نارتھ ناظم آباد ٹاؤن میں تین روزہ پھولوں کی نمائش کا شاندار آغاز
اشاعت کی تاریخ: 14th, February 2025 GMT
کراچی (رپورٹ:منیر عقیل انصاری) ا میر جماعت اسلامی ضلع وسطی سید وجیہ الحسن نے نارتھ ناظم ٹاؤن میں سہہ روزہ پھولوں کی نمائش کا افتتاح کردیا ہے۔ افتتاحی تقریب میں امیر جماعت اسلامی ضلع وسطی سید وجہہ حسن نے بطور مہمانِ خصوصی شرکت کی، جبکہ چیئرمین نارتھ ناظم آباد ٹاؤن عاطف علی خان اور وائس چیئرمین ضیاءالدین جامعی بھی ان کے ہمراہ موجود تھے۔افتتاحی تقریب میں مہمان خصوصی نے نمائش میں رکھی گئی پھولوں کی مختلف اقسام کا جائزہ لیا اور منتظمین کی کاوشوں کو سراہا ہے۔
نمائش کے موقع پر امیر جماعت اسلامی ضلع وسطی سید وجیہ الحسن نے صحافیوں سے گفتگو کرتے ہوئے کہا کہ شہر قائد پر ایسے لوگوں کو مسلط کردیا کیا ہے جو شہر کو دونوں ہاتھوں سے لوٹ رہے ہیں ترقیاتی کام کے نام پر پورے شہر کو کھود کر رکھ دیا گیا ہے،شہری چند منٹوں کا سفر کئی کئی گھنٹوں میں کررہے ہیںاور اپنا قیمتی وقت ٹریفک جام میں پھنس کرگزرنے پر مجبور ہیں۔
انہوں نے کہا کہ وزیر بلدیات، میئر کراچی ،کمشنر کراچی ،ڈپٹی کمشنر ز اور اسسٹنٹ کمشنرزجماعت اسلامی کے9ٹاؤنز چیئر مینوں کے کاموں روکاوٹیں ڈال رہے ہے اس کے باوجود ہمارے ٹاؤنز چیئرمین کراچی کے رونوقوں کا بحال کر نے میں مصروف ہیں اور اپنے دائرے اختیار سے بڑھ کر کام کررہے ہیں۔
سید وجیہ الحسن کاکہنا تھا کہ ایسی نمائشوں کا انعقاد نہ صرف شہر کو خوبصورت بنانے میں مدد دیتا ہے بلکہ لوگوں کو قدرتی حسن سے قریب لانے کا بھی ذریعہ بنتا ہے۔ انہوں نے کہا کہ کراچی جیسے بڑے اور مصروف شہر میں اس طرح کی سرگرمیاں عوام کے لیے ایک خوشگوار تفریح فراہم کرتی ہیں۔
چیئرمین نارتھ ناظم آباد عاطف علی خان نے اپنے خطاب میں کہا کہ نے کہا کہ فتح پارک میں منعقدہ پھولوں کی نمائش میں 40اقسام کے پھول رکھے گئے ہیں،پھولوں کی نمائش عوام کو ہریالی کی طرف راغب کرنے کا بہترین ذریعہ ہیں، یہ نمائش تین دن جاری رہے گی،نمائش میں کراچی کے شہری اپنے اہل خانہ کے ساتھ شرکت کرسکتے ہیں ۔پھولوں کی اس نمائش میںشرکت کرنےوالوں کا داخلہ مفت ہوگا ،انہوں نے کہاکہ نارتھ ناظم آباد ٹاؤن انتظامیہ شہریوں کو ایک بہتر اور صاف ستھرا ماحول فراہم کرنے کے لیے مسلسل کوشاں ہے اور آئندہ بھی ایسی تقریبات کا انعقاد کیا جاتا رہے گا۔
اس موقعے پر نارتھ ناظم ٹاؤن کے وائس چیئرمین ضیاءالدین جامعی نے خطاب کرتے ہوئے کہا کہ پھولوں کی نمائش کے ذریعے ہم لوگوں کو باغبانی اور ماحول دوست طرزِ زندگی کے فوائد سے آگاہ کر رہے ہیں۔یہ نمائش تین روز تک جاری رہے گی، جس میں شہری نہ صرف ہزاروں خوبصورت اور خوشبودار پھولوں کو قریب سے دیکھ سکیں گے بلکہ باغبانی سے متعلق ماہرین سے قیمتی مشورے بھی حاصل کر سکیں گے۔ نمائش کے دوران فوٹوگرافی کے شوقین افراد کے لیے خصوصی سیلفی اسپاٹس بھی بنائے گئے ہیں، جہاں شہری یادگار لمحات کو کیمرے میں قید کر سکتے ہیں۔
ان کا کہنا تھا کہ فتح باغ میں ہونے والی یہ پھولوں کی نمائش شہریوں کے لیے ایک منفرد اور خوشگوار تفریح فراہم کر رہی ہے اور امید کی جا رہی ہے کہ آئندہ سال بھی اس کا انعقاد کیا جائے گا۔
فتح باغ میں منعقدہ اس نمائش میں 25 ہزار سے زائد پھولوں کو مختلف ترتیب اور ڈیزائن میں سجایا گیا ہے، جن میں کئی نایاب اور غیر ملکی اقسام بھی شامل ہیں۔ شائقین کو گلاب، چمبیلی، گیندا، سورج مکھی، ٹیولپ، آرکڈ، لیلی اور دیگر کئی خوبصورت پھول دیکھنے کو مل رہے ہیں۔ اس کے علاوہ ماہرین باغبانی کی جانب سے شہریوں کو باغبانی کے جدید طریقے اور پودوں کی دیکھ بھال کے متعلق مفید مشورے بھی دیے جا رہے ہیں۔
نمائش کے پہلے دن شہریوں کی بڑی تعداد نے شرکت کی اور دلکش پھولوں کی نمائش کو سراہا ہے۔ بچوں، بزرگوں اور نوجوانوں سمیت ہر عمر کے افراد نے رنگ برنگے پھولوں میں گہری دلچسپی لی۔ نمائش میں شریک شہریوں نے گفتگو کرتے ہوئے کہا کہ اس قسم کی تقریبات نہ صرف ذہنی سکون فراہم کرتی ہیں بلکہ ہمیں ماحول دوست طرزِ زندگی اپنانے کی ترغیب بھی دیتی ہیں۔
.ذریعہ: Jasarat News
کلیدی لفظ: نارتھ ناظم ا باد پھولوں کی نمائش نمائش کے فراہم کر رہے ہیں کے لیے نے کہا کہا کہ
پڑھیں:
ناظم اعلیٰ اسلامی جمعیت طلبہ کا جامعہ پنجاب سے طلبہ کی گرفتاریوں پر شدید ردعمل
data-id="863a0a8" data-element_type="widget" data-widget_type="theme-post-content.default">
لاہور:۔ اسلامی جمعیت طلبہ پاکستان کے ناظمِ اعلیٰ حسن بلال ہاشمی نے جامعہ پنجاب میں پرامن طلبہ و طالبات پر پولیس اور سکیورٹی اہلکاروں کے تشدد اوردرجنوں گرفتار طلبہ پر شدید تشویش اور غم و غصے کا اظہار کرتے ہوئے کہا ہے کہ یہ کارروائیاں نہ صرف آئینِ پاکستان کی کھلی خلاف ورزی ہیں بلکہ طلبہ کے جائز اور پرامن جمہوری حق کو سلب کرنے کی کھلی کوشش ہیں۔
اپنے جاری بیان میں انہوں نے کہا کہ آئینِ پاکستان ہر شہری کو پرامن احتجاج اور آزادیِ اظہار کا بنیادی حق دیتا ہے۔ جامعات علم و تحقیق کے مراکز ہیں لیکن بدقسمتی سے جامعہ پنجاب کی انتظامیہ فسطائی ہتھکنڈوں کے ذریعے طلبہ کی آواز دبانے، ان کے مسائل کو نظرانداز کرنے اور ان پر زبردستی خاموشی مسلط کرنے کی روش اپنائے ہوئے ہے۔ یہ رویہ نہ صرف تعلیمی ماحول کو تباہ کر رہا ہے بلکہ طلبہ میں بے چینی اور اضطراب کو مزید بڑھا رہا ہے۔
ناظمِ اعلیٰ نے کہا کہ پرامن طلبہ و طالبات پر لاٹھی چارج اور گرفتاریاں اس بات کا ثبوت ہیں کہ انتظامیہ اپنی ناکامیوں کو چھپانے کے لیے طاقت کا استعمال کر رہی ہے۔ جامعات کا اصل حسن مکالمہ، علمی مباحثہ اور طلبہ کی فکری و جمہوری آزادی ہے، لیکن انتظامیہ اس حُسن کو جبر اور طاقت کے زور پر کچلنا چاہتی ہے۔
انہوں نے مزید کہا کہ اسلامی جمعیت طلبہ اپنی تاریخ کے آغاز سے ہی طلبہ کے مسائل، ان کے تعلیمی اور فلاحی حقوق کے لیے پرامن اور جمہوری جدوجہد کرتی چلی آرہی ہے۔ جمعیت نے ہمیشہ لائبریریوں، ہاسٹلز، ٹرانسپورٹ، فیسوں میں کمی اور تعلیمی سہولیات کی فراہمی جیسے حقیقی مسائل کو اجاگر کیا ہے۔ طلبہ کے خلاف تشدد سے ان کے مسائل حل نہیں ہوں گے بلکہ یہ صورتحال مزید سنگین شکل اختیار کرے گی۔
ناظم اعلیٰ اسلامی جمعیت طلبہ نے مطالبہ کیا کہ صوبائی حکومت اس واقعے کا فوری نوٹس لے، گرفتار شدہ تمام طلبہ کو فی الفور رہا کرے اور اس تشدد میں ملوث سکیورٹی و پولیس اہلکاروں اور ذمہ دار افسران کے خلاف سخت کارروائی عمل میں لائے تاکہ مستقبل میں ایسے افسوسناک واقعات کا اعادہ نہ ہو۔ حسن بلال ہاشمی نے متنبہ کیا کہ اگر صوبائی حکومت نے اس جبر کو بند نہ کیا اور گرفتار طلبہ کو رہا نہ کیا گیا تو اسلامی جمعیت طلبہ ملک بھر کے طلبہ کے ساتھ مل کر بڑے احتجاجی لائحہ عمل کا اعلان کرے گی۔ انہوں نے کہا کہ طلبہ کا استحصال کسی صورت برداشت نہیں کیا جائے گا اور جمعیت ہمیشہ طلبہ کے حقوق کے لیے میدانِ عمل میں موجود رہے گی
دریاؤں میں پانی کی صورتحال ابھی تک غیر معمولی ہے، شرجیل میمن