جماعت اسلامی ٹنڈومحمد خان کے سابق ضلعی امیر ڈاکٹر عبدالعزیز گدی پٹھان انتقال کرگئے
اشاعت کی تاریخ: 3rd, February 2025 GMT
ماتلی (نمائندہ جسارت)جماعت اسلامی ٹنڈو محمدخان کے سابقہ ضلعی امیر بانی آل پاکستان گدی پٹھان ایجوکیشنل سوسائٹی سابقہ صدر مرکزی انجمن گدی پٹھان پاکستان ڈاکٹر عبد العزیز گدی پٹھان مختصر عرصہ علیل رہنے کے باعث گزشتہ روز انتقال کرگئے۔ مرحوم کی نماز جنازہ ٹنڈو محمد خان میں ادا کی گئی نماز جنازہ میں جماعت اسلامی کے کارکنوں ذمے داروں سمیت سیاسی سماجی علمی ادبی ڈاکٹرز کاروباری شخصیات اور آل پاکستان گدی پٹھان برادری آل پاکستان ایجوکیشنل سوسائٹی کے ذمے داران اور کارکنوں کی کثیر تعداد نے شرکت کی۔دوسری جانب جماعت اسلامی سندھ کے امیر کاشف سعید شیخ ،صوبائی جنرل سیکرٹری محمد یوسف، صوبائی اطلاعات سیکرٹری مجاہد چنا، جماعت اسلامی ضلع بدین کے نائب امرا سیددائووشاہ گیلانی، اللہ بچایو ہالیپوٹہ، الخدمت فاؤنڈیشن بدین کے صدر غلام رسول احمدانی، جماعت اسلامی ٹنڈومحمدخان کے نسیم اختر ،عشرت سعید قریشی، میر نعیم گدی، علی محمد گدی تاجران فیڈریشن ٹنڈو محمد خان کے جنرل سیکرٹری سلیم گدی بھائی ایم پی اے ٹنڈومحدخان سید اعجاز شاہ انڈس اسپتال کے چانسلر ڈاکٹر محمد اقبال میمن انجمن تاجران ماتلی کے جنرل سیکرٹری عطا محمد گدی جماعت اسلامی ماتلی شیخ شوکت ڈاکٹر عبد المالک شیخ،مرکزی انجمن گدی پٹھان کے صدر راشد گدی آل پاکستان گدی پٹھان ایجوکیشنل سوسائٹی کے محمد کاشف گدی و دیگر نے مرحوم کی مغفرت اور لواحقین کیلیے صبر جمیل کی دعا کی ہے۔
.ذریعہ: Jasarat News
کلیدی لفظ: جماعت اسلامی ا ل پاکستان
پڑھیں:
مسلم مالک غزہ میں اسرائیلی جارحیت روکنے کیلئے عملی اقدامات اٹھائیں،حافظ نعیم الرحمن
data-id="863a0a8" data-element_type="widget" data-widget_type="theme-post-content.default">
250917-01-14
آلور سیتار/قدح/ملائیشیا(جسارت نیوز) امیر جماعت اسلامی پاکستان حافظ نعیم الرحمن نے اسلامی ممالک کے حکمرانوں پر زور دیا ہے کہ وہ غزہ میں اسرائیلی جارحیت روکنے کے لیے عملی اقدامات اٹھائیں۔ملائیشین اسلامی پارٹی ’’پاس‘‘ کی خصوصی دعوت پر 71 ویں سالانہ مرکزی موتمر کانفرنس میں بطور مہمان خصوصی خطاب کرتے ہوئے اتحاد امت کی ضرورت پر زور دیتے ہوئے امیر جماعت اسلامی پاکستان نے کہا کہ اسلامی ممالک کے درمیان معاشی و تجارتی تعاون کے فروغ اور نوجوانوں کے وفود کے تبادلے کی ضرورت ہے۔ انہوں نے کہا کہ تعلیم اور ٹیکنالوجی کے میدان میں ترقی کیے بغیر امت اپنا کھویا ہوا عظیم ماضی واپس حاصل نہیں کر سکتی۔ امریکا اور دیگر استعماری طاقتیں اسلامی ممالک کے وسائل پر قابض ہیں، ان قوتوں سے چھٹکارا حاصل کرنا ہو گا۔ اسلامی ممالک کے حکمران وسائل کا رخ اپنے عوام کی جانب موڑیں۔جنوبی ایشیاسمیت دنیا بھر کی مختلف اسلامی تحریکوں کے قائدین، علما کرام اور پالیسی سازوں کی ایک بڑی تعداد ملائیشیا کی ریاست قدح کے دارالحکومت الورسیتار میں منعقد ہونے والی کانفرنس میں مدعو تھیں۔ مسلم امہ انٹرنیشنل فورم 2025(MUNIF) کے عنوان کے تحت ہونے والی کانفرنس سے نائب امیر جماعت اسلامی بنگلا دیش پروفیسر مجیب الرحمن اور دیگر کئی رہنماؤں و دانشوروں نے بھی خطاب کیا۔ نائب امیر جماعت اسلامی پاکستان ڈاکٹر عطا الرحمن بھی اس کانفرنس میں امیر جماعت کے ہمراہ ہیں۔دریں اثنا امیر جماعت اسلامی پاکستان نے ملائیشین اسلامک پارٹی جسے پین ملائیشین اسلامک پارٹی (PAS) بھی کہا جاتا ہے کے قائد عبدالہادی اواغ سے ملاقات کی۔ دونوں رہنماؤں نے مسئلہ فلسطین، جنوبی ایشیائی اور جنوب مشرقی ایشیائی ممالک کے مسائل پر گفتگو کی اور باہمی دلچسپی کے امور پر تبادلہ خیال کیا۔حافظ نعیم الرحمن اور عبدالہادی اواغ میں اتفاق پایا گیا کہ اسلامی تحریکوں کو اتحاد امت، امن کے فروغ اور عوام کی ترقی کے لیے جدوجہد تیز کرنی چاہیے۔ امیر جماعت اسلامی نے اسلامی تحریکوں اور بالخصوص ان سے وابستہ نوجوانوں کے درمیان روابط کی ضرورت پر زور دیا۔ یاد رہے کہ عبدالہادی معروف عالمی اسلامی اسکالر، ملائیشیا کے سینئر سیاست دان اور سابق رکن پارلیمنٹ ہیں جنھوں نے ملائیشین پارلیمان میں بطور اپوزیشن لیڈر بھی خدمات سرانجام دی ہیں۔حافظ نعیم الرحمن نے صدر اسلامک سرکل آف ملائیشیا (ICM)ڈاکٹر حیات خان، صدرICM قدح ریاست روجھان سید سمیت دیگر قائدین سے بھی ملاقات کی اور فلسطین سمیت باہمی دلچسپی کے مختلف موضوعات پر تبادلہ خیال کیا۔
قدح، ملائیشیا: امیر جماعت اسلامی پاکستان حافظ نعیم الرحمن 71ویں سالانہ مرکزی موتمر کانفرنس سے خطاب کررہے ہیں
سونے کی قیمت نئی بلند ترین سطح پر پہنچ گئی