ٹنڈومحمدخان،نیشنل امیونائزیشن ڈرائیو کے حوالے سے اجلاس
اشاعت کی تاریخ: 1st, February 2025 GMT
ٹنڈو محمد خان (نمائندہ جسارت)نیشنل امیونائزیشن ڈرائیو (NID) کے حوالے سے اہم اجلاس کا انعقاد۔ ڈپٹی کمشنر ٹنڈو محمد خان، شاہ زیب شیخ نے کہا ہے کہ گزشتہ مہم کی کار کردگی پورے سندھ میں ٹاپ پر تھی اس حیثیت کو برقرار رکھنے کے لیے ہمیں زیادہ محنت کی ضرورت ہے۔ اس امر کا اظہار انہوں نے نیشنل امیونائزیشن ڈرائیو (NID) کے حوالے سے ایک اہم اجلاس کی صدارت کرتے ہوئے کہی۔ اس موقع پر ایس ایس پی عابد علی گڈانی بلوچ، ڈسٹرکٹ ہیلتھ آفیسر ڈاکٹر صادق خواجہ نے بھی اپنے خیالات کا اظہار کیا اور مکمل تعاون کی یقین دہانی کرائی۔ اجلاس میں متعلقہ محکموں کے افسران، محکمہ صحت کے نمائندوں اور دیگر متعلقہ حکام نے شرکت کی۔اس موقع پر ڈپٹی کمشنر شاہ زیب شیخ نے 3 فروری سے 9 فروری 2025ء تک جاری رہنے والی نیشنل امیونائزیشن ڈرائیو کے حوالے سے تفصیلی بریفنگ لی اور ہدایات جاری کیں۔ انہوں نے کہا کہ مہم کی کامیابی کے لیے تمام اداروں کو مل کر کام کرنا ہوگا تاکہ ہر بچے کو حفاظتی ٹیکے لگائے جا سکیں۔ انہوں نے والدین اور عوام سے بھی اپیل کی کہ وہ اس قومی مہم میں بڑھ چڑھ کر حصہ لیں اور اپنے بچوں کو مہلک بیماریوں سے محفوظ بنانے کے لیے ویکسینیشن ضرور کروائیں۔ آخر میں گزشتہ مہم کے دوران بہتر کارکردگی دکھانے والی یوسی ایم او، ایریا انچارج، ٹیمز سمیت دیگر کو اعزازی سرٹیفکیٹ دیے گئے۔اجلاس میں مہم کے دوران درپیش ممکنہ چیلنجز، سیکورٹی اقدامات اور عوامی آگاہی مہم کے حوالے سے بھی تفصیلی تبادلہ خیال کیا گیا۔ ڈپٹی کمشنر نے متعلقہ افسران کو ہدایت دی کہ مہم کے دوران کوئی بھی بچہ ویکسینیشن سے محروم نہ رہے اور اس عمل کی مسلسل نگرانی کی جائے۔
.ذریعہ: Jasarat News
کلیدی لفظ: نیشنل امیونائزیشن ڈرائیو کے حوالے سے مہم کے
پڑھیں:
واٹس ایپ گروپس میں فحش مواد دکھا کر بلیک میل کرنے والے گروہوں کا انکشاف
اسلام آباد:ملازمت کا جھانسہ، ہنی ٹریپ، جعلی فری لانسنگ اسکیموں اور ملازمت کی جھوٹی پیشکش دے کر واٹس ایپ گروپس میں شامل کرکے انہیں فحش مواد دکھا کر بلیک میل کرنے اور جعلی اہلکار بن کر لوگوں کو لوٹنے والے گروہوں کا انکشاف ہوا ہے۔
ایکسپریس نیوز کے مطابق نیشنل سائبر ایمرجنسی ریسپانس ٹیم (سرٹ) نے اس حوالے سے الرٹ جاری کردیا ہے جس میں شہریوں کو خبردار کیا گیا کہ پنجاب سمیت ملک کے مختلف علاقوں میں واٹس ایپ اور دیگر میسجنگ پلیٹ فارمز پر ملازمت اور فری لانسنگ کے بہانے ہنی ٹریپ اسکیمز تیزی سے پھیل رہی ہیں خصوصاً نوجوان، طلبہ اور فری لانسرز نشانہ ہیں۔
نیشنل سرٹ کی جاری ایڈوائزری میں کہا گیا ہے کہ ہنی ٹریپ اور جعلی فری لانسنگ اسکیموں میں متاثرہ افراد کو جعلی ملازمت کی پیشکش دے کر واٹس ایپ گروپس میں شامل کیا جاتا ہے جہاں انہیں فحش مواد دکھا کر بعد میں بلیک میل کیا جاتا ہے بلیک میلنگ کرنے والے عناصر قانون نافذ کرنے والے اداروں کے جعلی اہلکار بن کر متاثرین سے 10 سے 15 لاکھ روپے تک رقم طلب کرتے ہیں۔
نیشنل سرٹ کا کہنا ہے کہ ان وارداتوں میں ملوث عناصر جعلی ریکروٹرز اور گروپ ممبرز کے ذریعے فری لانسنگ مواقع کا جھانسہ دیتے ہیں اور سوشل میڈیا پروفائلز یا گروپ سرگرمیوں کی بنیاد پر شکار کا انتخاب کیا جاتا ہے، نیشنل سرٹ کی جانب سے شہریوں کے لیے احتیاطی تدابیر اختیار کرنے کی ہدایت کی گئی ہے۔
شہریوں سے کہا گیا ہے کہ وہ واٹس ایپ اور سوشل میڈیا پر اپنی پرائیویسی سیٹنگز کو محدود کریں، غیر مصدقہ ملازمت کی پیشکشوں سے ہوشیار رہیں صرف قابلِ اعتماد فری لانسنگ پلیٹ فارمز کا استعمال کریں، فحش مواد والے کسی بھی گروپ سے فوری طور پر نکل جائیں۔
ایڈوائزری کے مطابق عوام بلیک میلنگ یا مشتبہ سرگرمی کی صورت میں نیشنل سائبر کرائم انویسٹی گیشن ایجنسی ، پی ٹی اے یا نیشنل سرٹ کو فوری رپورٹ کریں۔
اوپن اے آئی کا گوگل سرچ کے مقابلے پر براؤزر لانچ کرنے کا اعلان