راولپنڈی اور کراچی سے کار لفٹر گینگز کے 6 ملزمان گرفتار، 7 گاڑیاں برآمد
اشاعت کی تاریخ: 17th, February 2025 GMT
راولپنڈی:
پولیس نے راولپنڈی اور کراچی سے کار لفٹر گینگز کے 6 ملزمان کو گرفتار کرکے چوری شدہ 7 گاڑیاں برآمد کرلیں۔
راولپنڈی میں تھانہ کینٹ پولیس نے تین رکنی کار لفٹر گینگ کو گرفتار کرکے ملزمان کے قبضے سے ڈیڑھ کروڑ روپے مالیت کی چھ چوری شدہ گاڑیاں برآمد کرلیں، برآمد کی گئی گاڑیوں میں ایک ہنڈا سٹی، ایک بولان اور چار مہران کاریں شامل ہیں۔
پولیس کے مطابق گرفتار گینگ میں سرغنہ مشرف، محسن اور سید رحیم شامل ہیں۔ ابتدائی تفتیش کے دوران ملزمان نے راولپنڈی کے مختلف علاقوں سے گاڑیاں چوری کرنے کا انکشاف کیا ہے۔
دوسری جانب کراچی میں اینٹی اسٹریٹ کرائم سیل نے شیرشاہ کیبل مارکیٹ کے علاقے میں ٹارگٹڈ کارروائی کرتے ہوئے انتہائی مطلوب کار لفٹر گروہ کے تین کارندوں کو مسروقہ کار سمیت گرفتار کرلیا۔
ایس ایس پی کیماڑی کیپٹن (ر) فیضان علی کے مطابق ملزمان کے قبضے سے بوقت گرفتاری پریڈی کے علاقے سے چوری کی گئی کلٹس کار برآمد کرلی گئی۔
ملزمان کے قبضے سے تین عدد غیرقانونی پستول، کاریں انلاک کرنے کی ماسٹر چابی، کاروں کی متعدد چابیاں اور اوزار بھی برآمد ہوئے۔ ملزمان کے قبضے سے برآمدہ کار تھانہ پریڈی کے مقدمہ 74/25 بجرم دفعہ 381A کی مال مسروقہ ہے۔
گرفتار ملزمان میں اکبر خان، اسلام ظاہر اور علی محمد شامل ہیں جن کا تعلق بین الصوبائی کار لفٹنگ گروہ سے ہے جوکہ شہر کراچی کے مختلف علاقوں سے کاریں چوری کرکے حب بلوچستان میں فروخت کرتے ہیں۔
ملزمان کے گروہ میں عذرا نامی خاتون بھی شامل ہے جو کاریں چوری کرنے اور حب بلوچستان پہنچانے میں ملزمان کی مدد کرتی ہے۔
ملزمان نے دوران تفتیش صدر، پریڈی، منگھوپیر اور دیگر علاقوں سے کاریں چوری کرنے کا انکشاف کیا ہے، گرفتار ملزمان میں سے دو کا سابقہ کرمنل ریکارڈ بھی موجود ہے، ملزمان کے خلاف تھانہ پاک کالونی میں مقدمات درج کرکے مزید تفتیش کی جا رہی ہے۔
.ذریعہ: Express News
کلیدی لفظ: ملزمان کے قبضے سے کار لفٹر سے کار
پڑھیں:
امریکی اداکارہ خاتون پر حملے، تشدد اور چوری کے الزام میں گرفتار
امریکی شو براوو کی سابق ریئلٹی اسٹار ڈائمنڈ ٹینکرڈ کو وال مارٹ میں لڑکی پر حملے اور چوری کے الزام میں گرفتار کرلیا گیا۔
غیر ملکی خبر رساں ادارے کے مطابق براوو کے ریئلٹی شو "تھکر دین واٹر" میں نظر آنے والی ڈائمنڈ ٹینکرڈ کو ٹینیسی کے شہر اینٹی اوک کے ایک وال مارٹ میں خاتون پر حملے اور چوری کے الزام میں گرفتار کیا گیا ہے۔
پولیس کے مطابق 21 سالہ ٹینکرڈ نے سیلف چیک آؤٹ لائن میں ایک لڑکی کو پیچھے سے بالوں سے پکڑا اور مار پیٹ شروع کر دی۔ واقعے کی سی سی ٹی وی فوٹیج میں دیکھا گیا کہ وہ ایک پتھر بھرے ہوئے جراب سے خاتون کے چہرے پر وار کر رہی ہیں۔ حملے کے دوران وہ ایک ایڑھی پر مانیٹر بھی پہنے ہوئے تھیں جبکہ متاثرہ خاتون لہولہان ہوگئی تھی۔
Bravo TV star, Diamond Tankard, accused of attacking woman at Walmart with rock-filled sock ???? pic.twitter.com/9ZPG5e7TDg
— Dave (@realbigguydave) July 23, 2025اس واقعے کی ویڈیو سوشل میڈیا پر بھی تیزی سے وائرل ہو رہی ہے۔ جس پر صارفین کی جانب سے شدید ردعمل سامنے آرہا ہے۔
پولیس کے مطابق ٹینکرڈ نے متاثرہ خاتون کا آئی فون 14 (مالیت $1500) اور لوئی وٹون ہینڈ بیگ (مالیت $900) بھی چرا لیا۔ خاتون کو پیشانی پر شدید چوٹ لگی اور طبی امداد کے لیے اسپتال منتقل کیا گیا۔
متاثرہ لڑکی نے ڈائمنڈ ٹینکرڈ پر خطرناک ہتھیار سے حملہ اور چوری کے الزامات لگائے گئے ہیں اور وہ 25 ہزار ڈالر کے ضمانتی مچلکوں پر رہا ہوئی ہیں۔
واضح رہے کہ گزشتہ سال دسمبر میں ڈائمنڈ ٹینکر پر قتل کی کوشش اور حادثے کے بعد فرار ہونے کے الزامات بھی عائد ہو چکے ہیں۔ ان کی عدالت میں اگلی پیشی 22 اگست کو متوقع ہے۔
یرغمالیوں کی رہائی اور غزہ جنگ بندی کے لیے حالات سازگار ہیں: اسرائیلی آرمی چیف