’یہ نہیں چاہتے کہ عمران خان باہر آئیں‘، فواد چوہدری نے ’عمران خان ریلیز کمیٹی‘ بنانے کا اعلان کردیا
اشاعت کی تاریخ: 18th, February 2025 GMT
پی ٹی آئی کے سابق وفاقی وزیر فواد چوہدری نے کہا ہے کہ یہ چاہتے ہی نہیں کہ عمران خان باہر آئے، وہ باہر آگئے تو ان کی دوکانیں بند ہوں گی۔
ایکس پر شیئر کی گئی ایک ویڈیو پیغام میں فواد چوہدری کا کہنا تھا کہ پی ٹی آئی میں جو کچھ چل رہا ہے وہ میری سمجھ سے باہر ہے، 5 دن ہوگئے عمران خان سے رابطہ نہیں ہے، اس کے باوجود پی ٹی آئی کی سیاسی کمیٹی میں سب کچھ ٹھیک چل رہا ہے۔
فواد چوہدری نے پی ٹی آئی قیادت کو تنقید کا نشانہ بناتے ہوئے کہا ہے کہ سلمان اکرم راجہ ایک غیر اہم کیس میں دلائل دیے جارہے ہیں جیسے ملٹری کورٹس کا فیصلہ وکیلوں کی دلیلوں سے ہونا ہو، بیرسٹر گوہر لاہور چلے گئے ہیں، عمران خان اور بشریٰ بی بی کے ساتھ سوائے ان کے 2 وکلا مبشر اور فیصل کے کوئی بندہ نظر نہیں آرہا، باقی لوگ غیر متعلق کیوں ہیں؟
یہ بھی پڑھیے: منی لانڈرنگ کو قانونی جواز فراہم کرنے والا پی ٹی آئی کا سیکریٹری جنرل ہے، فواد چوہدری کی سلمان اکرم راجا پر تنقید
ان کا کہنا تھا کہ پی ٹی آئی کا مسئلہ میں نہیں ہوں، 1900 کارکن ابھی بھی گرفتار ہیں، عمران خان اور بشریٰ بی بی کے لیے آپ نے کیا کیا؟ پورے انتخابات چوری ہوئے آپ گھر پر بیٹھے رہے، لیکن سیاسی کمیٹی کی میٹنگ میرے اوپر ہورہی ہیں۔
فواد چوہدری نے دعویٰ کیا کہ ایک سازش کے تحت اسٹبلشمنٹ نے ہم جیسے لوگوں کو نکالا، ہمیں ٹھڈے اور مکے مارے گئے اور فسطائیت کا مظاہرہ کیا گیا، ہمارے عذاب ختم نہیں ہوئے لیکن ہمارے خلاف پیسے دے کر پراپیگنڈہ کیا جارہا ہے۔
یہ بھی پڑھیے: پی ٹی آئی کی شعیب شاہین پر فواد چوہدری کے حملے کی مذمت
انہوں نے کہا کہ موجودہ قیادت سے پوچھیں کہ ایک گھنٹہ جیل نہیں گئے، سلمان اکرم راجہ، شیخ وقاص اکرم سے پوچھتا ہوں کتنی دیر جیل میں رہے اور باہر کیسے جاتے ہیں؟ شعیب شاہین پچھلے دنوں ہی باہر گئے اور فنڈنگ کرکے واپس آگئے۔
فواد چوہدری نے کہا کہ یہ قیادت اگر مخلص ہوتی تو اڈیالہ جیل کے باہر کیمپ لگاتی، یہ چاہتے ہی نہیں کہ عمران خان باہر آئے، عمران خان باہر آگئے تو ان کی دوکانیں بند ہوں گی، اس لیے ہم نے عمران خان ریلیز کمیٹی کا اعلان کیا ہے اس کی تفصیل جلد لے کر آؤں گا، انہوں نے اپیل کی کہ پی ٹی آئی کے مخلص کارکن عمران خان کی رہائی کے لیے اکھٹے ہوجائیں باقی سیاست بعد میں ہوتی رہے گی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
پی ٹی آئی رہائی عمران خان فواد چوہدری.
ذریعہ
ذریعہ: WE News
کلیدی لفظ: پی ٹی ا ئی رہائی فواد چوہدری عمران خان باہر ا فواد چوہدری نے پی ٹی ا ئی
پڑھیں:
پنجاب کے وزیر تعلیم رانا سکندر حیات نے ٹیچر بننے کا اعلان کردیا
لاہور (ڈیلی پاکستان آن لائن ) پنجاب کے وزیر تعلیم رانا سکندر حیات نے ٹیچر بننے کا اعلان کردیا۔
تفصیلات کے مطابق رانا سکندر حیات نے ستمبر کے پہلے ہفتے سے انگلش اور کیمسٹری سمیت دیگر مضامین کی تدریس کا اعلان کیا۔انہوں نے کہا کہ لاہور میں ستمبر کے پہلے ہفتے سے کلاس کو پڑھاناشروع کروں گا، انگلش اور کیمسٹری میرے پسندیدہ مضمون ہیں لہٰذا ان ہی مضامین سے شروع کروں گا۔
وزیر تعلیم نے کہنا ہےکہ پرائمری اسکولوں میں انگلش اور ہائی اسکولوں میں کیمسٹری سے آغاز کروں گا جب کہ انگلش اور کیمسٹری کے علاؤہ دیگرمضامین کی بھی تدریس کروں گا۔انہوں نے مزید کہا کہ ہر ہفتے کسی ایک اسکول میں بغیر پیشگی اطلاع پڑھانے جاؤں گا، اساتذہ کی عزت کرتا ہوں، استاد بن کر فخر محسوس کروں گا۔
پاکستانی تاجروں نے چین کو 60ہزار ٹن چاول برآمد کرنے کے آرڈرز حاصل کرلئے
ان کا کہنا تھا کہ اس اقدام سے تعلیمی معیار کو جانچ کر تدریسی کمزوریاں دور کرنے میں مدد ملے گی۔
مزید :
پاکستان نے ورلڈ کپ 2028 کیلیے براہ راست کوالیفائی کر لیا