معروف ٹک ٹاکر سائیکو ارباب پراسرار طور پر جاں بحق
اشاعت کی تاریخ: 7th, February 2025 GMT
پشاور:
پشاور کے علاقے ورسک روڈ پرمعروف خاتون ٹک ٹاکر سائیکو ارباب پراسرارطور پر جاں بحق ہوگئی جس کی نعش پوسٹمارٹم رپورٹ کے لیے اسپتال منتقل کردی گئی ہے۔
خاتون ٹک ٹاکر کی ہلاکت سے مختلف خدشات ظاہر کیے جارہے ہیں تاہم پولیس نے گھر سے اہم شواہد اکٹھے کرکے انکوائری شروع کردی ہے۔
گزشتہ روز تھانہ مچنی گیٹ پولیس کو بیان دیتے ہوئے محمد یسین ساکن اسلام آباد نے آکر بتایاکہ اس کی بہن سیماگل عرف سائیکو ارباب مشہور ٹک ٹاکر تھی، اسے اطلاع ملی کہ بہن گھرواقع ورسک روڈ میں موجود تھی جہاں اس کی حالت بگڑ گئی تھی۔
انہوں نے یہ خدشہ بھی ظاہر کیا کہ اس کی موت مبینہ طورپر نشہ آور چیز کھانے سے ہوئی مگرانہوں نے یہ بھی کہا کہ اس کی طبعی موت بھی واقع ہوسکتی ہے۔ مدعی کا کہنا تھا کہ ہماری کسی کے ساتھ کوئی دشمنی نہیں ہے ۔
ادھر پولیس نے بتایاکہ نعش پوسٹمارٹم رپورٹ کیلیے منتقل کرکے گھر سے اہم شواہد اکٹھے کرلیے ہیں، پوسٹمارٹم رپورٹ آنے کے بعد موت کی اصل وجہ معلوم ہوسکے گی۔
واضح رہے کہ متوفیہ ٹک ٹاک ویڈیوز بنا تی تھی جس کے کئی ویڈیوز بھی سوشل میڈیا پر موجود ہیں۔
.
ذریعہ: Express News
کلیدی لفظ: ٹک ٹاکر
پڑھیں:
بنگلہ دیشی حکومت کی ایران میں موجود اپنے شہریوں کو ہدایت
بنگلہ دیش کی حکومت نے ایران پیں موجود اپنے شہریوں کو ایمرجنسی کی صورت میں سفارت خانے اور دیگر ہنگامی ہاٹ لائنز پر رابطے کی ہدایت کردی۔
یہ بھی پڑھیں: اس سے قبل کہ دیر ہو جائے ایران کو کشیدگی کم کرنے پر بات کرنی چاہیے، ٹرمپ
حکومت کی جانب سے جاری پریس ریلیز میں کہا گیا ہے کہ ایران میں مقیم تمام بنگلہ دیشی شہریوں کے ساتھ ساتھ بنگلہ دیش میں ان کے رشتہ داروں کو مطلع کیا جاتا ہے کہ وہ موجودہ صورتحال کے پیش نظر تہران میں بنگلہ دیش کے سفارت خانے اور ڈھاکہ میں وزارت خارجہ نے ہنگامی رابطے کے لیے ہاٹ لائنز قائم کر دی گئی ہیں۔
ایران میں رہنے والے تمام بنگلہ دیشی شہری اور بنگلہ دیش میں ان کے خاندان کے افراد ایمرجنسی کی صورت میں درج ذیل موبائل نمبرز (بشمول واٹس ایپ کے ذریعے) کے ذریعے براہ راست سفارت خانے یا وزارت سے رابطہ کر سکتے ہیں۔
ہاٹ لائن – بنگلہ دیش کا سفارت خانہ، تہران:
1 +98 990 857 7368
2 +98 912 206 5745
ہاٹ لائن – وزارت خارجہ، ڈھاکہ:
+880 1712 012847
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
ایران میں بنگلہ دیشی شہری بنگلہ دیش حکومت بنگلہ دیشی شہری
سندھ اور خیبر پختونخوا کا بجٹ آج پیش ہو گا