڈکشن ٹریننگ کورس کے افسران کا سی ڈی اے ہیڈکوارٹرز میں خیر مقدم کیا گیا۔ڈائریکٹر جنرل اربن پلاننگ ظفر اقبال نے پی ایم ایس افسران کو سی ڈی اے کے انتظامی ڈھانچہ، فنکشنز اور آپریشنز کے متعلق بریفنگ دی۔ افسران کو اسلام آباد کے ماسٹر پلان اور زوننگ ریگولیشنز کے نفاذ اور شہری منصوبہ بندی کے بارے میں تفصیلی آگاہ کیا گیا۔
اسی طرح انکو اسلام آباد کو درپیش مسائل اور انکے حل کے حوالے سے اٹھائے جانے والے اقدامات سے بھی آگاہ کیا گیا۔شرکا کے سوالات کے جوابات میں چیئرمین سی ڈی اے محمد علی رندھاوا نے کہا اسلام آباد میں پانی کی بچت اور زیر زمین پانی کی سطح کو بڑھانے کیلئے متعدد اقدامات اٹھائے جارہے ہیں ۔اس سلسلے میں اسلام آباد واٹر ایجنسی کا قیام شہر میں واٹر اور سیوریج سے متعلق مسائل کیساتھ آبی وسائل کے بہتر انتظام کیلئے کیا گیا ہے۔ اسلام میں موجودہ آبی وسائل کے بہتر انتظامات اور مسائل کے حل کیلئے بین الاقوامی پارٹنرز کے ساتھ ملکر مختلف منصوبوں کا آغاز کیا جارہا ہے ،چیئرمین سی ڈی اے محمد علی رندھاوا نے کہا کہ اراضی کے مسائل کو حل اور تجاوزات کے خاتمے کیلئے جدید ٹیکنالوجی کا استعمال اور لینڈ ریکارڈ کی ڈیجیٹائزیشن کا عمل جاری ہے۔ انہوں نے کہا کہ اسلام آباد میں سالڈ ویسٹ مینجمنٹ کے جدید نظام اور سائنٹفک لینڈ فل سائٹ کے قیام کے حوالے سے بھی کام کیا جا رہا ہے۔ چیئرمین سی ڈی اے نے کہا کہ میگا پراجیکٹس انٹرچینجز اور انڈر پاسز کی تعمیر سے قبل ان منصوبوں کا ماحولیاتی اثرات کیلئے انوائرمنٹ ایپمکٹ اسسمنٹ اور فزیبلٹی سٹڈی کے بعد کیا جاتا ہے۔
انہوں نے کہا کہ مختلف منصوبوں کو نہ صرف ماحول دوست بنایا جا رہا ہے بلکہ کاربن کریڈٹ کے حصول کیلئے بھی کام کر رہے ہیں۔چیئرمین سی ڈی اے نے کہا کہ نئے سیکٹرز کی لانچنگ اور ان میں ترقیاتی کاموں میں تیزی کیساتھ پرانے سیکٹرز کی اپ گریڈیشن پر بھی خصوصی توجہ دی جارہی ہے۔ اسی طرح شہر میں ڈیجیٹل پارکنگ سسٹم بھی متعارف کروایا جارہا ہے۔ چیئرمین سی ڈی اے نے کہا کہ تمام منصوبوں سے حاصل ہونے والی آمدنی کو شہر کی تعمیر و ترقی اور تزئین و آرائش پر صرف کیا جائیگا۔ اس موقع پر ممبر پلاننگ و ڈیزائن ڈاکٹر خالد حفیظ نے شرکا کو بتایا کہ بارش کے پانی کو زیر زمین منتقل کرنے کیلئے اسلام آباد میں مختلف مقامات پر ابتدائی طور پر 100 بڑے ریچارج ویلز بنائے جارہے ہیں۔ انہوں نے کہا کہ اسلام آباد میں پانی کو محفوظ کرنے کیلئے 20 بڑے واٹر ٹینکز بنائے جائیں گے۔ ممبر پلاننگ نے مزید کہا کہ اسلام آباد شہر کے ماس ٹرانزٹ سسٹم میں چلنے والی 4 میٹرو بس روٹس اور ماحول دوست 160 الیکٹرک بس فیڈر روٹس شامل ہیں۔بریفنگ کے اختتام پر صوبائی مینجمنٹ سروسز کے ساتویں پوسٹ انڈکشن ٹریننگ کورس کے فیکلٹی کو سی ڈی اے کی جانب سے یادگاریں شیلڈ اور چیئرمین سی ڈی اے نے فیکلٹی اور شرکا کے ساتھ گروپ فوٹو بنایا گیا۔
روزانہ مستند اور خصوصی خبریں حاصل کرنے کے لیے ڈیلی سب نیوز "آفیشل واٹس ایپ چینل" کو فالو کریں۔
WhatsAppFacebookTwitter پچھلی خبراسلام آباد میں ایم ٹیگ کی سہولت کا آغاز، کن کن مقامات سے حاصل کئے جا سکتے ہیں ، تفصیلات سب نیوز پر اسلام آباد میں ایم ٹیگ کی سہولت کا آغاز، کن کن مقامات سے حاصل کئے جا سکتے ہیں ، تفصیلات سب نیوز پر عمران خان کی بہنوں کا آڈیالہ جیل کے قریب دھرنا، پولیس نے کارکنان کی گرفتاریاں شروع کردیں سی ڈی اے ملازمین کے ہاوس رینٹ سیلنگ میں 85فی صد اضافے کی منظوری اسموگ سے سانس کی بیماریاں پھیلنے کا خدشہ ،قومی ادارہ صحت نے ایڈوائزری جاری کر دی وزیراعظم شہباز شریف سے امریکا میں مقیم سکھ تنظیم کے صدرجسدیپ سنگھ کی ملاقات کلاوڈ فلیئر سسٹم میں خرابی کے باعث ٹوئٹر اور چیٹ جی پی ٹی سمیت متعدد ویب سائٹس ڈائونCopyright © 2025, All Rights Reserved
رابطہ کریں ہماری ٹیم
مودی کی مسلم دشمنی، دہلی دھماکے کو سیاسی کرتب قرار دینے والا ہیڈماسٹر گرفتار