واسا نے پانی ذخائر میں کمی پر احتیاط برتنے کے لیے واٹر ایمرجنسی نافذ کردی
اشاعت کی تاریخ: 15th, February 2025 GMT
طویل ترین خشک سالی زیر زمین پانی کی سطح 850 فٹ تک گر گئی، واسا نے پانی کے ذخائر میں کمی پر پانی کی استعمال میں احتیاط برتنے کے لیے واٹر ایمرجنسی نافذ کردی۔
ایم ڈی واسا سلیم اشرف کی جانب سے جاری واٹر ایمرجنسی میں کہا گیا ہے کہ شہری گھروں کے فرش گاڑیاں دھونے سے گریز کریں باغیچوں کو پانی دینے سے اجتناب کریں کیونکہ طویل عرصہ سے بارشیں نہ ہونے سے خشک سالی خطرناک حد تک بڑھ گئی۔
واسا کی جانب سے یہ ہدایت جاری کی گئی ہے کہ سروس اسٹیشنز پانی کا بے دریغ استعمال نہ کریں، خانپور ڈیم اوپن واٹر چینل کی بھل صفائی کے باعث پانی کی سپلائی میں مزید کمی کردی گئی۔
شہر میں پانی کی یومیہ ڈیمانڈ 70 ملین گیلن ہے 51 ملین گیلن یومیہ پانی کی سپلائی میں مزید 5 ملین گیلن یومیہ کی کمی آگئی۔
خانپور ڈیم سے سنگ جانی تک 12 کلو میٹر طویل اوپن واٹر چینل کی بھل صفائی جاری ہے، بھل صفائی 10 فروری سے 20 فروری تک جاری ہے، 23 فروری کو جڑواں شہروں کو پانی کی سپلائی بحال ہوسکے گی۔
واسا سی ڈی اے کنٹونمنٹ بورڈ مشترکہ طور پر بھاری مشینوں کے ذریعے بھل صفائی کررہے ہیں۔
اوپن واٹر چینل کی سالانہ بھل صفائی کے ذریعے خانپور ڈیم سے نکلنے والی اوپن واٹر چینل کے ذریعے پانی کا اخراج سنگ جانی واٹر فلٹریشن پلانٹ تک بڑھایا جاتا ہے تاکہ جڑواں شہروں کے شہریوں کو پانی کی زیادہ سے زیادہ سپلائی کو یقینی بنایا جاسکے۔
واسا کی جانب سے ہوٹلز اور کمرشل اداروں رہائشی آبادیوں کو سیوریج لائنوں میں کچرا اور فوڈ ویسٹ ڈالنے سے گریز کرنے کی بھی ہدایت کی گئی ہے۔
ذریعہ: Express News
کلیدی لفظ: پانی کی
پڑھیں:
شدید گرمی کی پیش گوئی، سول ڈیفنس کا شہریوں کے لیے اہم انتباہ
جنرل ڈائریکٹوریٹ آف سول ڈیفنس نے شہریوں اور رہائشیوں کو آئندہ دنوں میں درجہ حرارت کے خطرناک حد تک بڑھنے کے پیش نظر سخت احتیاط برتنے کی ہدایت جاری کی ہے۔
اعلامیے کے مطابق کئی علاقوں میں درجہ حرارت 47 سے 50 ڈگری سیلسیس کے درمیان پہنچنے کا امکان ہے، جبکہ بادلوں کی موجودگی کے باعث بعض مقامات پر گھٹن زدہ موسم بھی متوقع ہے۔ محکمے نے انتباہ جاری کرتے ہوئے کہا ہے کہ شہری درج ذیل احتیاطی تدابیر پر سختی سے عمل کریں تاکہ ممکنہ خطرات سے بچا جا سکے:
گاڑیوں کے حوالے سے احتیاطی تدابیر:گاڑیوں سے گیس مواد، لائٹرز، کاربونیٹڈ مشروبات، پرفیوم اور بیٹریوں جیسی اشیاء فوراً نکال دیں۔
گاڑی کی کھڑکیاں قدرے کھلی رکھیں تاکہ ہوا کا گزر ممکن ہو۔
ایندھن کے ٹینک کو مکمل طور پر نہ بھرا جائے۔
ایندھن شام کے وقت بھروائیں اور صبح کے وقت طویل سفر سے گریز کریں۔
گاڑیوں کے ٹائروں میں حد سے زیادہ ہوا نہ بھری جائے کیونکہ زیادہ دباؤ سے وہ پھٹ سکتے ہیں۔
مزید پڑھیں: ملک بھر میں شدید گرمی کی لہر برقرار، محکمہ موسمیات کا انتباہ
زہریلے جانوروں سے متعلق ہدایات:بچھو اور سانپ گرمی کے باعث اپنے بلوں سے باہر نکل سکتے ہیں، اس لیے خاص طور پر کھیتوں، باغات اور گھروں کے آس پاس احتیاط برتی جائے۔
صحت سے متعلق احتیاط:زیادہ سے زیادہ پانی اور مائعات کا استعمال کیا جائے تاکہ جسم میں پانی کی کمی نہ ہو۔
گیس کے سلنڈرز کو دھوپ میں رکھنے سے گریز کیا جائے۔
بجلی کے میٹروں پر اضافی بوجھ ڈالنے سے بچا جائے، اور ایئر کنڈیشنرز صرف ان جگہوں پر استعمال کیے جائیں جہاں افراد موجود ہوں۔
صبح 10 بجے سے دوپہر 3 بجے تک براہِ راست دھوپ میں نکلنے سے حتیٰ الامکان گریز کیا جائے۔
سول ڈیفنس نے شہریوں سے اپیل کی ہے کہ وہ ان ہدایات کو سنجیدگی سے لیں اور اپنے خاندان، دوستوں اور محلے داروں کو بھی اس بارے میں آگاہ کریں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
جنرل ڈائریکٹوریٹ آف سول ڈیفنس درجہ حرارت شدید گرمی ہیٹ ویو
انسانیت کے دشمن دہشتگردوں کے مذموم عزائم خاک میں ملا دیں گے، وزیراعظم