بینک الفلاح کا قسط بازار کی توسیع کیلئے 55 ملین اعلان
اشاعت کی تاریخ: 15th, February 2025 GMT
کراچی(کامرس رپورٹر) بینک الفلاح نے مالی شمولیت کے عزم کو مزید مستحکم کرتے ہوئے قسط بازار میں اپنی سرمایہ کاری میں اضافہ کر دیا ہے ۔تازہ ترین فنڈنگ راؤنڈ کے تحت، بینک الفلاح نے قسط بازار کے سیریز اے فنڈنگ راؤنڈ میں 55 ملین روپے کی اضافی سرمایہ کاری کی ہے، جس کی مجموعی مالیت تقریباً 800 ملین روپے ہے۔ بینک الفلاح نے ایکویٹی سرمایہ کاری کے علاوہ، قسط بازار کو 460 ملین روپے کی قرض سہولت بھی فراہم کی ہے، جو ایک پری اپرووڈ کریڈٹ لائن کے طور پر کام کرے گی اور اس کے ذریعے اسٹارٹ اپ ضرورت کے مطابق فنڈز حاصل کر سکیں گے۔ یہ مالی تعاون قسط بازار کی توسیع اور ترقیاتی مقاصد کو مزید مستحکم کرنے کے لیے دیا گیا ہے تاکہ اس کے مارکیٹ میں اثرات کو مزید وسعت دی جا سکے۔ اس موقع پر بینک الفلاح کے صدر اور سی ای او عاطف باجوہ نے کہا کہ بینک الفلاح کا عزم ڈیجیٹل ٹرانسفارمیشن اور مالی شمولیت کے فروغ کے لیے غیر متزلزل ہے۔ قسط بازار میں 55 ملین روپے کی اضافی سرمایہ کاری اور 460 ملین روپے کی کریڈٹ سہولت کی فراہمی کے ذریعے، ہم نہ صرف ایک متحرک اسٹارٹ اپ کی ترقی میں معاونت کر رہے ہیں بلکہ جدید مالیاتی حل فراہم کرنے کا راستہ بھی ہموار کر رہے ہیں۔ قسط بازار کے سی ای او عارف لاکھانی نے کہا کہ ہماری شراکت داری کے نتیجے میں 75,000 سے زائد پاکستانی اس سے مستفید ہو چکے ہیں۔ یہ سرمایہ کاری انڈس ویلی کیپیٹل اور گوبی پارٹنرز کی قیادت میں سیریز اے فنڈنگ کا حصہ ہے، جبکہ قرض کی فراہمی ہمارے سرمایہ کاروں کی جانب سے مالیاتی جدت کو فروغ دینے اور کم مراعات یافتہ کمیونٹیز کے لیے مالیاتی خلا کو کم کرنے کے عزم کی عکاس اور اہم سنگ میل ہے۔
.ذریعہ: Jasarat News
کلیدی لفظ: ملین روپے کی سرمایہ کاری
پڑھیں:
افغان طالبان نے مغرب نواز شہریوں کیلئے عام معافی کا اعلان کر دیا
وزیر اعظم محمد حسن اخوند نے اعلان کیا ہے کہ ان افغان شہریوں کیلئے ایک عمومی معافی جاری کی جائے گی جو ملک میں مغرب نواز حکومت کے زوال کے بعد افغانستان چھوڑ کر بیرون ممالک چلے گئے۔ انہوں نے کہا کہ وہ ان افراد کو وطن واپس آنے کی دعوت دے رہے ہیں اور یہ یقین دہانی کراتے ہیں کہ انہیں کوئی خطرہ لاحق نہیں ہو گا اور ان سے کوئی دشمنی نہیں رکھی جائے گی۔ اسلام ٹائمز۔ افغانستان میں طالبان حکومت نے عیدالاضحیٰ کے موقع پر ملک چھوڑنے والے مغرب نواز طالبان کیلئے عام معافی کا اعلان کر دیا۔ میڈیا رپورٹس کے مطابق افغانستان کے وزیر اعظم محمد حسن اخوند نے اعلان کیا ہے کہ ان افغان شہریوں کیلئے ایک عمومی معافی جاری کی جائے گی جو ملک میں مغرب نواز حکومت کے زوال کے بعد افغانستان چھوڑ کر بیرون ممالک چلے گئے۔انہوں نے کہا کہ وہ ان افراد کو وطن واپس آنے کی دعوت دے رہے ہیں اور یہ یقین دہانی کراتے ہیں کہ انہیں کوئی خطرہ لاحق نہیں ہو گا اور ان سے کوئی دشمنی نہیں رکھی جائے گی۔
مزید برآں انہوں نے حکام کو باہمی تعاون کی ہدایت کی کہ واپس آنیوالے افراد کو رہائش، تعاون اور دیگر بنیادی سہولیات فراہم کی جائیں۔ وزیراعظم محمد حسن اخوند نے کہا کہ طالبان حکومت امید کرتی ہے کہ یہ اقدام ان افغانوں کو واپس لانے میں مددگار ثابت ہو گا۔ جنہوں نے آنیوالے حالات، بے یقینی یا بیرونی دباؤ کے باعث ملک چھوڑا تھا۔ واضح رہے کہ یہ اقدام ایسے وقت میں سامنے آیا ہے جب ایک جانب ڈونلڈ ٹرمپ کی جانب سے افغانوں پر سفری پابندی عائد کی گئی ہے تو دوسری جانب پاکستان میں بہت سے افغان پناہ گزینوں کو ملک بدر کرنے کی دھمکیوں کا سامنا ہے۔
کسی کو پاکستان کی جانب میلی آنکھ سے نہیں دیکھنے دیں گے، صدر کی وزیراعظم سے گفتگو