تاجروںکے وفد کی حیسکو حکام سے ملاقات،آپریشن پر تشویش کا اظہار
اشاعت کی تاریخ: 1st, February 2025 GMT
حیدرآباد(اسٹاف رپورٹر)حیدرآباد سائٹ ایسوسی ایشن آف ٹریڈ اینڈ انڈسٹری نے حیسکو کے ساتھ مل کر اہم مسائل کو حل کیا۔چیئرمین عبدالرحمن راجپوت، سینئر وائس چیئرمین جھنگیر برکت اور وائس چیئرمین احسن معید شیخ کی ہدایت پر تحریک لبیک پاکستان کے دو بار نیشنل اسمبلی کے ٹکٹ ہولڈر، چیمبر آف کامرس رجسٹرڈ 19 کے مجلس عاملہ کے رکن، صدر انجمن تاجران سندھ ڈویژن کے صدر، ممبر ایگزیگٹو کمیٹی سائٹ ایسوسی ایشن سندھ صلاح الدین خان غوری کی قیادت میں وفد جس میں ایگزیکٹو ممبران اختیار آرائیں، حسن ضیا جعفری اور محمد علی راجپوت شامل تھے، نے اے سی سہیل احمد شیخ، ایکس ای این اسد پیزادہ اور ایس ڈی او ایم ایم شاہ۔ سے الگ الگ ملاقاتیں کیں۔ملاقاتوں میں حیسکو کے حالیہ آپریشن کے حوالے سے تشویش کا اظہار کیا گیا جس کے نتیجے میں لنکس اور ٹرانسفارمرز کو ہٹا دیا گیا تھا جس سے سائٹ کی مختلف فیکٹریاں متاثر ہوئیں جن میں معروف تاجر شکیل احمد کی فیکٹری بھی شامل تھی۔اے سی سہیل احمد سے بات چیت کے بعد ٹرانسفارمرز اور لنکس کو فوری طور پر بحال کرنے کی ہدایات جاری کی گئیں۔ وفد نے فوری ایکشن لینے پر اے سی سہیل احمد کا دل کی گہرائیوں سے شکریہ ادا کیا۔مزید برآں، بقایاجات بلوں کا مسئلہ بھی حل کیا گیا، فیکٹریاں بقایاجات قسط اور موجودہ بلوں کو ادا کرنے پر راضی ہو گئیں۔ ایک دیرینہ 20 سال پرانے 153,974 روپے بلنگ معاملہ بھی پیش کیا گیا اور اسے حل کیا گیا، سائٹ ایسوسی ایشن کے وفد نے ماہانہ 50,000 کی قسط کروا کر دی۔فیکٹری مالکان نے تحریک لبیک پاکستان کے دو بار نیشنل اسمبلی کے ٹکٹ ہولڈر، صدر حیدرآباد ڈو یژن انجمن تاجران سندھ صلاح الدین خان غوری، اختیار آرائیں، حسن ضیا جعفری، محمد علی راجپوت، اور چیئرمین عبدالرحمان راجپوت کی کاوشوں کو سراہتے ہوئے سائٹ ایریا میں صنعتوں کو سپورٹ کرنے میں سائٹ ایسوسی ایشن کی انتھک محنت کو سراہا۔تحریک لبیک پاکستان نیشنل اسمبلی کے ٹکٹ ہولڈر، ممبر ایگزیگٹیوو کمیٹی ساٹ ایسوسی ایشن صلاح الدین خان غوری نے ایس ڈی او، چیف انجینئر حیسکو اور اعلی قیادت کو سائٹ ایسوسی اسیشن کا دورہ کرنے کی دعوت دی اور اس بات پر زور دیا کہ سائٹ ایریا میں فیکٹریوں کو متاثر کرنے والے حیسکو سے متعلق کوئی بھی جاری معاملات ہوں تو بل کی کاپی کے ساتھ سائٹ ایسوسی ایشن کے رجسٹرڈ آفس پر تشریف لے کر آئے، جہاں سیکرٹری جنرل رافع قریشی آپکو مدد فراہم کریں گے۔
.ذریعہ: Jasarat News
کلیدی لفظ: سائٹ ایسوسی ایشن کیا گیا
پڑھیں:
کیچ: آئی ای ڈی دھماکا، کیپٹن سمیت 5 جوان شہید، کلیئرنس آپریشن، 5 دہشتگرد ہلاک
ویب ڈیسک: بلوچستان کے ضلع کیچ میں آئی ای ڈی کا دھماکا ہوا، دھماکے میں کیپٹن سمیت 5 جوان شہید جبکہ کلیئرنس آپریشن میں فتنہ الہندوستان کے پانچ دہشت گرد مارے گئے۔
پاک فوج کے شعبہ تعلقات عامہ (آئی ایس پی آر) کے مطابق بلوچستان کے ضلع کیچ کے علاقے شیر بندی میں سکیورٹی فورسز کی گاڑی کو آئی ای ڈی کے ذریعے نشانہ بنایا گیا۔
دھماکے کے نتیجے میں پاک دھرتی کے پانچ بہادر سپوت جامِ شہادت نوش کر گئے، شہداء میں کیپٹن وقار احمد، نائیک عصمت اللہ، لانس نائیک جنید احمد، خان محمد اور سپاہی محمد ظہور شامل ہیں۔
پاکستان کرکٹ بورڈ نےڈائریکٹر انٹرنیشنل کرکٹ عثمان واہلہ کو معطل کر دیا
آئی ایس پی آر نے مزید بتایا کہ کلیئرنس آپریشن کے دوران بھارتی پراکسی نیٹ ورک ’’فتنہ الہندستان‘‘ کے 5 دہشت گردوں کو جہنم واصل کر دیا گیا جبکہ علاقے میں سرچ اور سینیٹائزیشن آپریشن جاری ہے تاکہ کسی بھی دیگر بھارتی سرپرست دہشت گرد کو بھی انجام تک پہنچایا جا سکے۔
ترجمان پاک فوج کا کہنا ہے کہ شہداء کی عظیم قربانیاں ہمارے عزم کو مزید مضبوط کرتی ہیں، سکیورٹی فورسز پوری قوم کے ساتھ شانہ بشانہ ہے، ملک کو بھارتی سرپرستی میں ہونے والی دہشت گردی سے مکمل طور پر پاک کرنے تک اپنی جدوجہد جاری رکھیں گی۔
جب انکم ٹیکس مسلط نہیں کر سکتے تو سپر ٹیکس کیسے مسلط کر سکتے ہیں، جج سپریم کورٹ
دوسری جانب وفاقی وزیرداخلہ محسن نقوی نے ضلع کیچ میں جام شہادت نوش کرنے والے کیپٹن وقار احمد اور 4 جوانوں کو خراج عقیدت پیش کیا۔انہوں نے کہا کہ کیپٹن وقار احمد اور 4 جوانوں نے شہادت کا عظیم رتبہ پایا، کیپٹن وقار احمد اور جوانوں کی قربانی کو سلام پیش کرتے ہیں، شہداء نے اپنے قیمتی لہو سے امن کی آبیاری کی ہے۔
وفاقی وزیرداخلہ نے کیپٹن وقار احمد اور دیگر شہداء کے لواحقین سے دلی ہمدردی اور اظہار تعزیت کیا۔محسن نقوی نے آپریشن میں 5 بھارتی سپانسرڈ دہشت گردوں کو جہنم واصل کرنے پر سکیورٹی فورسز کی خراج تحسین پیش کرتے ہوئے کہا کہ پوری قوم دہشتگردی کے خلاف جنگ میں سکیورٹی فورسز کے ساتھ کھڑی ہے۔
لاہور کے مختلف علاقوں سے خاتون سمیت4 افراد کی لاشیں برآمد
پاکستان کی پہلی خاتون پولیس افسر شہربانو نقوی ایشیا سوسائٹی فیلو شپ کیلیے منتخب