جمس اسپتال میں بجٹ نہ ہونے کی وجہ سے مسائل ہیں، اعجاز جکھرانی
اشاعت کی تاریخ: 14th, February 2025 GMT
جیکب آباد ،رکن قومی اسمبلی اعجاز جکھرانی جمس میں پیرا میڈیکل انسٹیٹیوٹ کی نئی عمارت کا افتتاح کررہے ہیں
جیکب آباد(نمائندہ جسارت)بجٹ نہ بڑھانے کی وجہ سے جمس مسائل کا شکار ہے ،موجودہ ڈائریکٹر کی عمر کا علم نہیں ،نمائش میں پارکنگ فیس کے وصولی کی شکایت نہیںملی ،نمائش کا شور رات کو ہوتا ہے اور رات کومیرے خیال میں جمس میں مریض نہیں ہوتے ۔اعجاز جکھرانی کی پیرا میڈیکل انسٹیٹیوٹ کی عمارت کے افتتاح پر میڈیا سے گفتگو ۔ تفصیلات کے مطابق جیکب آباد کی جمس اسپتال میں پیرا میڈیکل انسٹیٹوٹ کی نئی عمارت کا رکن قومی اسمبلی اعجاز جکھرانی نے افتتاح کیا۔ اس موقع پر ڈائریکٹر جمس عبدالکریم جمالی ،ڈی سی نواب سمیر لغاری ،پیپلزپارٹی کے ضلعی صدر لیاقت لاشاری اور دیگر موجود تھے۔ جمس میں ادویات کے فقدان ،ملازمین کی سروس اسٹرکچر نہ ہونے آر بی سی میں مریضوں کو بلڈ نہ ملنے کے متعلق سوال کے جواب میں رکن قومی اسمبلی اور جمس کی بی او جی کے ممبر اعجاز حسین جکھرانی نے کہا کہ مسئلہ سارا فنڈنگ کا ہے جب سے جمس بنا ہے اس وقت سے جمس اسپتال کا بجٹ نہیں بڑھایا گیا ،9سال ہو گئے ہیں اس وقت اوپی ڈی کم تھی اب زیادہ ہے وزیر صحت بجٹ بڑھانے پر رضامند ہوئے ہیں بجٹ بڑھا تو تمام مسائل حل ہوجائیں گے،بریگیڈیئر زبیر شیخ کی تقرری کے التوا پر انکا کہنا تھاکہ برگیڈئیر کی عمر کی وجہ سے تاخیر ہوئی کیونکہ اشتہار میں عمر کی حد رکھی گئی تھی ہوسکتا ہے اب دوبارہ اشتہار جاری ہو اور انٹرویو ہوں ،موجودہ ڈائریکٹر کی عمر 65سے زائد ہونے کے سوال پر ان کا کہنا تھا کہ مجھے اس کا علم نہیں کہ موجودہ ڈائریکٹر کی عمر 65سے زیادہ ہے ،سندھ ہارس اینڈ شو میں پارکنگ فیس کی غیر قانونی وصولی پر انکا کہنا تھا کہ ایسی شکایت مجھے نہیںملی ڈی سی موجود ہیں وہ یہ معاملہ دیکھیں گے جمس کے قریب اسٹیڈیم گرائونڈ میں میلہ لگانے اور لائوڈ اسپیکر کے شور سے مریضوں کو ہونے والی تکلیف کے سوال پر ان کا کہنا تھا کہ جمس میں دن کو او پی ڈی ہوتی ہے اور میلہ کا شور رات کو ہوتا ہے رات کو جمس میں میر ے خیال سے مریض نہیں ہوتے۔
.ذریعہ: Jasarat News
کلیدی لفظ: اعجاز جکھرانی کا کہنا کی عمر رات کو
پڑھیں:
ملک کے 8 ہوائی اڈوں پر جدید انٹیگریٹڈ بارڈر مینجمنٹ سسٹم فعال
data-id="863a0a8" data-element_type="widget" data-widget_type="theme-post-content.default">
اسلام آباد:۔ ڈائریکٹر جنرل ایف آئی اے رفعت مختار راجہ کی زیر نگرانی فیڈرل انوسٹی گیشن ایجنسی میں جدید اصلاحات کا عمل تیزی سے جاری ہے جس کے تحت ملک کے آٹھ بڑے ہوائی اڈوں پر انٹیگریٹڈ بارڈر مینجمنٹ سسٹم ٹو (آئی بی ایم ایس-II) کامیابی کے ساتھ نافذ کر دیا گیا ہے۔ یہ جدید سسٹم کراچی، لاہور، اسلام آباد، کوئٹہ، پشاور، فیصل آباد، ملتان اور سیالکوٹ ایئرپورٹس پر باضابطہ طور پر فعال کر دیا گیا ہے۔
جناح انٹرنیشنل ایئرپورٹ کراچی پر ایڈیشنل ڈائریکٹر جنرل ساﺅتھ مجاہد اکبر خان نے سسٹم کا افتتاح کیا جبکہ اس موقع پر ڈائریکٹر ایف آئی اے کراچی زون منتظر مہدی اور ڈائریکٹر آئی بی ایم ایس مصطفی حمید ملک بھی موجود تھے۔
ترجمان ایف آئی اے کے مطابق نئے نظام سے بارڈر کنٹرول اور امیگریشن کے عمل میں کارکردگی، شفافیت اور قومی سلامتی کے تحفظ میں نمایاں بہتری آئے گی۔ سسٹم کے تحت اب پاکستانی پاسپورٹس، پروٹیکٹر کلیئرنس اور سرکاری ملازمین کے این او سی کی رئیل ٹائم تصدیق ممکن ہو گئی ہے۔ مزید برآں فیشل ریکگنیشن، فنگر پرنٹس اور انٹرپول ڈیٹا بیس سے منسلک ویری فکیشن کے ذریعے جعلی سفری دستاویزات اور غیر قانونی امیگریشن کی موثر روک تھام ممکن ہوگی۔
ترجمان کے مطابق آئی بی ایم ایس-II سسٹم انسانی اسمگلنگ کے خلاف امیگریشن اسٹاف کو تکنیکی معاونت فراہم کرے گا جبکہ مسافروں کے سابقہ سفری ریکارڈ کا ڈیٹا اینالیسز رئیل ٹائم پر دستیاب ہوگا۔ اس نظام کے تحت صرف ایکٹیو پاسپورٹ رکھنے والے پاکستانی شہری ہی بیرون ملک سفر کر سکیں گے۔
ڈی جی ایف آئی اے رفعت مختار راجہ نے کہا کہ ایف آئی اے جدید ٹیکنالوجی کے استعمال سے بارڈر مینجمنٹ کو بین الاقوامی معیار کے مطابق استوار کر رہی ہے۔ ایجنسی کی ترجیح مسافروں کو محفوظ، شفاف اور جدید امیگریشن سہولیات فراہم کرنا ہے تاکہ قومی سلامتی، بارڈر کنٹرول اور بین الاقوامی رابطوں کو مضبوط بنایا جا سکے۔
کسی سزا یافتہ شخص کی مشاورت پر حکومتی فیصلے کرنا آئینی طور پر درست نہیں; طلال چوہدری