روس کی بھارت کو جدید ترین جنگی طیارے دینے کی پیشکش
اشاعت کی تاریخ: 13th, February 2025 GMT
نئی دہلی(مانیٹرنگ ڈیسک)روس نے اپنے سابق اہم اتحادی ملک بھارت کو ایک بار پھر اپنے جدید ترین جنگی طیاروں کی فراہمی کی پیشکش کر دی ہے۔ یہ جنگی طیارے سیہوئی کی پانچویں جنریشن ’’ایس یو 57 اسٹیلتھ‘‘ نوعیت کے ہیں۔ جن کی مدد سے بھارت کو اپنی فضائی قوت بہتر بنانے کا موقع مل سکتا ہے۔روس اور بھارت کے حکام نے یہ بات نئی دہلی میں بتائی ہے۔ روس کی یہ پیشکش ایسے وقت میں سامنے آئی ہے جب بھارتی وزیر اعظم نریندر مودی امریکا کے صدر
ڈونلڈ ٹرمپ سے ملاقات کے لیے امریکا جانے والے ہیں۔روس کے ہتھیاروں کے شعبے سے متعلق ریاستی ترجمان نے اس بارے میں بات کرتے ہوئے کہا ہے کہ اگر بھارت طیاروں کے اس سودے پر اتفاق کر لے تو طیاروں کی فراہمی کے لیے تیاری اسی سال کی جا سکتی ہے۔تاہم بھارتی وزارت دفاع نے فوری طور پر اس بارے میں تبصرے سے گریز کیا ہے۔بھارت کی پریشانی یہ ہے کہ اس کے پاس چین اور پاکستان کے بیک وقت مقابلے کے لیے فضائیہ کے پاس 42 اسکواڈرن ہونے چاہییں۔ مگر اس کے پاس 30 کے قریب اسکواڈرن ہیں۔ اسے اپنے جنگی طیاروں کی یہ کمی پورا کرنا ہے۔تاہم بھارت کو روس کی طرف جانے سے پہلے اس پر امریکا ویورپ کی پابندیوں کے اثرات کو بھی اپنے لیے سمجھنا ہے کہ بھارتی فضائیہ ایک نئے مسئلے میں نہ الجھ جائے۔ روسی ساختہ سخوئی طیارے ایس یو 30 پہلے ہی 260 کی تعداد میں بھارتی فضائیہ کے پاس موجود ہیں۔روس کے یہ جدید طیارے بھارتی شہر بنگلور میں جاری نمائش میں امریکا کے تیار کردہ جدید ترین ایف 35 طیاروں کے ساتھ بھارت اور دوسرے ملکوں کے فوجی و حکومتی عہدے داروں کے لیے توجہ کا باعث ہیں۔
ذریعہ: Jasarat News
کلیدی لفظ: بھارت کو کے لیے کے پاس
پڑھیں:
مودی سرکار پر جنگی جنون سوار ہے، بیرسٹر سلطان
صدر آزاد کشمیر نےایک بیان میں پہلگام واقعے کی مذمت کرتے ہوئے کہا کہ بھارت پاکستان پر بے بنیاد الزامات لگا کر اپنے جرائم کو چھپانا چاہتا ہے۔ اسلام ٹائمز۔ آزاد جموں و کشمیر کے صدر بیرسٹر سلطان محمود چوہدری نے کہا ہے کہ مودی سرکار پر جنگی جنون سوار ہے اس لیے بھارت نے پہلگام میں فالس فلیگ آپریشن کا ڈرامہ رچایا ہے۔ ذرائع کے مطابق بیرسٹر سلطان محمود چوہدری نے ایک بیان میں پہلگام واقعے کی مذمت کرتے ہوئے کہا کہ بھارت پاکستان پر بے بنیاد الزامات لگا کر اپنے جرائم کو چھپانا چاہتا ہے۔ انہوں نے کہا کہ مودی سرکار پر جنگی جنون سوار ہے، بھارت نے پہلگام میں فالس فلیگ آپریشن کا ڈرامہ رچایا جبکہ بھارت کینیڈا اورامریکہ سمیت دیگر ممالک میں دہشتگردی کی کارروائیوں میں ملوث ہے۔سابق وزیراعظم آزاد کشمیر راجہ فاروق حیدر خان نے بھی ایک بیان میں کہا ہے کہ مقبوضہ کشمیر میں ہونے والے اس واقعے میں بھارتی ہاتھ ملوث ہیں، آزاد کشمیر پر کسی بھی مہم جوئی کا خمیازہ بھارت بھگتے گا۔
اداکارہ حرا مانی کی ہم شکل کی ویڈیو نے سوشل میڈیا پر تہلکہ مچا دیا