چیمپئنز ٹرافی میں فخر زمان کا اوپننگ پارٹنر کون ہوگا؟ سلیکٹر نے بتا دیا
اشاعت کی تاریخ: 1st, February 2025 GMT
چیمپئنز ٹرافی میں بابر اعظم یا سعود شکیل میں سے کوئی فخر زمان کا اوپننگ پارٹنر ہوگا، سلیکٹر اسد شفیق نے کہا کہ اوپننگ پیئر کا انحصار کنڈیشنز، حریف ٹیم اور میچ کی حکمت عملی پر ہوگا، فخر کی واپسی ٹاپ آرڈر کے لیے حوصلہ افزا ہے، ان کا جارحانہ انداز اور میچ جیتنے کی صلاحیتیں ٹیم کے کام آئیں گی۔
انھوں نے کہا کہ سعود شکیل کو بیٹنگ کو مزید تقویت دینے اور ٹیسٹ کرکٹ میں عمدہ فارم سے فائدہ اٹھانے کے لیے منتخب کیا گیا، وہ تجربہ کار، ذہین اور سمجھ بوجھ والے بیٹر ہیں۔
صائم ایوب کو ٹخنے کی انجری کی وجہ سے ٹیم میں شامل نہیں کیا گیا، ہم ان کی جلد صحتیابی کے لیے پر امید ہیں، وہ ٹیم کے لیے قیمتی اثاثہ ہیں، ہم جلد بازی میں فیصلہ کرنے کے بجائے ان کی طویل مدتی صحت کو ترجیح دیتے ہیں۔
انھوں نے کہا کہ سلیکٹرز نے ہر فارمیٹ کیلیے موزوں کرکٹرز کے انتخاب کا طریقہ اپنانا جاری رکھا، چیمپئنز ٹرافی کیلیے ہماری توجہ ایسے کھلاڑیوں کے انتخاب پر مرکوز رہی جنھوں نے ڈومیسٹک مقابلوں میں مستقل طور پر بہترین کارکردگی کا مظاہرہ کیا۔
اسپنر ابرار احمد ، مڈل آرڈر بیٹرز کامران غلام اور طیب طاہر جیسے اْبھرتے ہوئے پلیئرز کی شمولیت ڈومیسٹک کامیابی کو بین الاقوامی سطح پر منتقل کرنے کی صلاحیت پر ہمارے اعتماد کی عکاسی کرتی ہے، ان کھلاڑیوں نے مشکل ماحول میں مہارت کا مظاہرہ کیا اور انھیں ہوم کنڈیشنز کی اچھی خاصی سوجھ بوجھ ہے۔
ابرار احمد اسپن اٹیک کی قیادت کریں گے ، ان کے ساتھ خوشدل شاہ اور سلمان علی قابل اعتماد آپشنز ہیں ، فہیم اشرف کا تجربہ اور موجودگی ہمیں فاسٹ بولنگ آل راؤنڈر کا آپشن فراہم کرتی ہے۔
اسد شفیق نے مزید کہا کہ چیمپئنز ٹرافی سے قبل نیوزی لینڈ اور جنوبی افریقا کے خلاف ٹرائنگولر سیریز سے ٹیم کو تیاری کا موقع ملے گا، اسکواڈ نوجوان اور تجربے کار پلیئرز کا امتزاج ہے، کپتان کے پاس ورسٹائل آپشنز موجود ہوں گے۔
.ذریعہ: Express News
کلیدی لفظ: چیمپئنز ٹرافی کہا کہ کے لیے
پڑھیں:
اسٹرینجر تھنگز کا پانچواں سیزن کب ریلیز ہوگا، تاریخ سامنے آگئی
نیٹ فلکس کی مقبول ترین سیریز ’اسٹرینجر تھنگز‘ سیریز کا پانچواں سیزن بھی جلد ریلیز کے لیے تیار ہے جس نے شائقین کا جوش بڑھا دیا ہے صارفین کا کہنا ہے کہ یہ ’اسٹریجر تھنگز‘ کے دوستوں کے ساتھ ایک بار پھر جڑنے کا وقت ہے اور پانچویں سیزن کے آنے سے پہلے پچھلے 4 سیزنز کو دوبارہ دیکھ لیں۔
یہ مقبول سائنس فکشن سیریز بچوں کے گروپ کی داستان بیان کرتی ہے جو اپنی دوستی، ہمت اور قربانی کے جذبے کے ساتھ ڈیماگورگنز اور مائنڈ فلیئرز جیسے خوفناک مخلوقات سے لڑتے ہیں اور خطرناک حالات میں بھی ایک دوسرے کا ساتھ نہیں چھوڑتے۔ ان کے قصبے میں اسرار واقعات رونما ہوتے ہیں اور ایک دوسری دنیا کی موجودگی کا انکشاف ہوتا ہے جسے ’اپ سائیڈ ڈاؤن‘ کہا جاتا ہے۔
یہ سیریز پہلی بار 15 جولائی 2016 کو ریلیز ہوئی، اور فوراً ہی دنیا بھر میں پسند کی جانے لگی۔ اسٹرینجر تھنگز کے اب تک 4 سیزن ریلیز ہو چکے ہیں جبکہ پانچواں سیزن آخری ہوگا جس کا ٹریلر ریلیز کردیا گیا ہے۔
پہلا سیزن 2016 میں ریلیز ہوا تھا جس میں ول بائرز نامی لڑکے کے غائب ہونے اور الیون نامی لڑکی کے پراسرار طور پر نمودار ہونے کے واقعات دکھائے گئے تھے۔
دوسرے سیزن میں ’اپ سائیڈ ڈاؤن‘ کے ہاکنز پر بڑھتے ہوئے اثرات اور نئے خطرات کو دکھایا گیا تھا۔ نو سال پہلے ہی الیون (میلی بوبی براؤن) نے پہلی بار اسکرین پر قدم رکھا جو ایک خاموش مگر طاقتور لڑکی تھی۔ یہ جملے مکمل کرنے میں تو ہچکچاتی تھی، لیکن اسکول کے غنڈوں کو سبق سکھانے میں ذرا دیر نہ لگاتی۔
یہ بھی پڑھیں: نیٹ فلکس بھی مصنوعی ذہانت سے تیار کردہ مناظر استعمال کرنے لگا، کچھ طبقے ناخوش وجہ کیا ہے؟
جبکہ تیسرے سیزن میں ہاکنز میں ایک نئی مال کے کھلنے اور سوویت یونین کی خفیہ سرگرمیوں کو نمایاں کیا گیا۔ چوتھا سیزن کافی زیادہ بڑا تھا، جس میں کئی نئے کرداروں کو متعارف کرایا گیا تھا اور کہانی کو ایک نئے خطرناک موڑ پر لے جایا گیا تھا۔
پانچواں اور آخری سیزن 2025 میں ریلیز ہوگا اور اس کی 8 اقساط کے عنوانات کا اعلان کیا جا چکا ہے۔ اس سیزن میں 1987 کے واقعات دکھائے جائیں گے اور یہ ہاکنز کے باشندوں کی ’اپ سائیڈ ڈاؤن‘ کے خلاف آخری جنگ ہو گی، یہ سیریز اپنی بہترین کہانی، مضبوط اداکاری اور 80 کی دہائی کی نوسٹالجیا کی وجہ سے دنیا بھر میں بے حد مقبول ہوئی ہے۔
اسٹرینجر تھنگز سیریز کا آخری سیزن کا پہلا حصہ 26 نومبر کو ریلیز ہو رہا ہے، دوسرا حصہ کرسمس کے دن یعنی 25 دسمبر کو، اور فائنل اور آخری قسط نئے سال کی شام یعنی 31 دسمبر کو نشر کی جائے گی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
اسٹرینجر تھنگز نیٹ فلکس ہالی ووڈ
حکومت نے ایک سال میں پاور سیکٹر میں نقصان کم کرکے ٹیکس پیئر کے 151 ارب روپے بچائے، وزیرتوانائی