پاک بحریہ کے سربراہ کی مشقوں میں چینی بحریہ کی شرکت کی تعریف
اشاعت کی تاریخ: 9th, February 2025 GMT
پاک بحریہ کے سربراہ کی مشقوں میں چینی بحریہ کی شرکت کی تعریف WhatsAppFacebookTwitter 0 9 February, 2025 سب نیوز
کراچی : “پیس 2025” کثیر القومی میری ٹائم مشترکہ مشق کے دوران پاک بحریہ کے سربراہ ایڈمرل نوید اشرف نے کراچی کی بندرگاہ پر لنگر انداز چینی نیوی کے جہاز گاؤیو کا دورہ کیا ۔اتوار کے روز انہوں نے مشق میں چینی بحریہ کی شرکت کی تعریف کی اور پاک چین بحریہ کے درمیان موجودہ تعاون پر اطمینان کا اظہار کیا۔
ایڈمرل نوید اشرف نے کہا کہ وہ چینی نیوی کے جہازوں کی کراچی آمد کا خیر مقدم کرتے ہیں اور انہیں بہت خوشی ہے کہ وہ ایک بار پھر “امن ” مشقوں کے سلسلے میں حصہ لے رہے ہیں۔ انہوں نے کہا کہ پاک چین دونوں بحری افواج کے درمیان منفرد تعلقات قائم ہیں اور دونوں ممالک سمندری سلامتی اور استحکام کو برقرار رکھنے کے لیے مل کر کام کرتے ہیں۔
“امن ” سلسلہ وار مشقوں اور دیگر دوطرفہ مشقوں کے علاوہ دونوں نیول فورسز ہمیشہ قریبی تعاون برقرار رکھے ہوئے ہیں ۔ انہوں نے اس یقین کا اظہار کیا کہ مستقبل میں فریقین مزید مشترکہ بحری سرگرمیوں میں شریک ہوں گے۔
.ذریعہ: Daily Sub News
کلیدی لفظ: بحریہ کے
پڑھیں:
کراچی میں ذخیرہ اندوزوں کیخلاف بڑی کارروائی، چینی اور چاول کے ہزاروں تھیلے برآمد
کارروائی کے دوران ایک غیر رجسٹرڈ گودام سے 4000 چینی اور 9000 چاول کے تھیلے برآمد کرکے گودام کو سیل کر دیا گیا۔ اسلام ٹائمز۔ سندھ حکومت کی چینی اور چاول کے ذخیرہ اندوزوں کے خلاف بڑی کارروائی، 13 ہزار سے زائد تھیلے برآمد کرلیے۔ تفصیلات کے مطابق کراچی کے علاقے کورنگی میں سندھ حکومت کے محکمہ بیورو آف سپلائی اینڈ پرائسز اور اسسٹنٹ کمشنر کورنگی کی مشترکہ کارروائی کے دوران چینی اور چاول کے 13 ہزار سے زائد تھیلے برآمد کیے گئے۔ کارروائی کے دوران ایک غیر رجسٹرڈ گودام سے 4000 چینی اور 9000 چاول کے تھیلے برآمد کرکے گودام کو سیل کر دیا گیا۔ اسسٹنٹ ڈائریکٹر بیورو آف سپلائی میر شاہنواز کے مطابق گودام محکمہ کے ساتھ رجسٹرڈ نہیں تھا۔
ڈائریکٹر جنرل بیورو آف سپلائی اینڈ پرائسز زاہد حسین شر نے کہا ہے کہ صوبہ بھر میں ذخیرہ اندوزی کے خلاف سندھ حکومت کی ہدایات پر مؤثر کارروائیاں جاری ہیں، اور کسی کو بھی عوامی مفاد کے خلاف ناجائز منافع خوری کی اجازت نہیں دی جائے گی۔ انہوں نے مزید کہا کہ بیورو آف سپلائی اشیائے خوردونوش کی مناسب فراہمی اور قیمتوں میں استحکام کیلئے بھرپور اقدامات کر رہا ہے، اور گوداموں کی مسلسل نگرانی کی جا رہی ہے۔
علیمہ خان کی عبوری ضمانت میں 30 جولائی تک توسیع