میرپورماتھیلو کے افسران کے خلاف میونسپل ملازم کا احتجاج
اشاعت کی تاریخ: 11th, February 2025 GMT
میرپور ماتھیلو ر(نمائندہ جسارت میونسپل کمیٹی میرپور ماتھیلو کے افسران کے خلاف میونسپل ملازم میر حسن میرانی کی پریس کانفرنس میونسپل کمیٹی میں ہونے والے گھپلوں سے پردہ اٹھا دیا ، اس سلسلے میں میونسپل کمیٹی میرپور ماتھیلو میں پی آر او کی پوسٹ پر کام کرنے والے سترہ گریڈ کے افسر میر حسن میرانی نے کہا ہے کہ میونسپل کمیٹی میں سیاسی مداخلت کے باعث ٹاؤن چیئرمین شہباز لونڈ کے کہنے پر چند سال قبل جونیئر آپریٹر طور بھرتی ہونے کے بعد غیر قانونی پروموشنز کے زریعے سترہ گریڈ کی پوسٹ پر قابض کرتا دہرتا بنے ہوئے زاہد نائچ نے میری دو برسوں سے سیلری بند کردی ہے۔ اس کا مزید کہنا تھا کہ ہر ماہ 5 کروڑ روپے کے بجٹ مال غنیمت سمجھ کر ہڑپ کر لیے جاتے ہیں جبکہ جعلی طریقے سے لوگوں کی بھرتیاں کی گئیں ہیں ایک بندہ عرصہ دراز سے کراچی جیل میں بند ہے جس کی سیلری چل رہی ہے تو دوسری جانب ماہانہ 80 ہزار روپے کرایہ ادا کرنے والی اربوں روپے کی پراپرٹی حبیب بینک کا پلازہ جو میونسپل کمیٹی کی پراپرٹی تھی جس کو سیاسی بنیادوں پر لاکھوں روپے میں مارکیٹ کمیٹی کے چیئرمین روی کمار کو فروخت کر دی گئی ہے۔ اس نے بالا حکام سے اپیل کرتے ہوئے کہا ہے کہ فوری طور پر تحقیقات کروا کر میونسپل کمیٹی میں ہونے والے گھپلوں کی تحقیقات کروا کر میونسپل کمیٹی کی فروخت کی گئی پراپرٹی کا ایگریمنٹ کینسل کرنے کے ساتھ ساتھ میری سیلری ادا کی جائے بصورت دیگر احتجاج کا سلسلہ شروع کیا جائے گا۔
کندھکوٹ میں ڈاکو راج برقرار
کندھکوٹ(نمائندہ جسارت)کندھکوٹ میں ڈاکوؤں کا راج برقرار۔ حالات وانا وزیر ستان سے بھی ابتر ہونے لگے ہیں۔ ڈاکوؤں کی جانب سے نجی کلینک کے ڈاکٹر سندر بالانی سے بھتا وصولی کا بھیانک طریقہ پہلے پرچی فون کال پر اب تو راکٹ لانچر کے گولے بھیج کر بھتا طلب کیا جارہا ہے۔ غوثپور میں چادر میں راکٹ کا گولا لپیٹ کر پرچی سمیت ڈاکٹر کو بھیجا گیا۔ پرچی میں واضح لکھا گیا ہے کہ گولے کو پیسوں سمیت محفوظ کرکے بھیجو ورنہ جان سے ماردیں گے۔ اطلاع پر پولیس میں بھگدڑ مچ گئی۔ پولیس نے نجی کلینک پہنچ کر راکٹ لانچر اپنے قبضے میں لے لیا۔ ڈاکوؤں کی ایسی واردات کے بعد تاجروں اور شہریوں میں خوف چھاگیا ہے۔ شہریوں نے پولیس سے ڈاکو راج کے خاتمے کا مطالبہ کیا ہے۔
ذریعہ: Jasarat News
پڑھیں:
آئرلینڈ: آسمان پر چمکتی پراسرار روشنی کا راز کھل گیا
آئرلینڈ کے مختلف علاقوں میں آسمان پر بدھ کی شب نمودار ہونے والی ایک چمکتی ہوئی پراسرار روشنی نے لوگوں کو حیران کر دیا تھا۔ کئی عینی شاہدین نے سوشل میڈیا پر بتایا کہ یہ روشنی ایک ہالے کی شکل میں دکھائی دی اور اس کی رفتار میں وقفے وقفے سے تبدیلی آ رہی تھی۔
یہ بھی پڑھیں: ’ایلین خلائی جہاز‘: پراسرار شے ناسا کے اسپیس شپ کے نزدیک پہنچ گئی
یہ منظر پورٹ گلنون سے لے کر کاؤنٹی کلڈیر تک دیکھا گیا اور لوگوں نے انٹرنیٹ پر اس عجیب مظہر پر طرح طرح کے تبصرے کیے۔
ماہرین کے مطابق آسمان میں دکھائی دینے والی یہ روشنی دراصل ایلون مسک کی کمپنی اسپیس ایکس کے فالکن 9 راکٹ کے ملبے کا نتیجہ تھی جو فلوریڈا سے بدھ کے روز لانچ کیا گیا تھا۔
تحقیق کے مطابق راکٹ کے اضافی ایندھن کو خلا میں خارج کرتے وقت وہ جم کر برف بن گیا جس نے زمین پر سے آنے والی روشنی کو منعکس کر کے آسمان پر یہ چمکتا ہوا منظر پیدا کیا۔
مزید پڑھیے: مریخ پر زندگی کے آثار: نئے اور مضبوط سراغ مل گئے
ماہرین نے تصدیق کی ہے کہ راکٹ کا پرواز کا راستہ انہی علاقوں سے گزرتا ہے جہاں روشنی دیکھی گئی تھی۔
اسپیس ایکس کے بانی ایلون مسک کی کمپنی دنیا بھر میں اسٹارلنک سیٹلائٹ سروس چلاتی ہے جو کم مدار میں ہزاروں مصنوعی سیارے بھیجتی ہے۔
خلائی امور کے ماہر لیو اینرائٹ کے مطابق راکٹ سے ایندھن خارج کرنا ایک معمول کا عمل ہے تاکہ اندر دباؤ بڑھنے سے دھماکے کا خطرہ نہ ہو۔
انہوں نے کہا کہ آئرلینڈ سے اس منظر کا دکھائی دینا محض روشنی کے زاویوں اور موسمی حالات پر منحصر تھا۔
ان کا کہنا تھا کہ یہ سب روشنی کے زاویوں پر منحصر ہوتا ہے اور سچ یہ ہے کہ آئرلینڈ سے آسمان میں کچھ دیکھنا ہمیشہ آسان نہیں ہوتا۔
لیو اینرائٹ نے کہا کہ یقیناً ایسے مناظر پہلے بھی دکھائی دیے ہوں گے مگر بادلوں یا موسم کی وجہ سے ہم انہیں دیکھ نہیں سکے۔
مزید پڑھیں: ہارورڈ ماہر فلکیات کا خدا کے وجود پر حیران کن مؤقف، سائنس اور مذہب قریب آ گئے؟
ماہرین کے مطابق آئرلینڈ کی جغرافیائی پوزیشن ایسی ہے کہ وہ فلوریڈا سے چھوڑے جانے والے راکٹوں کے راستے کے بلند ترین حصے پر واقع ہے جس کے باعث یہاں ایسے خلائی مظاہر زیادہ دکھائی دیتے ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
آئرلینڈ آئرلینڈ کی پراسرار روشنی آئرلینڈ کے آسمان پر پراسرار روشنی
عرب ممالک کے ساتھ تعلقات میں بہتری، فیلڈ مارشل عاصم منیر کا کامیاب دورہ