کرم میں مورچوں کی مسماری کا عمل جاری، مشران کا جرگہ آج ہوگا
اشاعت کی تاریخ: 28th, January 2025 GMT
ڈی آئی خان:
اپر کرم اور پاڑا چنار کے مشران کا جرگہ آج کمشنر ہاؤس کوہاٹ میں ہوگا۔
اپر کرم اور پاڑا چنار کے مشران کا جرگہ کمشنر ہاؤس کوہاٹ میں آج ہوگا، 25 جنوری کو ہونے والے جرگے میں مشران کی عدم شرکت کے باعث مذاکرات میں تعطل پیدا ہو گیا تھا۔
چیف سیکرٹری خیبرپختونخوا اور آئی جی پولیس اچانک ٹل کینٹ پہنچ گئے۔ ڈی سی ہنگو گوہر زمان کے مطابق، دونوں حکام ہیلی کاپٹر کے ذریعے ٹل کینٹ پہنچے اور وہاں سے کرم متاثرین کیمپ کا دورہ کریں گے۔
کرم کے علاقوں بلشخیل اور حار کلی میں بنکرز مسمار کرنے کا عمل جاری ہے۔ ضلعی انتظامیہ کے مطابق سیکورٹی فورسز اس عمل میں مصروف ہیں اور یہ کام مقامی مشران کے تعاون سے مکمل کیا جا رہا ہے۔
ضلعی انتظامیہ نے مزید کہا ہے کہ بنکرز مسماری کا مقصد علاقے میں امن و امان کی بحالی اور کشیدگی کم کرنا ہے۔ حکام کا کہنا ہے کہ مشران کے تعاون سے یہ عمل جلد پایہ تکمیل تک پہنچے گا۔
سرکاری ذرائع کے مطابق پچھلے چند ہفتوں میں سامان رسد کی 313 گاڑیاں مختلف قافلوں کے ذریعے کرم پہنچائی جا چکی ہیں، جس سے علاقے میں بنیادی ضروریات کی فراہمی یقینی بنائی جا رہی ہے۔
بگن بازار کی تزئین و آرائش کا کام بھی تیزی سے جاری ہے جس کا مقصد علاقے میں کاروباری سرگرمیوں کی بحالی ہے، کمشنر کوہاٹ سید معتصم شاہ اور آر پی او کوہاٹ عباس مروت نے لوئر کرم کے بگن بازار کا دورہ کرکے امن و امان کی صورتحال کا جائزہ لیا اور شہریوں سے ملاقاتیں کیں۔
.
ذریعہ
ذریعہ: Express News
پڑھیں:
ایران کے ساتھ مذاکرات جاری ہیں، ڈونلڈ ٹرمپ
امریکا کے صدر ڈونلڈ ٹرمپ نے ایران کے ساتھ مذاکرات معطلی کی رپورٹس کو بے بنیاد قرار دیتے ہوئے کہا ہے کہ ہمارے درمیان مذاکرات جاری ہیں۔
سوشل میڈیا پلیٹ فارم ٹرتھ سوشل پر جاری بیان میں ڈونلڈ ٹرمپ نے کہا کہ یہ جعلی خبریں کہ ایران اور امریکا کے درمیان چند روز قبل بات چیت بند ہوئی ہے، یہ سب غلط اور بے بنیاد خبریں ہیں۔
انہوں نے کہا کہ ہمارے درمیان بات چیت مسلسل جاری ہے جو چار دن پہلے، تین دن پہلے، دو دن پہلے، ایک دن پہلے اور آج بھی جاری رہے ہیں۔
ڈونلڈ ٹرمپ نے مذاکرات کے حوالے سے کہا کہ یہ کہاں تک پہنچتے ہیں کوئی نہیں جانتا لیکن میں نے ایران کو کہا ہے کہ کسی نہ کسی صورت آپ معاہدہ کریں، آپ گزشتہ 47 سال سے یہی کر رہے ہیں اور اس کو کسی صورت مزید جاری رکھنے کی اجازت نہیں دی جاسکتی ہے۔
https://truthsocial.com/@realDonaldTrump/posts/116681581361115247قبل ازیں امریکی سیکریٹری اسٹیٹ مارکو روبیو نے سینیٹ کی خارجہ کمیٹی کو بتایا ہے کہ ایران کے جوہری پروگرام پر مذاکرات میں چند ماہ کا عرصہ لگ سکتا ہے اور اس کے لیے ماہرین کی ٹیم درکار ہوگی جو معاملات طے کرے گی۔
انہوں نے کہا کہ ایران کے ساتھ معاہدے کے لیے بغیر ٹول کے آبنائے ہرمز بحال کرنے کی ضرورت ہے جبکہ امریکا نے آبنائے ہرمز کی بحالی کے لیے ایران کو پابندیوں میں نرمی کی پیش کش نہیں کی ہے۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ