سندھ حکومت کا صرف ایک کام، مریم نواز کے کاموں میں کیڑے نکالنا: عظمیٰ بخاری
اشاعت کی تاریخ: 5th, February 2025 GMT
لاہور (نیوز رپورٹر) وزیر اطلاعات پنجاب عظمٰی بخاری نے کہا ہے کہ گہری نیند سونے والے عالمی اداروں کو کشمیریوں کا بہتا ہوا خون نظر کیوں نہیں آتا؟ آج بھی آزادی کے حصول کیلئے ہر کشمیری کی آس زندہ ہے۔ 5 فروری جیسے ایونٹ کو منانے کا مقصد دنیا اور انٹرنیشنل میڈیا کو بتانا ہے کہ کشمیر آج بھی لہو لہو ہے، یہاں ہر گزرتے لمحے کے ساتھ ان پر ظلم ہو رہے ہیں۔ کشمیر کے نام نہاد چیمپئن 15 منٹ احتجاج کر کے واپس بلوں میں جا چھپتے تھے۔ کشمیر کے مسئلہ کو نواز شریف کے سوا کسی نے دنیا کے سامنے نہیں اٹھایا۔ کشمیریوں کی حمایت میں عوامی احتجاج حکومت کروا رہی ہے۔ ن لیگ کا کریڈٹ ہے کہ یہ کشمیریوں کے حق خود ارادیت پر ان کے ہمیشہ ساتھ کھڑی ہے، ہم نے سفارتی سطح پر بھی کشمیریوں کیلئے جو ہو سکا وہ کیا اور کرتے رہیں گے۔ ان خیالات کا اظہار انہوں نے لبرٹی چوک پر پریس کانفرنس میں کیا۔ انہوں نے کہا کہ پاکستان کی تاریخ میں پہلی بار پانچ فروری کو ایک نئے رنگ، جوش اور جذبے کے ساتھ منا رہے ہیں۔ وزیر اعلٰی مریم نواز خود لبرٹی چوک پر آج خطاب کریں گی اور کشمیری حق خودارادیت پر عالمی برادری اور بین الاقوامی میڈیا کو پیغام دیں گی کہ کشمیر پر اس طرح بات نہیں ہوتی جس طرح ہونی چاہیئے۔ مریم نواز خود کشمیری ہیں، ان کے جذبات بھی کشمیری ہیں، کشمیریوں کو جب تک حق خودارادیت نہیں مل جاتی آزادی انجام تک نہیں پہنچتی۔ کشمیر اس وقت جیل و قید میں ہے، کشمیری شہداء ہمارے بہن بھائی ہیں۔ لبرٹی چوک سے اٹھنے والی ہر آواز دنیا کے ہر ایوان تک پہنچے گی۔ ہر ایک سیاسی جماعت کو اپنے اپنے گریبان میں جھانکنا چاہیے۔ سیاسی جماعتوں کے پاس کچھ بتانے کیلئے نہیں ہے، سندھ والی بہن کو اپنی معاشرتی علوم اور منصوبے نکال کر دیکھ لینے چاہیے۔ سندھ حکومت کا صرف ایک ہی کام ہے کہ وہ مریم نواز کے کام میں کیڑے نکالے۔ دہشت گردی میں جو بھی ملوث ہو گا اس کا نام لیا جائے گا، ہم مچھر بھی مر جائے تو اس کا الزام بھارت پر نہیں ڈالتے، بھارت حالات خراب کرنے کی کوشش کرتا رہتا ہے۔ مگر دکھ کی بات ہے کہ ہمارے شہداء پر ہماری سیاسی جماعتیں غلیظ باتیں کرتی ہیں۔ جو ڈٹ کے کھڑا تھا وہ اب کبھی پاؤں پکڑتا ہے تو کبھی خط لکھتا ہے۔ فساد خان خط کے جواب کیلئے ترستا رہے گا مگر اس کو جواب نہیں آئے گا۔ پاکستان میں امن کیلئے فوج قربانیاں دے رہی ہے، شہداء ہمارے سر کا جھومر ہیں۔
.ذریعہ: Nawaiwaqt
کلیدی لفظ: مریم نواز
پڑھیں:
اپنی چھت اپنا گھر پراجیکٹ کے تحت روزانہ 290 گھر بن رہے ہیں:عظمیٰ بخاری
ویب ڈیسک :پنجاب کی وزیر اطلاعات عظمیٰ بخاری نے کہا ہے کہ اپنی چھت اپنا گھر پراجیکٹ کے تحت روزانہ 290 گھر بن رہے ہیں۔
صوبائی وزیر اطلاعات و ثقافت عظمی بخاری نے میڈیا سے بات کرتے ہوئے کہا کہ آج سے وزیراعلی پنجاب کے کاموں کی تفصیلات دی جائیں گی، ان کا کہنا تھا کہ آج سولہ منصوبوں بارے معلومات فراہم کروں گی،صوبائی وزیر اطلاعات نے کہا کہ بہت سے کام ایسے ہیں جن کا کبھی اعلان بھی نہیں کیا گیا، دس ملین سے زائد روپے سیلاب متاثرین میں بانٹے جا چکے ہیں، سیلاب آنے کے دو ماہ کے اندر اندر تمام لوگوں کو مالی معاونت فراہم کر دی جائے گی۔
آئی سی سی سہ ماہی اجلاس کا آغاز آج سے دبئی میں ہو گا
انہوں نے کہا کہ مالی معاونت کی ترسیل میں شفافیت برقرار رکھی گئی ہے، افسران سے پیسے لے کر پوسٹنگ کی روایت پنجاب سے ختم کر دی گئی ہے، افسران کی کارکردگی جانچنے کے لئے کے پی آئیز بنائے گئے ہیں،انہوں نے کہا کہ مریم نواز کے منصوبے فائلوں کے لئے نہیں بنتے ہیں، تمام منصوبوں کو مکمل کروانے کے لئے پہرہ بھی دیا جاتا ہے، ان کا کہنا تھا کہ پتا چلا تھا کہ کے پی میں کوئی بہت بڑی ایجاد ہوئی ہے، کاش کوئی ایسی عینک بن جائے جس سے کے پی حکومت کی اصل کارکردگی نظر آ سکے۔
سال 2025 کا روشن ترین سپر مون کل رات آسمان پر نمودار ہوگا
صوبائی وزیر اطلاعات نے کہا کہ سی ایم کے ستھرا پروگرام کو پوری دنیا میں قابل ستائش سمجھا جا رہا ہے،ستھرا پنجاب منصوبے کی وجہ سے ایک لاکھ چالیس ہزار افراد کو روزگار ملا، ستھرا پنجاب کے تحت 94 ہزار ٹن ویسٹ اٹھائی گئی ہے، یہ دنیا کا غالبا سب سے بڑا صفائی کا پروگرام ہے،انہوں نے کہا کہ الیکٹرک بسوں کا ایک منصوبہ بھی مریم نواز نے شروع کیا، ہر ضلع اور تحصیل کی خواہش ہے کہ ان کو الیکٹرک بسیں ملیں،الیکٹرک بسوں کا پہلا فیز مکمل ہوگیا ہے جب کہ دوسرا فیز شروع ہونے والا ہے، دوسرا فیز دسمبر میں مکمل ہو جائے گا، گیارہ سو الیکٹرک بسیں 42شہروں میں چلیں گی۔
پھلوں اور سبزیوں کی آج کی ریٹ لسٹ ۔منگل 04نومبر ، 2025
انہوں نے کہاکہ پچھلے سال اس سال کی نسبت زیادہ اسموگ تھی، سموگ میٹیگیشن کی وجہ سے آنے والے دنوں میں سموگ مزید بہتر ہو گا،عظمی بخاری نے کہا کہ خصوصی افراد کو معاون آلات فراہم کرنے کے منصوبے کا پہلا فیز مکمل ہو گیا ہے، اس منصوبے کے تحت ایک بچے کو مصنوعی بازو لگائی گئی،ان کا کہنا تھا کہ لائیو سٹاک کے منصوبے کا بھی پہلا فیز مکمل کر لیا گیا ہے، بلا سود موٹرسائیکلوں کی فراہمی کے منصوبے میں ستائیس ہزار بائیکس دی گئیں۔
غزہ میں 2 سال بعد تعلیمی سرگرمیاں بحال، اسکولوں میں پھر سے رونق لوٹ آئی
اپنی چھت اپنا گھر پراجیکٹ کے تحت ایک لاکھ چار ہزار آٹھ سو خاندانوں کو قرضہ فراہم کر دیا گیا ہے، اس منصوبے کے تحت تیس ہزار گھر بن چکے ہیں، اس منصوبے کے تحت روزانہ 290 گھر بن رہے ہیں،انہوں نے کہا کہ واسا کا توسیعی منصوبہ بھی شروع کیا گیا، پنجاب کے 38 شہروں میں واسا کو پھیلایا گیا۔ انہوں نے کہا کہ گیارہ نئی پی ایچ ایز بنائی گئی ہیں، دھی رانی پروگرام کے تحت پانچ ہزار شادیاں کروائی جا چکی ہیں،لوگوں کو ہر دو ماہ بعد گھروں میں ادویات فراہم کی جا رہی ہے، 7 ہزار بچوں کی ہارٹ سرجریز ہو چکی ہیں، کلینک ان وہیلز سے لاکھوں لوگ مستفید ہو چکے ہیں، کئی ڈی ایچ کیوز اور بی ایچ کیوز کو ری ویمپ کر دیا گیا ہے، سرگودھا کارڈیالوجی ہسپتال مکمل ہو چکا ہے، لاہور میں کینسر ہسپتال تکمیل کے قریب ہے۔
ڈاکٹر نے محبوبہ کی خاطر اہلیہ کو موت کے گھاٹ اتار دیا
صوبائی وزیر اطلاعات نے کہا کہ سموگ کنٹرول پروگرام کے تحت فضائی آلودگی پر قابو پایا جا چکا ہے، اس وقت ساڑھے سات لاکھ کسان کارڈ کسان استعمال کر رہے ہیں، گرین ٹریکٹر پروگرام کا پہلا فیز مکمل ہو گیا ہے،طلباء کے لئے انٹرن شپ پروگرام جاری ہے، صوبائی وزیر اطلاعات عظمیٰ بخاری نے کہا کہ آج میں نے پندرہ کے قریب نئے منصوبوں کی تفصیلات بارے آگا ہ کیا ہے۔
پاکستان میں شمسی توانائی کا استعمال تاریخی سنگ میل عبور کرگیا