الخدمت کے تعاون سے فلسطین، لبنان اور شام کیلیے 24ویں امدادی کھیپ روانہ
اشاعت کی تاریخ: 15th, February 2025 GMT
کراچی:الخدمت فاؤنڈیشن پاکستان کے تعاون سے این ڈی ایم اے نے فلسطین، لبنان اور شام میں جنگ کے متاثرین کے لیے 60 ٹن امدادی سامان پر مشتمل 24 ویں کھیپ روانہ کر دی۔
امدادی کھیپ میں بھیجے گئے سامان کی مقدار 60 ٹن ہے، جس میں موسم سرما کے خیمے، ترپال اور چادریں بھی شامل ہیں۔امدادی سامان مصر کے لیے روانہ کی گئی پرواز کے ذریعے بھیجا گیا ہے، جہاں سے یہ سامان فلسطین، لبنان اور شام پہنچایا جائے گا۔
اس حوالے سے کراچی کے جناح ٹرمینل (ائیرپورٹ) پر منعقدہ تقریب میں وزارت خارجہ، این ڈی ایم اے اور الخدمت فاؤنڈیشن کے سینئر حکام نے شرکت کی۔ تقریب کے دوران امدادی سامان کی روانگی کا عمل دیکھا گیا اور اس بات پر زور دیا گیا کہ پاکستان مزید انسانی امداد کے لیے اپنا کردار ادا کرنے کے لیے پرعزم ہے۔
اب تک الخدمت فاؤنڈیشن کے تعاون سے پاکستان نے فلسطین، لبنان اور شام کے لیے کل 1,861 ٹن امدادی سامان روانہ کیا ہے۔ این ڈی ایم اے کے ترجمان کے مطابق وزیر اعظم پاکستان کی ہدایت پر یہ امدادی مہم جاری رکھی گئی ہے۔ پاکستان ہمیشہ سے فلاحی تنظیموں اور عالمی برادری کے ساتھ مل کر انسانی امداد کے میدان میں اپنا کردار ادا کرتا رہا ہے۔ جنگ اور تنازعات سے متاثرہ علاقوں کے لوگوں کی مدد کرنا ہمارا اخلاقی فریضہ ہے۔
واضح رہے کہ الخدمت فاؤنڈیشن نے اس امدادی مہم میں اہم کردار ادا کیا ہے۔ فاؤنڈیشن کے نمائندوں نے کہا کہ وہ متاثرہ علاقوں کے لوگوں تک امداد پہنچانے کے لیے ہر ممکن کوشش کر رہے ہیں۔ یہ امداد نہ صرف جنگ کے متاثرین بھائیوں کے لیے ہے بلکہ یہ پاکستان کی عالمی برادری کے ساتھ یکجہتی کا اظہار بھی ہے۔
این ڈی ایم اے حکام نے بتایا کہ آنے والے دنوں میں مزید امدادی کھیپ بھی روانہ کی جائے گی۔ پاکستان کا عزم ہے کہ وہ جنگ اور تنازعات سے متاثرہ علاقوں کے لوگوں کی مدد کرتا رہے، چاہے حالات کتنے ہی مشکل کیوں نہ ہوں۔
.ذریعہ: Jasarat News
کلیدی لفظ: الخدمت فاؤنڈیشن لبنان اور شام ڈی ایم اے کے لیے
پڑھیں:
امریکا میں بھارتی خفیہ نیٹ ورک نقاب؛ ’’ہندو امریکن فاؤنڈیشن‘‘ مودی سرکار کا آلہ کار
امریکا میں بھارتی خفیہ نیٹ ورک بے نقاب ہوگیا، جس میں انکشاف ہوا ہے کہ ’’ہندو امریکن فاؤنڈیشن‘‘ مودی سرکار کے آلہ کار کے طور پر کام کررہی ہے۔
مودی سرکار 2014 ء سے عالمی سطح پر ریاستی دہشتگردی کا جال بُنتی آ رہی ہے، جو اب عالمی سطح پر بے نقاب ہو چکا ہے۔ امریکا کے فریمانٹ گردوارے نے ہندو امریکن فاؤنڈیشن کو مودی سرکار کا غیر ملکی ایجنٹ قرار دے دیا۔
دی گارڈین کے مطابق فریمانٹ گردوارے نے امریکی محکمہ انصاف سے ہندو امریکن فاؤنڈیشن کی تحقیقات کا مطالبہ کیا ہے۔ گردوارے کی جانب سے الزام عائد کیا گیا ہے کہ ہندو امریکن فاؤنڈیشن بھارتیہ جنتا پارٹی کے مفادات کو امریکا میں فروغ دے رہی ہے۔
رپورٹ کے مطابق ہندو امریکن فاؤنڈیشن نے مودی سرکار کی بی جے پی پارٹی کے مؤقف کی مسلسل حمایت کی ہے۔ فریمانٹ گردوارے نے مطالبہ کیا ہے کہ ہندو امریکن فاؤنڈیشن کو غیر ملکی ایجنٹ کے طور پر رجسٹر کیا جائے۔ گردوارے کا دعویٰ ہے کہ ہندو امریکن فاؤنڈیشن نے بھارتی حکام کو اپنے پروگرامز میں پلیٹ فارم فراہم کیا۔
دی گارڈین کی رپورٹ کے مطابق مودی سرکار پہلے ہی سکھ کارکنان کے خلاف کینیڈا اور امریکا میں کارروائیوں کے الزامات کی زد میں ہے۔
دوسری جانب ہندو امریکن فاؤنڈیشن نے ڈھٹائی کا مظاہرہ کرتے ہوئے فریمانٹ گردوارے پر ہی الزام عائد کیا کہ یہ مہم خالصتان تحریک کے حامیوں کی جانب سے چلائی جا رہی ہے۔
ہردیپ سنگھ نجر کو قتل کرنے کے بعد بھارتی حکومت پر بیرون ملک سکھوں کے خلاف اقدامات کھل کر واضح ہو گئے ہیں۔ امریکا نے بھی واضح کیا تھا کہ کہ بھارتی ایجنٹ نے امریکی شہری اور سکھ کارکن گرپتونت سنگھ پنو کو قتل کرنے کی منصوبہ بندی کی۔
الجزیرہ کی رپورٹ کے مطابق ہندو امریکن فاؤنڈیشن نے مودی کے اقتدار میں آنے کے بعد سیاسی سرگرمیاں بڑھا دی ہیں۔
کوہاٹ: سابق سینیٹر عباس آفریدی حجرے میں دھماکے سے زخمی