توشہ خانہ میں گاڑی جمع کرانے پروزیراعظم کوامیر مقام کاخراج تحسین
اشاعت کی تاریخ: 15th, February 2025 GMT
اسلام آباد(نیوز ڈیسک) وفاقی وزیر امور کشمیر انجینئر امیر مقام نے وزیراعظم شہباز شریف کی جانب سے ترک صدر رجب طیب اردوان کے تحفے میں دی گئی قیمتی الیکٹرک گاڑی توشہ خانہ میں جمع کرانے پر انہیں خراج تحسین پیش کیا۔
انہوں نے کہا کہ وزیراعظم شہباز شریف پہلے وزیراعظم ہیں جنہوں نے توشہ خانہ کے حوالے سے شفاف قانون سازی کی اور نہایت قیمتی تحائف کو وزیراعظم ہاؤس میں عوامی نمائش کے لیے رکھوا کر ایک روشن مثال قائم کی۔
انجینئر امیر مقام نے مزید کہا کہ وزیراعظم نے ذاتی حیثیت میں ملنے والے کروڑوں روپے کے تحائف بھی توشہ خانہ میں جمع کرائے، جو ان کی ایمانداری اور شفاف طرزِ حکومت کا منہ بولتا ثبوت ہے۔
وزیراعظم شہباز شریف کے اس اقدام کو شفافیت اور قومی اثاثوں کے تحفظ کی جانب ایک تاریخی قدم قرار دیا جا رہا ہے۔
.ذریعہ: Daily Mumtaz
کلیدی لفظ: توشہ خانہ
پڑھیں:
توشہ خانہ 2 ٹرائل حتمی مرحلےمیں داخل، سابق وزیراعظم کے ملٹری سیکریٹری، ڈپٹی سیکریٹری کا بیان قلمبند
بانی پی ٹی آئی عمران خان اور ان کی اہلیہ بشری بی بی کے خلاف توشہ خانہ 2 کیس کا اڈیالہ میں جیل میں جاری ٹرائل حتمی مرحلے میں داخل ہوگیا جب کہ سابق وزیر اعظم کے ملٹری سیکریٹری بریگیڈیر ریٹائرڈ محمد احمد اور ڈپٹی ملٹری سیکریٹری کرنل ریحان کا بیان قلمبند کرلیا گیا۔بانی پی ٹی آئی اور بشری بی بی کے وکلا نے دونوں گواہان کے بیانات پر جرح بھی مکمل کرلی، مقدمے میں مجموعی طور پر 18 گواہان کی شہادت قلمبند کرکے جرح بھی مکمل کرلی گئی۔مقدمے کی سماعت کل 18 ستمبر تک ملتوی کر دی گئی، استغاثہ کے گواہ نیب افسر محسن ہارون کو کل بیان ریکارڈ کرانے کے لیے طلب کرلیا گیا۔سماعت کے دوران بانی پی ٹی آئی اور بشری بی بی کو جیل سے کمرہ عدالت میں پیش کیا گیا۔سماعت کے دوران بانی پی ٹی آئی کی تینوں بہنیں بھی کمرہ عدالت میں موجود تھیں۔ملزمان کی جانب سے ارشد تبریز، قوسین فیصل مفتی، ظہیر چوہدری، عثمان گل عدالت میں پیش ہوئے، ایف آئی اے کی جانب سے اسپیشل پبلک پراسیکیوٹر ذوالفقار عباس نقوی، عمیر مجید ملک عدالت میں پیش ہوئے۔
سونے کی قیمت نئی بلند ترین سطح پر پہنچ گئی