ٹرمپ کا غزہ پر قبضے کا اعلان:اسرائیلی فوج کو الرٹ رہنے کی ہدایت
اشاعت کی تاریخ: 6th, February 2025 GMT
مقبوضہ بیت المقدس:امریکی صدر ڈونلڈ ٹرمپ کے غزہ پر قبضے کے متنازع اعلان کے بعد اسرائیلی حکومت نے اپنی فوج کو مکمل تیاری کی ہدایت جاری کر دی ہے۔
بین الاقوامی خبر رساں اداروں کے مطابق اسرائیلی وزیر دفاع یواو گیلنٹ نے فوج کو الرٹ رہنے کا حکم دیتے ہوئے کہا ہے کہ غزہ کے رہائشیوں کو وہاں سے نکلنے کے لیے ایک عملی منصوبہ تیار کیا جائے۔
صہیونی وزیر دفاع نے ایکس(سابقہ ٹویٹر) پر جاری بیان میں ٹرمپ کے اعلان کو سراہتے ہوئے کہا کہ ہم امریکی صدر کے جرأت مندانہ اقدام کا خیرمقدم کرتے ہیں، غزہ کے شہریوں کو رضا کارانہ طور پر نقل مکانی کا موقع دینا ضروری ہے، جیسا کہ دنیا بھر میں مہاجرین کو منتقل کیا جاتا ہے۔
رپورٹ کے مطابق اسرائیلی حکومت کے اس نئے منصوبے میں غزہ کے شہریوں کو زمینی، فضائی اور سمندری راستوں کے ذریعے دوسرے ممالک بھیجنے کی حکمت عملی شامل ہے۔ اسرائیلی میڈیا کے مطابق اس منصوبے پر جلد عملدرآمد کے لیے مختلف آپشنز پر غور کیا جا رہا ہے۔
ٹرمپ کا متنازع بیان اور اس کے اثرات
یہ صورتحال اس وقت پیدا ہوئی جب امریکی صدر ڈونلڈ ٹرمپ نے وائٹ ہاؤس میں اسرائیلی وزیر اعظم بنیامین نیتن یاہو کے ساتھ ایک مشترکہ پریس کانفرنس میں اعلان کیا کہ امریکا غزہ پر قبضہ کرے گا، اس کی وجہ انہوں نے غزہ میں استحکام اور ترقی کے اقدام کرنے کو قرار دیا۔
ٹرمپ نے کہا کہ ہم غزہ کے مالک بنیں گے، اسے ترقی دیں گے اور روزگار کے مواقع پیدا کریں گے تاکہ یہاں کے عوام کے لیے ایک بہتر مستقبل ممکن ہو سکے۔
انہوں نے مزید کہا کہ ہم فلسطینیوں کے لیے اردن اور مصر میں متبادل رہائشی انتظامات پر غور کر رہے ہیں۔ خطے کے دیگر ممالک سے بھی بات چیت ہو رہی ہے اور کئی رہنما اس منصوبے کو مثبت انداز میں دیکھ رہے ہیں۔
فلسطینی قیادت کا سخت ردعمل
ٹرمپ کے اس بیان پر فلسطینی قیادت اور انسانی حقوق کی تنظیموں کی جانب سے سخت ردعمل آیا ہے جنہوں نے اسے فلسطینیوں کے جبری انخلا کا منصوبہ قرار دیا ہے۔
عالمی برادری کا ردعمل
اقوام متحدہ کے سیکرٹری جنرل انتونیو گوتریس نے ٹرمپ کے اس اعلان کو بین الاقوامی قوانین کی کھلی خلاف ورزی قرار دیتے ہوئے کہا کہ فلسطینیوں کو جبراً بے دخل کرنا انسانی حقوق کی سنگین خلاف ورزی ہے۔ اسی طرح مصر اور اردن نے بھی ٹرمپ کے بیان کو مسترد کرتے ہوئے واضح کیا ہے کہ وہ فلسطینیوں کو زبردستی اپنے ملکوں میں بسانے کے کسی بھی منصوبے کو قبول نہیں کریں گے۔
غزہ کے مستقبل پر خدشات
ٹرمپ کے اس متنازع اعلان اور اسرائیل کی فوجی تیاریوں نے خطے میں کشیدگی کو مزید بڑھا دیا ہے۔ تجزیہ کاروں کے مطابق اگر اسرائیل غزہ پر مکمل قبضے کی کوشش کرتا ہے تو یہ ایک نیا انسانی بحران پیدا کر سکتا ہے، جس کے اثرات پورے مشرق وسطیٰ پر مرتب ہوں گے۔
.ذریعہ: Jasarat News
کلیدی لفظ: کے مطابق ٹرمپ کے غزہ کے کے لیے کہا کہ
پڑھیں:
امریکی اداکارہ جینیفر اینسٹن کا انسٹاگرام پر نئے رشتے کا اعلان، نئی محبت کون ہے؟
ہالی ووڈ اسٹار جینیفر اینسٹن نے پہلی بار اپنے نئے تعلق کا اعلان کرتے ہوئے اپنے ساتھی جِم کرٹس کو سالگرہ کی مبارکباد دی۔
اداکارہ نے انسٹاگرام پر ایک بلیک اینڈ وائٹ تصویر شیئر کی جس میں وہ جِم کرٹس کو گلے لگائے ہوئے نظر آئیں اور انہیں اپنی محبت قرار دیا۔ مداحوں کے لیے یہ پوسٹ ایک خوشگوار حیرت ثابت ہوئی، کیونکہ یہ اینسٹن کی جانب سے اپنے تعلق کا پہلا باضابطہ اظہار تھا۔
View this post on Instagram
A post shared by Jennifer Aniston (@jenniferaniston)
ذرائع کے مطابق، جِم کرٹس ایک معروف ویلنیس ماہر، ہپنو تھراپسٹ، ٹرانسفارمیشنل کوچ اور مصنف ہیں جو گزشتہ 20 برسوں سے ذاتی نشوونما اور ذہنی سکون کے شعبے میں کام کر رہے ہیں۔ ان کا کام ذہنی دباؤ، صدمے اور سوچ میں مثبت تبدیلی پر مرکوز ہے، جبکہ وہ خود کو ’سائنس اور روحانیت کے امتزاج پر کام کرنے والا ماہر‘ قرار دیتے ہیں۔
قریبی ذرائع کا کہنا ہے کہ جینیفر اینسٹن جِم کے کام سے پہلے ہی متاثر تھیں اور ان کی کتاب پڑھنے کے بعد ان سے رابطہ میں آئیں۔ دونوں کی ملاقات مشترکہ دوستوں کے ذریعے ہوئی، جس کے بعد ان کے درمیان قریبی تعلق قائم ہوا۔
یہ بھی پڑھیں: ‘چاہتی ہوں کہ ایسے کردار ادا کروں جو مجھے خوفزدہ کریں’، ہالی ووڈ اداکارہ مائیکی میڈیسن
رپورٹس کے مطابق، جینیفر اور جِم کو جولائی 2025 میں اسپین کے جزیرے مایورکا میں چھٹیاں مناتے ہوئے ایک ساتھ دیکھا گیا۔ ستمبر میں، جِم نے نیویارک میں جینیفر کے شو ‘The Morning Show’ کے پریمیئر میں بھی ان کے ساتھ شرکت کی، اگرچہ وہ ریڈ کارپٹ پر موجود نہیں تھے۔
اندرونی ذرائع کے مطابق، اگرچہ دونوں کو فی الحال “کیژول ڈیٹنگ” کے طور پر بیان کیا جا رہا ہے، لیکن ان کے تعلق میں سنجیدگی، اعتماد اور باہمی احترام نمایاں ہے۔ قریبی دوستوں کا کہنا ہے کہ جِم ایک ’پُرسکون، بااعتماد اور غیرڈرامائی‘ شخصیت کے مالک ہیں، جو جینیفر کے مصروف اور دباؤ بھرے کیریئر میں توازن پیدا کر رہے ہیں۔
ماہرینِ شوبز کے مطابق، جینیفر اینسٹن کا اپنے تعلق کو سوشل میڈیا پر ظاہر کرنا ایک غیر معمولی قدم ہے، جو اس بات کی نشاندہی کرتا ہے کہ یہ رشتہ وقتی نہیں بلکہ ایک پُختہ اور پائیدار تعلق میں تبدیل ہو سکتا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
جینیفر اینسٹن جینیفر اینسٹن تعلقات ہالی ووڈ
راولپنڈی میں استاد کا طالبعلم پر تشدد، کتاب نہ لانے پر بازو توڑ دیا