آئی سی سی ٹیسٹ رینکنگ جاری، نعمان علی پانچویں پوزیشن پر آگئے
اشاعت کی تاریخ: 29th, January 2025 GMT
انٹرنیشنل کرکٹ کونسل (آئی سی سی) نے نئی ٹیسٹ رینکنگ جاری کردی ہے، جس کے مطابق پاکستانی اسپنر نعمان علی پانچویں پوزیشن پر آگئے ہیں، جبکہ ساجد خان کی بھی دو درجے ترقی ہوئی ہے۔
آئی سی سی کے مطابق پاکستانی اسپنر نعمان علی چار درجے ترقی کے بعد پانچویں پوزیشن پر آگئے ہیں۔ انہوں نے ملتان ٹیسٹ میں بھرپور کارکردگی کا مظاہرہ کرتے ہوئے 10 کھلاڑیوں کو آؤٹ کیا تھا۔
یہ بھی پڑھیں نئی آئی سی سی رینکنگز جاری، پاکستانی کرکٹرز کا راج، بابر اور شاہین سب سے آگے
رینکنگ کے مطابق آف اسپنر ساجد خان کی دو درجے ترقی ہوئی ہے اور وہ 21ویں پوزیشن پر آگئے ہیں۔
بولرز کی فہرست میں بھارت کے جسپریت بمرا بدستور پہلی پوزیشن پر براجمان ہیں، جبکہ ٹیسٹ بیٹرز میں جو روٹ کی پہلی پوزیشن ہے، اسی طرح اسٹیو اسمتھ کی ایک درجہ ترقی ہوئی ہے اور وہ آٹھویں نمبر پر پہنچ گئے ہیں، جبکہ رشبھ پنت نویں پوزیشن پر چلے گئے ہیں۔
بیٹرز میں قومی کرکٹ ٹیم کے سابق کپتان بابر اعظم اور سعود شکیل کی تنزلی ہوئی ہے۔ بابر اعظم کی ٹیسٹ میں تین درجے تنزلی ہوئی ہے جس کے بعد وہ 19ویں پوزیشن پر چلے گئے ہیں، جبکہ سعود شکیل کا ایک درجہ تنزلی کے بعد دسواں نمبر ہے۔
آئی سی سی رینکنگ کے مطابق وکٹ کیپر بیٹر محمد رضوان دو درجے بہتری کے بعد 15ویں نمبر پر آگئے ہیں، جبکہ سلمان علی آغا کا پانچ درجے تنزلی کے بعد 32واں نمبر ہے۔
آئی سی سی کے مطابق ٹیسٹ آل راؤنڈرز میں بھارت کے رویندرا جڈیجہ بدستور پہلی پوزیشن پر براجمان ہیں۔
آئی سی سی رینکنگ کے مطابق ٹی20 بیٹرز میں ٹریوس ہیڈ پہلی پوزیشن پر براجمان ہیں، جبکہ بھارت کے تلک ورما ایک درجہ بہتری کے بعد دوسری پوزیشن پر آگئے ہیں۔
ٹی20 بیٹرز میں پاکستان کے وکٹ کیپر بیٹر محمد رضوان ایک درجہ بہتری کے بعد آٹھویں پوزیشن پر پہنچ گئے ہیں۔
ٹی20 بولرز کی رینکنگ میں انگلینڈ کے عادل رشید پہلے نمبر پر آگئے ہیں، جبکہ ویسٹ انڈیز کے عقیل حسین کا دوسرا نمبر ہے۔ اسی طرح بھارت کے ورن چکروتی نے لمبی چھلانگ لگائی ہے اور 25 درجے بہتری کے بعد ان کی پانچویں پوزیشن ہے۔
انگلینڈ کے جوفرا آرچر کی 13 درجے ترقی ہوئی ہے اور وہ چھٹی پوزیشن پر آگئے ہیں، جبکہ اکشر پٹیل کی پانچ درجے ترقی کے بعد گیارہویں پوزیشن ہے۔
یہ بھی پڑھیں آئی سی سی رینکنگ: بابر اعظم کی ون ڈے میں بادشاہت برقرار، ٹی ٹوئنٹی میں تنزلی
اسی طرح ٹی20 آل راؤنڈرز میں بھارت کے ہاردک پانڈیا پہلی پوزیشن پر اپنی حکمرانی برقرار رکھے ہوئے ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews آئی سی سی انٹرنیشنل کرکٹ کونسل بابر اعظم ترقی تنزلی ٹیسٹ رینکنگ ساجد خان محمد رضوان نعمان علی وی نیوز.ذریعہ: WE News
کلیدی لفظ: انٹرنیشنل کرکٹ کونسل تنزلی ٹیسٹ رینکنگ محمد رضوان نعمان علی وی نیوز پوزیشن پر ا گئے ہیں پہلی پوزیشن پر بہتری کے بعد ترقی ہوئی ہے نعمان علی بیٹرز میں کے مطابق ایک درجہ بھارت کے ہے اور
پڑھیں:
آئی سی سی ٹی20 انٹرنیشنل رینکنگ جاری، ٹاپ 10 میں کتنے پاکستانی کرکٹر شامل؟
بھارتی اسپنر ورون چکرورتی آئی سی سی مینز ٹی20 انٹرنیشنل بولنگ رینکنگ میں پہلی پوزیشن حاصل کرنے والے تیسرے بھارتی کھلاڑی بن گئے ہیں۔
اس سے قبل ان کی بہترین رینکنگ دوسری پوزیشن تھی جو انہوں نے فروری 2025 میں حاصل کی تھی۔ انہوں نے نیوزی لینڈ کے جیکب ڈفی کو پیچھے چھوڑا جو مارچ سے سرفہرست تھے۔
دوسری جانب آئی سی سی کی رینکنگ میں ٹاپ 10 میں کوئی بھی پاکستانی کرکٹر شامل نہیں۔
یہ بھی پڑھیں: ایشیا کپ کے ٹی20 مرحلے میں بننے والے اہم ریکارڈ، پاکستانی کھلاڑی کہیں موجود نہیں
آئی سی سی اعلامیے کے مطابق، ورون چکرورتی نے متحدہ عرب امارات میں جاری ایشیا کپ کے ابتدائی 2 میچز میں شاندار کارکردگی دکھاتے ہوئے یہ اعزاز اپنے نام کیا۔
Varun Chakaravarthy becomes new No. 1 in ICC Men’s T20I Bowling Rankings
Read ???? https://t.co/etfpV0XWVk pic.twitter.com/101umu4Pjm
— CricTracker (@Cricketracker) September 17, 2025
34 سالہ چکرورتی نے تیز گیند باز جسپریت بمراہ اور لیگ اسپنر روی بشنوئی کے بعد یہ کارنامہ سرانجام دیا۔
انہوں نے متحدہ عرب امارات کے خلاف 2 اوورز میں صرف 4 رنز دے کر ایک وکٹ لی جبکہ پاکستان کے خلاف 4 اوورز میں 24 رنز کے عوض ایک کھلاڑی کو آؤٹ کیا۔ اس کارکردگی کی بدولت وہ 3 درجے ترقی پاکر پہلے نمبر پر پہنچے۔
ایشیا کپ میں شریک دیگر کھلاڑیوں نے بھی رینکنگ میں ترقی کی ہے۔
مزید پڑھیں: ایشیا کپ: یو اے ای نے عمان کو 42 رنز سے شکست دے دی
سری لنکا کے نوان توشارا چھٹے نمبر پر آگئے ہیں جبکہ پاکستان کے صوفیان مقیم چار درجے ترقی کے ساتھ 11ویں، اور ابرار احمد 11 درجے اوپر جاکر اپنے کیریئر کی بہترین 16ویں پوزیشن پر پہنچ گئے ہیں۔
بھارت کے اکشر پٹیل 12ویں، کلدیپ یادیو 23ویں اور افغانستان کے نور احمد 25ویں نمبر پر آگئے ہیں۔
تیز گیند بازوں میں بھی نمایاں بہتری آئی ہے، بھارت کے جسپریت بمرا 40ویں اور بنگلہ دیش کے تنظیم حسن 42ویں نمبر پر آگئے ہیں۔
مزید پڑھیں: ایشیا کپ، پاکستان آج یو اے ای کے خلاف میچ کھیلے گا یا نہیں؟ معاملہ سنگین ہوگیا
انگلینڈ کے جوفرا آرچر 13ویں اور جنوبی افریقہ کے مارکو یانسن 38ویں پوزیشن پر پہنچ گئے ہیں۔
بیٹنگ رینکنگ میں بھارت کے اوپنر ابھشیک شرما نے اپنی پہلی پوزیشن مزید مستحکم کرلی ہے، متحدہ عرب امارات کے خلاف 16 گیندوں پر 30 رنز اور پاکستان کے خلاف 13 گیندوں پر 31 رنز کی بدولت ان کے ریٹنگ پوائنٹس 884 ہوگئے ہیں۔
انگلینڈ کے اوپنرز فل سالٹ اور جوز بٹلر بھی ایک ایک درجہ ترقی کے بعد بالترتیب دوسرے اور تیسرے نمبر پر پہنچ گئے ہیں۔ سالٹ نے جنوبی افریقہ کے خلاف 60 گیندوں پر ناقابلِ شکست 141 رنز بنائے جو انگلینڈ کی جانب سے سب سے بڑی اور تیز ترین سنچری ہے۔
مزید پڑھیں: میچ ریفری اینڈی پائی کرافٹ کے خلاف کارروائی کی جائے، پی سی بی نے آئی سی سی کو ایک اور خط لکھ دیا
بٹلر نے اسی میچ میں 30 گیندوں پر 83 رنز بنائے اور پہلی بار ٹاپ 3 میں شامل ہوئے۔
دیگر بیٹسمینوں میں سری لنکا کے پاتھم نسانکا چھٹے، جنوبی افریقہ کے ڈیوالڈ بریوس 11ویں، افغانستان کے رحمان اللہ گرباز 19ویں، متحدہ عرب امارات کے محمد وسیم 20ویں نمبر پر آچکے ہیں۔
اس طرح جنوبی افریقہ کے ایڈن مارکرم 30ویں، بھارت کے شبمن گل 39ویں اور پاکستان کے صاحبزادہ فرحان 55ویں نمبر پر آگئے ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
آئی سی سی ابرار احمد ابھشیک شرما افغانستان انگلینڈ ایشیا کپ بھارت ٹی20 جسپریت بمرا جنوبی افریقہ جوفرا آرچر رینکنگ کرکٹ ورون چکرورتی
بالنیدرا شاہ، جنہیں نیپالی نوجوان اپنا وزیراعظم دیکھنا چاہتے ہیں