بھارت اور چین بھی دوستی کی راہ پر : ہم کہاں کھڑے ہیں؟
اشاعت کی تاریخ: 27th, January 2025 GMT
بھارت اور چین نے دوطرفہ تعلقات بہتر بنانے اور رابطے مزید بہتر بنانے پر اتفاق کرلیا ہے۔ دونوں ملکوں نے اعلیٰ سطح کی بات چیت کے دوران کیلاش مان سرور یاترا اور پروازیں بحال کرنے کا فیصلہ کیا ہے۔
بھارت کے سیکریٹری خارجہ وکرم مسری نے بیجنگ میں چینی ہم منصب وانگ یی سے ملاقات کی ہے۔ دونوں سیکریٹریز خارجہ کے درمیان دوطرفہ تعلقات بہتر بنانے اور عوامی سطح کے رابطے بحال کرنے کے حوالے سے بات چیت ہوئی اور انہوں نے اس بات پر اتفاق کرلیا کہ اشتراکِ عمل کی سطح مزید بلند کی جانی چاہیے۔
کیلاش مان سرور یاترا 2020 سے بند ہے۔ نئی دہلی اور بیجنگ نے اس یاترا کو اس کے ساتھ پروازوں کو بھی بحال کرنے پر اتفاق کرلیا ہے۔ کیلاش مان سروور یاترا رواں سال موسمِ گرما میں بحال کی جائے گی۔ اس حوالے سے تمام معاملات دونوں ملکوں کے درمیان پہلے سے موجود میکینزم کے تحت طے کیے جائیں گے۔ دونوں ملکوں کے سیکریٹریز خارجہ نے گفت و شنید کے دوران پن بجلی کے منصوبوں اور دیگر معاملات کے حوالے سے ماہرین کی سطح پر میٹنگز منعقد کرنے پر بھی رضامندی ظاہر کی۔
وکرم مسری نے چین کے دو روزہ دورے میں سیکریٹری خارجہ اور نائب وزیر کی سطح کے میکینزم کے حوالےسے ملاقاتیں کیں۔ یہ میٹنگز اکتوبر میں روس کے علاقے کازان میں بھارت کے وزیرِاعظم نریندر مودی اور چینی صدر شی جن پنگ کے درمیان ملاقات اور گفت و شنید کے حوالے سے تھیں۔ بھارت اور چین نے میڈیا اور تھنک ٹینک لیول پر بھی رابطے بڑھانے پر اتفاق کیا ہے۔
واضح رہے کہ رواں سال بھارت اور چین کے سفارتی تعلقات کی پچھترویں سالگرہ منائی جارہی ہے۔ اس سلسلے میں عوامی رابطے بڑھانے سے متعلق بات چیت بھی جاری ہے
.ذریعہ: Jasarat News
کلیدی لفظ: بھارت اور چین پر اتفاق کے حوالے حوالے سے
پڑھیں:
حج رجسٹریشن کی تعداد میں اضافہ، حج کوٹے میں بھی اضافے کے لیے رابطے کا فیصلہ
دنیا بھر کی طرح پاکستان سے بھی ہر سال ہزاروں لوگ فریضہ حج کی ادائیگی کے لیے سعودی عرب روانہ ہوتے ہیں، جبکہ لاکھوں ایسے ہوتے ہیں جو حج کی خواہش رکھتے ہیں، رواں سال ایک لاکھ 13 ہزار سے زائد پاکستانیوں نے حج کی سعادت حاصل کی تاہم حج 2026 کے لیے اب تک کو 4 لاکھ 55 ہزار سے زائد پاکستانیوں نے حج کے لیے رجسٹریشن کرا لی ہے، جس پر حکومت نے کوٹے میں اضافے کے لیے سعودی حکومت سے رابطہ کرنے کا فیصلہ کر لیا ہے۔
سال 2025 میں دنیا بھر سے 16 لاکھ 73 ہزار 230 عازمین نے سعودی عرب میں حج کی سعادت حاصل کی، سعودی حکومت کی جانب سے ہر ملک کو حج کے لیے ایک کوٹہ جاری کیا جاتا ہے، پاکستان کو ایک لاکھ 79 ہزار 210 عازمین حج کے لیے کوٹہ جاری کیا جاتا ہے۔
مزید پڑھیں: حج 2026 کی رجسٹریشن کے لیے آخری تاریخ میں توسیع کردی گئی
وزارت مذہبی امور کے مطابق ملک بھر میں بڑھتی آبادی کے باعث کوٹے میں اضافے کی ضرورت ہے، اس مرتبہ سعودی حکومت سے حج کوٹے میں اضافہ کی درخواست کی جائے گی، حکومت کا موقف ہے پاکستان کے حج کا کوٹہ دو لاکھ 30 ہزار ہونا چاہیے، حج کوٹے میں اضافے کے لیے سعودی حکومت سے رابطہ کرنے سے قبل وزیراعظم شہباز شریف اور وفاقی کابینہ کو بھی اعتماد میں لیا جائے گا جس کے بعد سعودی حکومت سے رابطہ کیا جائے گا اور ان کی ہدایات کی روشنی میں سرکاری پرائیویٹ سکیموں میں کوٹہ تقسیم کیا جائے گا۔
سال 2025 میں ہونے والے حج کے لیے پاکستان کو سعودی عرب کی جانب سے ایک لاکھ 79 ہزار 210 عازمین کے حج کا کوٹہ دیا گیا تھا، 50 فیصد سرکاری اور 50 فیصد عازمین پرائیویٹ سکیم کے تحت حج پر روانہ ہوتے ہیں، سرکاری کوٹے کے تحت 89 ہزار 605 عازمین حج کے لیے روانہ ہوئے تھے جبکہ 23 ہزار 620 پاکستانیوں نے پرائیویٹ کوٹے کے تحت حج کیا تھا، جبکہ 67 ہزار خواہشمند افراد حج کی سعادت حاصل نہ کر سکے تھے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
حج رجسٹریشن حج کوٹہ وزارت مذہبی امور
والد نے مسلسل رابطوں سے پریشان ہوکر تدفین کا بیان دیا، بہن بہت خوددار تھی، بھائی حمیرا اصغر