محکمہ صنعت و تجارت اور انٹرنیشنل ریڈیسن ہوٹل گروپ کے مابین باہمی تعاون کا معاہدہ طے پاگیا
اشاعت کی تاریخ: 13th, February 2025 GMT
محکمہ صنعت و تجارت اور انٹرنیشنل ریڈیسن ہوٹل گروپ کے مابین باہمی تعاون کا معاہدہ طے پاگیا۔معاہدے کی رُو سے پنجاب میں ہاسپٹلیٹی اور ہوٹل انڈسٹری میں نئی سرمایہ کاری لائی جائے گی۔صوبائی وزیر صنعت و تجارت چوہدری شافع حسین اور ریڈیسن گروپ کے سی ای او علیم ملک نے مفاہمتی یادداشت پر دستخط کئے۔ انٹرنیشنل ریڈیسن گروپ پنجاب میں ہاسپٹلیٹی اور ہوٹل انڈسٹری میں سرمایہ کاری کرے گا۔معاہدے کی رُو سے سیاحت، ہاسپٹیلٹی اور ہوٹل انڈسٹری میں غیر ملکی سرمایہ کاری لانے کیلئے مل کر کام کیا جائے گا۔
سیاحت، ہاسپٹیلٹی اور ہوٹل انڈسٹری میں روزگار کے مواقع بڑھانے کیلئے تربیت، انٹرن شپ مشترکہ تحقیق کے اقدامات کئے جائیں گے۔
غیر ملکی سرمایہ کاری کے فروغ کیلئے تکنیکی معاونت فراہم کی جائے گی۔باہمی تعاون کے فروغ کیلئے محکمہ صنعت و تجارت اور ریڈیسن گروپ کے نمائندوں پر مشتمل مشترکہ کمیٹی تشکیل دی جائے گی۔ صوبائی وزیر صنعت و تجارت چوہدری شافع حسین نے اس موقع پر گفتگو کرتے ہوئے کہاکہ پنجاب میں سیاحت اور ہوٹل انڈسٹری میں سرمایہ کاری کی وسیع گنجائش موجود ہے۔
محکمہ صنعت و تجارت اور انٹرنیشنل ریڈیسن گروپ کے مابین سرمایہ کاری کے فروغ کیلئے تعاون کا معاہدہ خوش آئند ہے۔ پنجاب میں ملکی اور غیر ملکی سرمایہ کاری کا بہترین ماحول اور مواقع موجود ہیں۔پنجاب میں سرمایہ کاری کیلئے سازگار ماحول اور بہترین وقت کے باعث ملکی اور غیر ملکی سرمایہ کار پنجاب کا رُخ کر رہے ہیں۔
چوہدری شافع حسین نے کہاکہ پنجاب میں نئی سرمایہ کاری لانا میرا مشن ہے،انڈسٹری اور سرمایہ کاری کے فروغ کیلئے ہر ضروری اقدام کیا جارہا ہے۔
صوبائی وزیر صنعت و تجارت نے کہاکہ ریڈیسن گروپ کی پنجاب میں ہاسپٹلیٹی اور ہوٹل انڈسٹری میں سرمایہ کاری کا خیر مقدم کرتے ہیں۔محکمہ صنعت و تجارت اور انٹرنیشنل ریڈیسن گروپ کے اشتراک سے ہوٹل انڈسٹری میں نئی سرمایہ کاری لائی جائے گی۔ پنجاب سرمایہ کاری بورڈ کے کمیٹی روم میں ہونے والے معاہدے کی تقریب میں ریڈیسن گروپ کے ڈائریکٹرز اور دیگر عہدیداران نے شرکت کی۔پاکستان مسلم لیگ ق سندھ کے صدر محمد طارق، مرکزی سیکرٹری اطلاعات غلام مصطفی ملک، پنجاب سرمایہ کاری بورڈ کے ڈائریکٹرزعمران ہاشمی اور شرقی ٹیپو بھی تقریب میں شریک ہوئے
اشتہار
.ذریعہ: Al Qamar Online
کلیدی لفظ: پاکستان کھیل محکمہ صنعت و تجارت اور انٹرنیشنل ریڈیسن اور ہوٹل انڈسٹری میں غیر ملکی سرمایہ میں سرمایہ کاری کے فروغ کیلئے جائے گی
پڑھیں:
قطر اور برطانیہ کے درمیان نئے دفاعی معاہدے پر دستخط
یہ معاہدہ برطانیہ اور قطر کے درمیان دفاعی شراکت داری کو مزید گہرا اور بری، فضائی و بحری افواج کے درمیان تعاون اور رابطے کے فروغ کی راہ ہموار کرے گا۔ دونوں ممالک نے مستقبل کے خطرات سے بہتر طور پر نمٹنے کیلئے مشترکہ منصوبہ بندی اور دفاعی حکمتِ عملی میں تعاون بڑھانے پر اتفاق کیا۔ اسلام ٹائمز۔ قطر اور برطانیہ کے درمیان دوحہ میں ایک نیا دفاعی معاہدہ طے پا گیا، جس کے تحت دونوں ممالک کے درمیان سکیورٹی تعاون مزید مضبوط ہوگا۔ برطانیہ کے وزیرِ دفاع جان ہیلی نے دورہ قطر کے دوران امیرِ قطر شیخ تمیم بن حمد آل ثانی سے ملاقات کی اور دونوں ممالک کے درمیان نئے ڈیفنس ایشورنس ارینجمنٹ پر دستخط کیے، یہ معاہدہ برطانیہ اور قطر کے درمیان دفاعی شراکت داری کو مزید گہرا اور بری، فضائی و بحری افواج کے درمیان تعاون اور رابطے کے فروغ کی راہ ہموار کرے گا۔ دونوں ممالک نے مستقبل کے خطرات سے بہتر طور پر نمٹنے کیلئے مشترکہ منصوبہ بندی اور دفاعی حکمتِ عملی میں تعاون بڑھانے پر اتفاق کیا۔
یہ معاہدہ قطر کے دفاع میں برطانیہ کے غیر متزلزل عزم کی علامت ہے اور دونوں ممالک کے اسٹریٹجک تعلقات کو مزید مضبوط کرے گا۔ دفاعی شراکت داری کے ساتھ ساتھ برطانیہ اور قطر کے درمیان اقتصادی تعلقات بھی انتہائی مستحکم ہے، قطر کیلئے برطانوی برآمدات 2025ء میں 4.4 ارب پاؤنڈ تک پہنچ گئیں جبکہ برطانیہ میں قطری سرمایہ کاری 40 ارب پاؤنڈ سے تجاوز کر گئی ہے، جو فِن ٹیک، لائف سائنسز، قابلِ تجدید توانائی اور سائبر سکیورٹی جیسے شعبوں میں روزگار کے مواقع فراہم کر رہی ہے۔
محبت، بلیک میلنگ اور قتل، خوفناک واردات کی تفصیل سامنے آگئی