جرمنی کو ایک نئے کاروباری ماڈل کی ضرورت کیوں؟
اشاعت کی تاریخ: 17th, February 2025 GMT
اسلام آباد (اُردو پوائنٹ ۔ DW اردو۔ 17 فروری 2025ء) جرمنی میں 23 فروری کو ہونے والے وفاقی انتخابات کے بعد نئی آنے والی حکومت کے لیے سب سے بڑا چیلنج ملکی معیشت کو سنبھالنا ہو گا اور اسے معاشی ترقی کے لیے کوئی نئی حکمت عملی پیش کرنا ہو گی۔ جو قوم دنیا بھر میں اپنی مصنوعات کے معیار کی وجہ سے مشہور ہوئی، اس نے گزشتہ پانچ برسوں سے کوئی حقیقی معاشی ترقی نہیں دیکھی۔
جرمن معشیت پٹری سے کیسے اُتری؟متعدد عوامل نے جرمنی کو صنعتی پاور ہاؤس سے نکال کر اپنی بقا کی جنگ لڑنے پر مجبور کر دیا ہے۔ ان عوامل میں بہت زیادہ بیوروکریسی، ہنر مند کارکنوں کی کمی، نئی ٹیکنالوجی کی جانب سست منتقلی اور سبکدوش ہونے والی مخلوط حکومت کی جانب سے واضح سمت کا فقدان بھی شامل ہیں۔
(جاری ہے)
یوکرین میں روس کی جنگ کی وجہ سے چین سے بڑھتا ہوا مقابلہ اور توانائی کی بلند قیمتیں اضافی بوجھ ثابت ہوئی ہیں۔
پالیسیوں میں اصلاحات کی ضرورتصنعتی پنکھے بنانے والی کمپنی 'ای بی ایم پاپسٹ‘ کے سی ای او کلاؤس گائسسڈوفر کہتے ہیں، ''ہمیں واقعی زیادہ سے زیادہ کمپنی اینڈ انٹرپرائز فرینڈلی سیاست کی ضرورت ہے۔‘‘ ان کا مزید کہنا تھا، ''ہمارے پاس جرمنی میں روشن ٹیلنٹ ہے۔ ہماری اچھی کمپنیاں ہیں لیکن اس وقت ہمارے پاس سیاسی سطح پر شعور نہیں ہے۔
‘‘انتخابات کے قریب آتے ہی جرمن کمپنیوں کی طرف سے تنقید بھی زور پکڑتی جا رہی ہے۔ 'ای بی ایم پاپسٹ‘ 2.
اس کمپنی نے گزشتہ سال اطلاع دی تھی کہ وہ ''خاص طور پر جرمنی میں مصائب کا شکار ہے‘‘ اور مقامی مارکیٹ میں اس کی آمدن 4.1 فیصد تک کم ہو گئی ہے۔
توانائی کے نئے حکومتی ضوابط کی وجہ سے اس کمپنی کی ہیٹنگ ٹیکنالوجی ڈویژن کی مصنوعات کی فروخت میں تقریباً 19 فیصد کمی واقع ہوئی۔ اسی طرح ملک میں گیس کی قیمتوں میں اضافہ بھی اس کمپنی پر اضافی بوجھ ثابت ہوا۔جرمنی کی صورت حال کو دیکھتے ہوئے اس کمپنی نے اپنی سرمایہ کاری ایشیا اور امریکہ میں منتقل کرنے پر توجہ مرکوز کر رکھی ہے۔ کورونا وبا سے پہلے ہی اس کمپنی نے بیرون ملک پیداوار بڑھا دی تھی۔
یہ کمپنی اپنی متعدد مصنوعات امریکہ برآمد کرتی ہے۔ اس کی بیرون ملک پیداوار امریکی صدر ڈونلڈ ٹرمپ کی طرف سے عائد کردہ کسی بھی نئے درآمدی ٹیکس کے خلاف بھی ڈھال فراہم کرے گی۔ عالمی تعلقات اور سیاست کے اثراتچین اور روس کے بڑھتے ہوئے تعلقات نے اضافی بوجھ ڈال دیا ہے اور مقامی مسائل کے ساتھ ساتھ بین الاقوامی تعلقات نے بھی جرمن معیشت کو دھچکا پہنچایا ہے۔
یوکرین جنگ کی وجہ سے جرمنی کو روس کی طرف سے ملنے والی سستی گیس کی زیادہ تر سپلائی بند ہو چکی ہے۔اسی طرح بجلی کی قیمتیں صنعت کے لیے انتہائی اہم ہوتی ہیں جبکہ چین اور امریکہ کے مقابلے میں بجلی کی قمیتیں بھی یہاں ڈھائی گنا زیادہ ہو چکی ہیں۔
مہنگی بجلی کے نقصاناتجرمنی کی کمپنی 'میکانینڈوس فوگل زانگ گروپ‘ دھاتی مصنوعات تیار کرنے والی فرم ہے اور کارساز اداروں کے لیے بھی مختلف پارٹس تیار کرتی ہے۔
اس کمپنی کے مطابق امریکہ کے مقابلے میں وہ اپنے جرمن پلانٹس میں استعمال ہونے والی بجلی کے لیے فی کلو واٹ دو گنا زیادہ ادائیگی کرتی ہے۔اس کمپنی کے سی ای او اُلرش فلاٹن کے مطابق وہ اس طرح ایک لاکھ یورو زیادہ ادا کر رہے ہیں، جو کہ ایک بہت بڑا مسابقتی نقصان ہے۔
چین کی طرف سے دھچکاجرمن معیشت کو چین کی طرف سے بھی ایک دھچکا لگا ہے، جس نے سن 2010 کی دہائی میں جرمن ساختہ مشینری اور آٹوموبائل کے لیے ایک منافع بخش مارکیٹ کا کام کیا۔
اب چینی کمپنیوں نے حکومتی سبسڈی کے ساتھ وہی مصنوعات بنانا شروع کر رکھی ہیں، جنہیں کبھی وہ جرمنی سے خریدا کرتی تھیں اور اس سے بھی جرمن برآمدات کو نقصان پہنچا ہے۔جرمن معیشت گزشتہ دو برسوں سے مسلسل سُکڑ رہی ہے۔ سن 2019 کے مقابلے میں سن 2024 کے دوران اس میں صرف 0.3 فیصد اضافہ ریکارڈ کیا گیا۔ جرمنی کے وفاقی شماریاتی دفتر کے مطابق اسی عرصے کے دوران امریکی معیشت میں 11.4 فیصد اضافہ ہوا، جبکہ چین میں 25.8 فیصد اضافہ نوٹ کیا گیا۔
بہت سے کاروباری ایگزیکٹوز اور ماہرین اقتصادیات کا کہنا ہے کہ جرمنی کی اگلی حکومت کو قرضوں کی آئینی حدود کو کم کرنے کے لیے کام کرنا چاہیے تاکہ وہ بنیادی ڈھانچے اور تعلیم جیسے عوامی اخراجات میں اضافہ کر سکے۔
جرمن انسٹی ٹیوٹ فار اکنامک ریسرچ کے صدر مارسیل فراٹسشر کہتے ہیں کہ اگر آئندہ حکومت بھی فوری تبدیلیاں لانے میں ناکام رہی تو اس کے شدید نقصانات ہوں گے، ''گزشتہ 75 برسوں کے دوران جرمنی کو بہت زیادہ اتفاق رائے، استحکام اور چیک اینڈ بیلنس والے نظام پر کھڑا کیا گیا ہے اور یہ تمام عناصر 'تیزی سے تبدیلی‘ کو بہت مشکل بنا دیتے ہیں۔
‘‘ان کا مزید کہنا ہے، ''یہ سمجھنے کے لیے کہ ہمیں معاشی تبدیلیوں پر بہت تیزی سے کام کرنے کی ضرورت ہے، ذہنیت تبدیل کرنا ہو گی۔‘‘
ا ا/ا ب ا (اے پی)
ذریعہ: UrduPoint
کلیدی لفظ: تلاش کیجئے کی طرف سے کی وجہ سے جرمنی کو کی ضرورت کے لیے
پڑھیں:
ٹیسلا کو بڑا جھٹکا کمپنی کے منافع میں70فیصد کمی
واشنگٹن(اردوپوائنٹ اخبارتازہ ترین-انٹرنیشنل پریس ایجنسی۔23 اپریل ۔2025 )امریکی کمپنی ٹیسلا کے منافع اور آمدنی میں کمی کے بعد ٹیسلا کے سربراہ ایلون مسک نے کہا ہے کہ وہ ڈونلڈ ٹرمپ کی انتظامیہ میں اپنا کردار کم کریں گے امریکی نشریاتی ادارے کے مطابق فروخت میں کمی آئی اور الیکٹرک کار ساز کمپنی کو ردعمل کا سامنا کرنا پڑا کیوں کہ مسک وائٹ ہاﺅس کا سیاسی حصہ بن گئے تھے ٹیسلا نے 2025 کی پہلی سہ ماہی میں فروخت میں گزشتہ سال کے اسی عرصے کے مقابلے میں 20 فیصد کمی کی اطلاع دی جبکہ کمپنی کے منافع میں 70 فیصد سے زیادہ کمی واقع ہوئی.(جاری ہے)
کمپنی نے اپنے سرمایہ کاروں کو متنبہ کیا کہ یہ ”درد“ جاری رہ سکتا ہے بتایا گیا ہے مارکیٹ میں ٹیسلا کے حصص کی قدرمیں بھی نمایاں کمی نوٹ کی گئی ہے بیان میں کمپنی نے ترقی کی پیش گوئی کرنے سے انکار کرتے ہوئے کہا کہ بدلتے ہوئے سیاسی جذبات طلب کو معنی خیز طور پر نقصان پہنچا سکتے ہیںکمپنی کی دولت میں حالیہ گراوٹ ایک ایسے وقت میں سامنے آئی ہے جب ٹرمپ کی نئی انتظامیہ میں مسک کے کردار پر احتجاج کیا جا رہا ہے جس کے بارے میں انہوں نے اعتراف کیا تھا کہ حکومت کی ذمہ داریوں نے ان کی توجہ کمپنی سے ہٹا دی ہے.
ایلون مسک نے ٹرمپ کے دوبارہ انتخاب میں ایک چوتھائی ارب ڈالر سے زیادہ کا حصہ ڈالا تھا وہ وفاقی اخراجات میں کمی اور سرکاری افرادی قوت میں کمی کے لیے ٹرمپ کے ڈیپارٹمنٹ آف گورنمنٹ ایفیشینسی کے سربراہ ہیں. مسک نے کہا کہ اگلے ماہ سے” ڈوج“ کے لیے ان کے وقت میں نمایاں کمی آئے گی وہ ہفتے میں صرف ایک سے دو دن حکومتی معاملات پر صرف کریں گے جب تک صدر چاہتے ہیں کہ میں ایسا کروں اور جب تک یہ کارآمد ہو امریکی حکومت میں مسک کی سیاسی شمولیت نے دنیا بھر میں ٹیسلا کے خلاف احتجاج اور بائیکاٹ کو جنم دیا. اعداد و شمار کے مطابق ٹیسلا نے سہ ماہی کے دوران مجموعی آمدنی میں 19 ارب 30 کروڑ ڈالر لائے جو سال بہ سال 9 فیصد کم ہے تجزیہ کاروں کی توقع کے مطابق یہ رقم 21 ارب 10 کروڑ ڈالر سے بھی کم تھی اور یہ اس وقت سامنے آئی جب کمپنی نے خریداروں کو راغب کرنے کے لیے قیمتوں میں کمی کی کمپنی نے اشارہ دیا کہ چین پر ٹرمپ کے محصولات نے ٹیسلا پر بھی بھاری بوجھ ڈالا اگرچہ ٹیسلا اپنی ہوم مارکیٹ میں جو گاڑیاں فروخت کرتی ہے وہ امریکا میں اسمبل کی جاتی ہیں لیکن اس کا انحصار چین میں بننے والے بہت سے پرزوں پر ہوتا ہے. کمپنی کے مطابق تیزی سے بدلتی ہوئی تجارتی پالیسی اس کی سپلائی چین کو نقصان پہنچا سکتی ہے اور اخراجات میں اضافہ کر سکتی ہے ٹیسلا کی سہ ماہی اپ ڈیٹ میں کہا گیا ہے کہ بدلتے ہوئے سیاسی جذبات کے ساتھ ساتھ یہ متحرک مستقبل قریب میں ہماری مصنوعات کی طلب پر معنی خیز اثر ڈال سکتا ہے. مسک کا ٹرمپ انتظامیہ کی دیگر شخصیات بشمول تجارتی مشیر پیٹر ناوارو کے ساتھ تجارت کے معاملے پر اختلافات ہے اس ماہ کے اوائل میں انہوں نے ٹیسلا کے بارے میں کیے گئے تبصروں پر ناوارو کو ”بدتمیز“ قرار دیا تھا ناوارو نے کہا تھا کہ مسک کار مینوفیکچرر نہیں ہیں بلکہ کار اسمبلر ہیں ایلون مسک نے کہا کہ ان کے خیال میں ٹیسلا وہ کار کمپنی ہے جو شمالی امریکا یورپ اور چین میں مقامی سپلائی چین کی وجہ سے ٹیرف سے سب سے کم متاثر ہوئی ہے لیکن انہوں نے کہا کہ ٹیرف ایک ایسی کمپنی پر اب بھی سخت ہیں جہاں مارجن کم ہے. ان کا کہنا تھا کہ میں زیادہ ٹیرف کے بجائے کم ٹیرف کی وکالت کرتا رہوں گا لیکن میں صرف یہی کر سکتا ہوں ٹیسلا کا کہنا ہے کہ مصنوعی ذہانت مستقبل کی ترقی میں کردار ادا کرے گی حالانکہ سرمایہ کار ماضی میں اس طرح کے دلائل سے مطمئن نہیں تھے کمپنی کے حصص اس سال منگل کو مارکیٹ بند ہونے تک اپنی قیمت کا تقریباً 37 فیصد گر چکے تھے نتائج کے بعد گھنٹوں کی ٹریڈنگ میں ان میں 5 فیصد سے زیادہ اضافہ ہوا. اے جے بیل میں سرمایہ کاری کے تجزیہ کار ڈین کوٹس ورتھ نے توقعات کو ”راک باٹم“ قرار دیا جب کمپنی نے رواں ماہ کے اوائل میں کہا تھا کہ سہ ماہی میں فروخت ہونے والی گاڑیوں کی تعداد 13 فیصد کم ہو کر 3 سال کی کم ترین سطح پر آ گئی ہے. کوٹس ورتھ نے متنبہ کیا کہ ٹرمپ کی تجارتی جنگ کے نتیجے میں عالمی سپلائی چین میں ممکنہ خلل نے بھی خطرات پیدا کیے ہیں.
متحدہ عرب امارات کے وزیر خارجہ کا دورہ پاکستان