ملتان، جے یو آئی کے زیراہتمام مظلوم کشمیریوں کی حمایت میں احتجاجی ریلی
اشاعت کی تاریخ: 5th, February 2025 GMT
رہنمائوں نے خطاب کرتے ہوئے کہا کہ کشمیر کے بغیر پاکستان نہ مکمل ہے کشمیر پاکستان کی شہ رگ ہے، جہاں پر گزشتہ 77 سالوں سے بھارتی ظلم و بربریت کا بازار گرم ہے لیکن اقوام متحدہ خاموش تماشائی کا کردار ادا کر رہی ہے، اب وقت آگیا ہے کہ او آئی سی کو ذمہ دارانہ کردار ادا کرنا چاہیے۔ اسلام ٹائمز۔ جمعیت علمائے اسلام ملتان سٹی کے زیراہتمام مظلوم کشمیریوں سے اظہار یکجہتی کے سلسلے میں مدرسہ قاسم العلوم گلگشت سے جلال باقری نزد باغ لانگے خان تک یوم یکجہتی کشمیر ریلی نکالی گئی، جس کی قیادت جے یو آئی ملتان کے ضلعی امیر مفتی عامر محمود، سرپرست حافظ محمد عمر شیخ، ضلعی ناظم اطلاعات رانا محمد سعید، سٹی امیر قاری محمد یاسین نے کی جبکہ ریلی کے موقع پر شرکا نے کشمیر بنے گا پاکستان، بھارت کا قبضہ نامنظور، آزادی آزادی کشمیر، فلسطین کی آزادی کے نعرے لگائے گئے، ریلی میں قاری طسین، مفتی حبیب اللہ، قاری یوسف مدنی، حافظ عثمان علی، قاری محمد مقصود طاہری، مولانا مفتی ہنزلہ، قاری عتیق، مولانا عبدالقیوم، قاری محمد اکرم، ملک شیراز کھیڑا، منظور حسین کالرو، مولانا عبدالقیوم، مولانا خلیل الرحمن، ملک سجاد وینس، قاری عبیدالرحمان، ملک ارشد مغل، سلمان خان، قاری عبید الرحمن، قاسم کھوکھر سمیت سینکڑوں کارکنوں نے شرکت کی، ریلی میں موٹر سائیکل سوار، ڈالوں، ویگنوں، کاروں میں بھرپور کارکنان موجود تھے۔
ریلی مدرسہ قاسم العلوم گلگشت سے براستہ چونگی نمبر 9، حضوری باغ روڈ، گھنٹہ گھر، چوک فوارہ سے مدرسہ جلال باقری نزد باغ لانگے خان پہنچی، اس موقع پر جے یو آئی کے ضلعی امیر مفتی عامر محمود اور دیگر اکابرین نے خطاب کرتے ہوئے کہا کہ کشمیر کے بغیر پاکستان نامکمل ہے، کشمیر پاکستان کی شہ رگ ہے جہاں پر گزشتہ 77 سالوں سے بھارتی ظلم و بربریت کا بازار گرم ہے لیکن اقوام متحدہ خاموش تماشائی کا کردار ادا کر رہی ہے، اب وقت آگیا ہے کہ او آئی سی کو ذمہ دارانہ کردار ادا کرنا چاہیے، صرف کشمیر ہی نہیں بلکہ مظلوم فلسطینیوں کی آزادی کے لیے بھی اقوام متحدہ اور او آئی سی کو اگے بڑھنا چاہیے اور اُمت مسلمہ سمیت انسانی حقوق کی علمبردار تنظیموں کو مظلوم کشمیریوں اور فلسطینیوں کی آزادی کے لیے خصوصی کردار ادا کرنا چاہیے۔
ذریعہ
ذریعہ: Islam Times
پڑھیں:
ایڈیشنل ایڈووکیٹ جنرل خیبر پختونخوا اپنے عہدے سے مستعفی
محمد انعام یوسفزئی کا کہنا تھا کہ بطور ایڈیشنل ایڈووکیٹ جنرل ذمہ داری ادا کرنا میرے لیے اعزاز کی بات ہے، تاہم مزید اس پوسٹ پر کام جاری نہیں رکھ سکتا۔ اسلام ٹائمز۔ ایڈیشنل ایڈووکیٹ جنرل خیبرپختونخوا محمد انعام یوسفزئی نے استعفا دے دیا۔ محمد انعام یوسفزئی کا کہنا تھا کہ بطور ایڈیشنل ایڈووکیٹ جنرل ذمہ داری ادا کرنا میرے لیے اعزاز کی بات ہے، تاہم مزید اس پوسٹ پر کام جاری نہیں رکھ سکتا۔ مستعفی ہونے والے ایڈیشنل ایڈووکیٹ جنرل کا کہنا تھا کہ وزیر قانون اور سیکرٹری قانون کا شکریہ ادا کرتا ہوں۔
گلوبل سمٹ میں چینی روبوٹ کو اپنا بتانے والی بھارتی یونیورسٹی کا اسٹال بند، شدید تنقید کا سامنا