چیئرمین گلبرگ ٹاؤن کا ہونہارطلبہ کو شائننگ اسٹارایوارڈ دینے کافیصلہ
اشاعت کی تاریخ: 13th, February 2025 GMT
چیئرمین گلبرگ ٹاؤن نصرت اللہ کی زیرصدارت اجلاس ہورہا ہے
کراچی (اسٹاف رپورٹر) گلبرگ ٹاؤن نے میڑک، انٹر اور مدارس کے 200 سے زائد ہونہار طلبہ و طالبات کو شائننگ اسٹار ایوارڈ دینے کا فیصلہ کیا ہے،2024 کیسالانہ امتحانات میں نمایاں پوزیشن لینے والے نہم، دہم، انٹر سال اول و دوم اور مدارس کے سالانہ امتحانات میں نمایاں پوزیشن لینے والے گلبرک ٹاؤن کے رہائشی طلباء میں لیپ ٹاپ، ایکسیلنس ایوارڈ، تحائف اور تعریفی سند تقسیم کی جائیں گی، شائننگ اسٹار کی مرکزی تقریب 15 فروری بروز ہفتہ صبح 10 بجے المرکز اسلامی فیڈرل بی ایریا بلاک 7 میں منعقد کی جائے گی، اس بات کا اعلان چیئرمین گلبرگ ٹاؤن نصرت اللہ نے تمام یوسز کی چیئرمین وائس چیئرمین اور گلبرگ ٹاؤن کے افسران کے اجلاس میں کیا۔چیئرمین گلبرگ ٹاؤن نصرت اللہ نے مرکز اسلامی میں شائننگ اسٹار پروگرام کے حوالے سے تفصیلات سے آگاہ ہوئے کہا کہ شائننگ اسٹار پروگرام کرنے کا مقصد گلبرگ ٹاؤن کے ہونہار طلبہ و طالبات کی حوصلہ افزائی کرنا ہے۔ انہوں نے بتایا کہ آن لائن رجسٹریشن کا عمل جاری ہے، شائننگ اسٹار بچوں میں شہر کی معروف علمی، ادبی اور سماجی و کاروباری شخصیات انعامات تقسیم کریں گی،ان کا کہنا تھا کہ امیر جماعت اسلامی پاکستان حافظ نعیم الرحمن کے ویژن کے مطابق ہم اختیارات سے بڑھ کر کام کریں گے ہم نوجوانوں کے لیے وسائل مہیا کریں گے میں اور میری پوری ٹیم دن رات عوام کو سہولت مہیا کرنے کے لیے کوشاں ہیں اس موقع پر ان کے ہمراہ وائس چیئرمین محمد الیاس، ٹاؤن مونسپل کمشنر عبدالحمید سہاگ، سابق ٹاون ناظم فاروق نعمت اللہ، یوسی چیئرمین، وائس چیئرمین، کوآرڈینیٹر اور تمام محکمہ جاتی افسران بھی موجود تھے۔
.ذریعہ: Jasarat News
کلیدی لفظ: چیئرمین گلبرگ ٹاو ن شائننگ اسٹار
پڑھیں:
گستاخ اہل بیت مولوی عطاء اللہ بندیالوی گرفتار
ذرائع کے مطابق پولیس نے عطا اللہ بندیالوی کو جماعتی وکیل بلال ایڈوکیٹ کی گاڑی سے اتار کر اپنی گاڑی میں منتقل کر لیا اور کہا کہ عطا اللہ بندیالوی پر ایف آئی آرز درج ہیں، ہم آپ کو تفصیلات واٹس ایپ پر بھیج دیتے ہیں۔ اسلام ٹائمز۔ اشاعت توحید و السنہ پنجاب کے رہنماء اور یزید ملعون کے وکیلوں کے سرخیل مولوی عطاء اللہ بندیالوی کو گرفتار کر لیا گیا ہے۔ اشاعت توحید و السنہ کے ذرائع کے مطابق سرگودہا میں جمعہ کی نماز کے بعد عطاء اللہ بندیالوی حسبِ معمول مہمان خانے میں موجود تھے کہ چند پولیس اہلکار وہاں آئے، ابتدائی گفتگو کے بعد عطاء اللہ بندیالوی نے مقامی ایم این اے اور جماعتی وکیل بلال ایڈووکیٹ کو بھی بلا لیا، کافی دیر تک غیر رسمی بات چیت جاری رہی۔ جب عطاء اللہ بندیالوی اُٹھنے لگے تو پولیس والوں نے کہا کہ ہمارے دو سینیئر افسر آرہے ہیں، جو آپ سے بات کرنا چاہتے ہیں۔
افسران کے پہنچنے پر انہوں نے بلال ایڈووکیٹ سے کہا کہ عطاء اللہ بندیالوی کو اپنی گاڑی میں ہمارے چاندنی چوک دفتر لے آئیں، جہاں بات چیت ہوگی اور ہم آپ کے تعاون کے شکر گزار ہوں گے۔ جب وہ لوگ مدرسے سے نکلے اور کچھ ہی فاصلے پر پہنچے تو پولیس نے عطاء اللہ بندیالوی کو بلال ایڈووکیٹ کی گاڑی سے اتار کر اپنی گاڑی میں منتقل کر لیا اور کہا کہ عطاء اللہ بندیالوی پر ایف آئی آرز درج ہیں، ہم آپ کو تفصیلات واٹس ایپ پر بھیج دیتے ہیں۔
پاکستان اور کینیڈا کا اقتصادی اور تجارتی تعلقات کو مضبوط بنانے پر اتفاق