ٹیکسی بے قابو ہو کر کھمبے میں گھس گئی، ڈرائیور جاں بحق
اشاعت کی تاریخ: 12th, February 2025 GMT
کراچی میں ٹیکسی بے قابو ہو کر کھمبے میں گھس گئی جس کے نتیجے میں ڈرائیورجاں بحق ہوگیا۔
راشد منہاس روڈ شفیق موڑ کے قریب ٹیکسی ڈرائیور سے بے قابو ہوکرگھمبے سے ٹکرا گئی جس کے نتیجے میں ٹیکسی ڈرائیور موقع پر جاں بحق ہو گیا۔
کراچی میں فیڈرل بی صنعتی ایریا تھانے کے علاقے راشد منہاس روڈ شفیق موڑ کے قریب ٹیکسی ڈرائیورسے بے قابو ہوکر کھمبے سے ٹکرا گئی جس سے ٹیکسی ڈرائیور موقع پر جاں بحق ہو گیا۔ ڈرائیورکی لاش قانونی کارروائی کےلیے عباسی شہید اسپتال منتقل کی گئی۔
متوفی ڈرائیور کی شناخت محمد رمضان ولد محمد حیات کے نام سے کی گئی۔ متوفی سہراب گوٹھ کے قریب رہائش پذیر تھااوراس کا آبائی تعلق تحصل نور پورضلع خوشاب سے ہے۔ پولیس کے مطابق شبہ ہے کہ متوفی ٹیکسی ڈرائیور کو گاڑی چلاتے ہوئے دل کادورہ پڑا جس کے باعث وہ فوت ہوگیا۔ پولیس واقعے کے حوالے سے مزید تفتیش کر رہی ہے۔
.ذریعہ: Express News
کلیدی لفظ: ٹیکسی ڈرائیور بے قابو ہو
پڑھیں:
مغربی کنارے میں اردنی ٹرک ڈرائیور کی فائرنگ، دو اسرائیلی ہلاک
data-id="863a0a8" data-element_type="widget" data-widget_type="theme-post-content.default">
مقبوضہ مغربی کنارہ: اسرائیل اور اردن کے درمیان قائم کنگ حسین (ایلن بی) بارڈر کراسنگ کے قریب فائرنگ کے واقعے میں دو اسرائیلی ہلاک ہوگئے۔
غیر ملکی میڈیا رپورٹس کےمطابق اسرائیلی ایمبولینس سروس ایم ڈی اے کے مطابق مرنے والوں کی عمریں 20 اور 60 برس تھیں، جبکہ حملہ بارڈر کراسنگ کے قریب پیش آیا۔
اسرائیلی فوجی ترجمان کا کہنا ہے کہ حملہ آور کو موقع پر ہی ہلاک کر دیا گیا، مزید تفصیلات فراہم نہیں کی گئیں، ٹرک ڈرائیور نے پہلے فائرنگ کی اور پھر چاقو کے وار سے دونوں اسرائیلیوں کو ہلاک کیا۔
اسرائیلی نشریاتی ادارے کان نے دعویٰ کیا کہ حملہ آور اردنی شہری تھا جو غزہ کے لیے انسانی ہمدردی کی امداد لے کر آیا تھا۔
اسرائیلی فوج کے مطابق حملہ آور امدادی سامان سے بھرا ٹرک لے کر سرحدی علاقے میں پہنچا اور فائرنگ شروع کردی جس کے بعد فورسز نے اسے ہلاک کر دیا، فوج نے بتایا کہ علاقے میں سرچ آپریشن شروع کر دیا گیا ہے اور وادی اردن کے شہر اریحا کو گھیرے میں لے لیا گیا ہے۔
اردنی حکومت کے ترجمان محمد المومنی نے کہا ہے کہ عمان اس واقعے کی تفصیلات کو بغور دیکھ رہا ہے، اردن کے پبلک سکیورٹی ڈائریکٹوریٹ نے مسافروں کی آمدورفت معطل کر دی ہے کیونکہ اسرائیل نے واقعے کے بعد بارڈر ٹرمینل بند کر دیا تھا۔
خیال رہے کہ ستمبر 2024 میں بھی اسی کراسنگ پر اردنی ٹرک ڈرائیور کی فائرنگ سے تین اسرائیلی ہلاک ہوگئے تھے، اردن اور اسرائیل کے درمیان تین سرحدی گزرگاہیں ہیں جن میں شیخ حسین پل، کنگ حسین (ایلن بی) پل اور وادی عربہ کراسنگ شامل ہیں۔
لاہور، تھانہ نشتر کی حدود میں فائرنگ، پراپرٹی ڈیلر قتل، ملزمان فرار