چیمپیئنز ٹرافی میں پاکستانی کھلاڑیوں کی کارکردگی
اشاعت کی تاریخ: 19th, February 2025 GMT
پاکستان گو کہ سہ فریقی ٹورنامنٹ کے فائنل میں پہنچ کر بھی میدان نہ مار سکا۔ لیکن اب اس ٹیم کا سب سے بڑا امتحان چیمپیئنز ٹرافی میں ہونے والا ہے جوکہ آج سے شروع ہورہی ہے۔ دلچسپ بات یہ ہے کہ پاکستان کا اس ایونٹ کا افتتاحی میچ بھی نیوزی لینڈ سے ہی ہے۔ جس کے ساتھ مقابلہ کرتے ہوئے پاکستانی ٹیم سہ فریقی ٹورنامنٹ کے لیگ میچ اور فائنل میں شکست سے دوچار ہوئی تھی۔
یہ پے در پے ملنے والی ہار پاکستانی ٹیم کے لیے خطرے کی گھنٹی بجا چکی ہے۔ چیمپیئنز ٹرافی کے لیے پاکستانی ٹیم کا اعلان ہوچکا ہے۔ کھلاڑیوں کے انتخاب پر کئی سوال کھڑے ہورہے ہیں۔ بالخصوص وہ کھلاڑی جنہیں ایک طویل عرصے بعد ٹیم کا حصہ بنایا۔ ان میں خوش دل شاہ اور فہیم اشرف کے نام نمایاں ہیں۔ لیکن توجہ طلب بات یہ ہے کہ حالیہ سیریز کے 2میچز میں خوش دل شاہ کی پرفارمنس ایسی نہیں رہی کہ وہ خود اس پر ’خوش‘ ہوسکیں۔ اسی طرح فہیم اشرف کے متعلق کرکٹ کے کرتا دھرتا اس ’خوش فہمی‘ کا شکار ہیں کہ وہ آل راؤنڈر ہیں لیکن ان کا حال بھی خوش دل شاہ سے کم نہیں۔
انہی کے نقش قدم پر فاسٹ بالر محمد حسنین بھی چل رہے ہیں۔ اسی لیے خیال کیا جارہا ہے کہ اس بار چیمپیئنز ٹرافی میں اپنے ہی میدانوں پر پاکستانی ٹیم کو کڑی محنت کرنی پڑے گی۔ بلے بازوں کو پچ پر کھڑے ہو کر اپنی ذمے داری نبھانی پڑے گی۔ بولرز کے لیے بھی سخت آزمائش شروع ہونے والی ہے۔ جبکہ فیلڈرز نے جس طرح سہ فریقی ٹورنامنٹ کے فائنل میں کیچز ڈراپ کیے، اس میں کوئی شبہ نہیں کہ فیلڈنگ کے شعبے میں پاکستان کی حالت تشویشناک ہے، لیکن توقعات اور امیدیں تو بلند ہیں۔
بات کی جائے پاکستانی کرکٹ ٹیم کے اب تک کے چیمپیئنز ٹرافی کے مقابلوں کی 1998سے 2017تک 23میچز کھیلے ہیں ان میں سے 12میں ناکامی ہوئی جبکہ 11میں دفاعی چیمپیئن پاکستان سرخرو رہا۔ پاکستان کا ان ایونٹ میں سب سے زیادہ اسکور 338رنز رہا ہے۔ جوکہ چیمپیئنز ٹرافی2017کے فائنل میں اس ٹیم نے بھارت کے خلاف بنایا تھا اور پہاڑ جیسا اسکور کھڑا کرنے کے بعد پاکستان ناصرف یہ میچ جیتا بلکہ فائنل کا بھی مقدر کا سکندر رہا۔ یہی نہیں اسی میچ میں 180رنز کی برتری سے جیت بھی پاکستان کی اب تک کی سب سے بڑے مارجن سے کامیابی تھی۔
بات کی جائے پاکستان کے کم تر اسکورکی تو یہ 2006میں بھارتی شہر موہالی میں جنوبی افریقا کے خلاف 89رنز بنا کر قائم کیا۔ بدقسمتی سے یہ میچ پاکستان ہار گیا۔ کم سے کم مارجن سے جیت کی بات کی جائے تو پاکستان اس معاملے میں 19رنز سے جیتا جوکہ 2017میں جنوبی افریقا کے خلاف تھا۔ وکٹ کے اعتبار سے ستمبر 2004میں بھارت کے خلاف 3 وکٹوں سے کامیابی حاصل ہوئی۔
پاکستان کے نمایاں بلے بازمحمد یوسف نے 13میچز کی 12اننگز میں 484رنز جوڑ کر پاکستان کی طرف سے سب سے زیادہ رنز بنانے کا اعزاز حاصل کیا۔ ان میں کوئی سینچری تو نہیں تھی لیکن 3نصف سینچریاں شامل ہیں۔ موجودہ کرکٹ ٹیم میں فخرزمان نمایاں ہیں جنہوں نے 4اننگز میں 252رنزبنائے ہیں۔ فخر زمان اس اعتبار سے 5ویں نمبر پر ہیں۔
بابراعظم نے بھی فخر زمان کی طرح ایک ہی چیمپئنز ٹرافی کھیلی جنہوں نے 5اننگز میں 133رنز جوڑے ہیں۔ انفرادی اسکور میں شعیب ملک 128رنز بنا کر اس معاملے میں پاکستان کے سبھی بلے بازوں سے آگے ہیں۔ شعیب ملک نے یہ بڑا مجموعہ بھارت کے خلاف 2009میں سنچورین کے میدان میں بنایا تھا۔ ان کے بعد دوسرے نمبر پر کوئی اور نہیں فخر زمان ہی ہیں جنہوں نے 2017کے فائنل میں 114رنز کا کارنامہ کیا۔
دلچسپ بات یہ ہے کہ موجودہ کرکٹ ٹیم کے اسکواڈ میں فخر زمان کے علاوہ کوئی بھی بلے باز ایسا نہیں جس نے چیمپیئنز ٹرافی میں سینچری بنائی ہو۔ پاکستان کی طرف سے اس معاملے میں سعید انور 2سینچریوں کے ساتھ سب پر بازی لے گئے ہیں۔
شاہد آفریدی چھکوں میں شعیب ملک صفر میں آگےبوم بوم آفریدی نے ایونٹ کے 13میچز میں پاکستان کی طرف سے سب سے زیادہ 10چھکے مارے ہیں۔ دوسری طرف شعیب ملک کے نام کے ساتھ یہ منفرد ریکارڈ بھی ہے کہ وہ 3بار بغیر کھاتہ کھولے ڈریسنگ روم لوٹ گئے۔
بالنگ میں کون آگے؟ کس کا ریکارڈ بہتر؟سب سے زیادہ چھکے مارنے والے شاہد آفریدی کے پاس یہ منفرد اور اچھوتا ریکارڈ بھی ہے کہ وہ پاکستان کی طرف سے سب سے زیادہ 14 شکار کرچکے ہیں۔ انہوں نے یہ اعزاز پانے کے لیے 13میچز کھیلے۔ شاہد آفریدی کی ان وکٹوں میں 11رنز کے بدلے 5وکٹیں حاصل کرنے کا ریکارڈ بھی ہے۔ آفریدی نے یہ کارنامہ کینیا کے خلاف 2004میں برمنگھم میں قائم کیا تھا۔ اور وہ اس میچ کے بہترین کھلاڑی بھی رہے تھے۔
وکٹوں کے پیچھے بہترین کھلاڑیکامران اکمل، معین خان، سرفراز احمد اور راشد لطیف اس معاملے میں سرخرو رہے ہیں کہ انہوں نے وکٹوں کے عقب میں 14کھلاڑیوں کو دبوچا۔ جبکہ معین خان نے 10، سرفراز احمد نے 9جبکہ راشد لطیف نے 2شکار کیے ہیں۔ جہاں تک کامران اکمل کے 14شکار کی بات ہے تو ان میں 11کیچ اور3اسٹمپ شامل ہیں۔ یہ کامران اکمل ہی تھے جنہوں نے کسی میچ میں 5بلے بازوں کو وکٹوں کے پیچھے دبوچا تھا۔
یہ کارنامہ انہوں نے 2013میں ویسٹ انڈیز کے خلاف اوول کے میدان پر بنایا۔ بطور فیلڈر شعیب ملک 9کیچ پکڑ چکے ہیں جبکہ موجودہ ٹیم میں بابراعظم کے ہاتھوں میں 4بلے باز کیچ تھما چکے ہیں۔ پاکستان کی طرف سے شعیب ملک وہ کھلاڑی ہیں جنہوں نے سب سے زیادہ 20میچز چیمپیئنز ٹرافی کے کھیلے ہیں۔ ان کے بعد محمد یوسف اور شاہد آفریدی کے میچز کی تعداد یکساں طور پر 13ہی ہے۔
سب سے اچھا کپتا ن کون؟
اس معاملے میں سرفراز احمد کا ریکارڈ دیگر کپتانوں سے خاصا بہتر ہے۔ جنہوں نے 5میچز میں قیادت کی اور صرف ایک میچ میں شکست ہوئی اور 4 میں کامیابی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
سفیان خان کئی اخبارات اور ٹی وی چینلز سے وابستہ رہے ہیں۔ کئی برسوں سے مختلف پلیٹ فارمز پر باقاعدگی سے بلاگز بھی لکھتے ہیں۔
.
ذریعہ
ذریعہ: WE News
کلیدی لفظ: چیمپیئنز ٹرافی میں پاکستان کی طرف سے اس معاملے میں پاکستانی ٹیم کے فائنل میں میں پاکستان شاہد آفریدی سب سے زیادہ شعیب ملک جنہوں نے کے خلاف رہے ہیں کے لیے
پڑھیں:
فیکٹ چیک: تھائی لینڈ کی ویڈیو پاکستانی فوجی افسر سے منسوب کرنے کی بھارتی کوشش ناکام
سماجی رابطے کے پلیٹ فارمز ایکس (سابقہ ٹوئٹر) اور فیس بک پر متعدد افراد اور سرگرم بھارتی پروپیگنڈا اکاؤنٹس 30 مئی 2026 سے ایک ویڈیو شیئر کر رہے ہیں اور دعویٰ کر رہے ہیں کہ اس میں آئی ایس آئی کے ڈائریکٹر جنرل (کاؤنٹر انٹیلیجنس) میجر جنرل فیصل نصیر کو تھائی لینڈ میں خواجہ سراؤں کے ایک گروہ کے ہاتھوں تشدد کا نشانہ بنتے ہوئے دکھایا گیا ہے۔
تاہم، حقیقت یہ ہے کہ یہ ویڈیو جنوری 2026 کی ہے جس میں ایک بھارتی شہری تھائی لینڈ کے شہر پٹایا میں پٹ رہا ہے۔
یہ دعویٰ کیسے پھیلا؟
30 مئی کو ایک ایسا ایکس اکاؤنٹ (جو اپنی سابقہ پوسٹس کی بنیاد پر ریاست مخالف معلوم ہوتا ہے) نے ایک ویڈیو شیئر کی اور دعویٰ کیا کہ اس میں ایک پاکستانی فوجی افسر کو تھائی لینڈ میں خواجہ سراؤں کے گروہ نے تشدد کا نشانہ بنایا۔
پوسٹ کے کیپشن میں لکھا تھا:
’ایک پاکستانی آرمی کرنل کو تھائی لیڈی بوائز نے اس وقت بری طرح مارا پیٹا جب وہ اپنے اہلِ خانہ کے ساتھ سیاحت پر آیا تھا اور مقامی علاقے کی ایک کم عمر لڑکی سے ملاقات کا بندوبست کرنے کی کوشش کر رہا تھا۔‘
اس پوسٹ کو42 ہزار 900 مرتبہ دیکھا گیا۔
اسی طرح 31 مئی کو ایک بھارتی پروپیگنڈا اکاؤنٹ نے یہی ویڈیو شیئر کرتے ہوئے دعویٰ کیا:
’اطلاعات کے مطابق پاکستان آرمی کے میجر جنرل محمد فیصل نصیر کو تھائی لیڈی بوائز نے اس لیے مارا پیٹا کیونکہ انہوں نے طے شدہ رقم ادا نہیں کی۔‘
اس پوسٹ کو 14 لاکھ ویوز حاصل ہوئے۔
ایک اور بھارت نواز اکاؤنٹ نے یہی ویڈیو شیئر کرتے ہوئے لکھا:
’پاکستان آرمی کے میجر جنرل فیصل نصیر (ڈَرٹی ہیری)، ڈی جی آئی ایس آئی (کاؤنٹر انٹیلیجنس)، کو فوکیٹ میں کسی تلخ بحث کے بعد تھائی لیڈی بوائز نے بری طرح تشدد کا نشانہ بنایا۔‘
اس پوسٹ کو 5 لاکھ 75 ہزار 800 مرتبہ دیکھا گیا۔
اسی دوران ایک اور بھارتی پروپیگنڈا اکاؤنٹ، جو عموماً پاکستان مخالف مواد شیئر کرتا ہے، نے 31 مئی کو ویڈیو پوسٹ کرتے ہوئے دعویٰ کیا:
’اطلاعات کے مطابق پاکستان آرمی کے میجر جنرل محمد فیصل نصیر کو تھائی لیڈی بوائز نے وعدہ کی گئی رقم ادا نہ کرنے پر مارا پیٹا۔ اس سے قبل 2025 میں بھی ان کی اپنی کم عمر کزن کے ساتھ ایک ویڈیو وائرل ہوئی تھی۔‘
اس پوسٹ کو 1 لاکھ 40 ہزار ویوز ملے۔
اس کے علاوہ متعدد دیگر صارفین (جن میں اکثریت بھارتی معلوم ہوتی ہے) نے بھی اسی نوعیت کے دعووں کے ساتھ یہ ویڈیو شیئر کی، جن کی مجموعی ویوز 2 لاکھ 10 ہزار سے زائد رہے۔
View this post on Instagramحقائق کی جانچ کیسے کی گئی؟
اس دعوے کی غیر معمولی مقبولیت اور عوامی دلچسپی کے باعث اس کی حقیقت جانچنے کے لیے فیکٹ چیک کا آغاز کیا گیا۔
ویڈیو کے اصل ماخذ تک پہنچنے کے لیے گوگل ریورس امیج سرچ کی گئی، جس کے نتیجے میں یہی ویڈیو 3 جنوری 2026 کی ایک ایکس پوسٹ میں ملی، جسے ایک بھارتی صارف نے شیئر کیا تھا۔
اس پوسٹ کے کیپشن میں لکھا گیا تھا:
’تھائی لینڈ میں ایک بھارتی شہری کی پٹائی۔ 52 سالہ بھارتی شخص راج جسوجا نے مبینہ طور پر 'سروسز' کی ادائیگی سے انکار کیا، جس پر خواجہ سراؤں کے ایک گروہ نے اسے تشدد کا نشانہ بنایا۔ رپورٹس کے مطابق اسے علاج کے لیے پٹایا میموریل اسپتال میں داخل کرایا گیا ہے۔‘
"An Indian thrashed in Thailand." ????
A 52-year-old Indian man, Raj Jasuja, who refused to pay for "services," was beaten by a group of transwomen in Thailand.
As per reports, he has been hospitalized at Pattaya Memorial Hospital for treatment. pic.twitter.com/FIcR6iYdaF
دعوے کی مزید تصدیق کے لیے کی گئی کی ورڈز پر مبنی سرچ کے دوران 4 جنوری 2026 کو شائع ہونے والی ایک خبر سامنے آئی، جسے ہندوستان ٹائمز نے شائع کیا تھا اور جس میں یہی ویڈیو شامل تھی۔
خبر کی سرخی تھی:
’آن کیمرا: تھائی لینڈ میں 'سروس' کی ادائیگی سے انکار پر بھارتی شہری کو خواجہ سراؤں نے تشدد کا نشانہ بنا دیا‘
رپورٹ کے مطابق 52 سالہ بھارتی شہری راج جسوجا کو تھائی لینڈ کے شہر پٹایا میں خواجہ سراؤں کے ایک گروہ نے اس وقت مارا پیٹا جب اس نے مبینہ طور پر جنسی خدمات کے عوض طلب کی گئی رقم ادا کرنے سے انکار کیا اور گاڑی میں بیٹھ کر وہاں سے نکلنے کی کوشش کی۔
ریسکیو اہلکاروں نے راج جسوجا کو چہرے اور سر کے پچھلے حصے پر زخموں کی حالت میں پایا۔ موقع پر اسے ابتدائی طبی امداد فراہم کی گئی، جس کے بعد مزید علاج کے لیے اسپتال منتقل کر دیا گیا۔
جنوری 2026 میں شائع ہونے والی متعدد دیگر معروف بھارتی میڈیا رپورٹس، جن میں The Times of India، The Indian ExpressاورIndia Today شامل ہیں، نے بھی اسی واقعے کو تقریباً یکساں تصاویر اور تفصیلات کے ساتھ رپورٹ کیا۔
فیکٹ چیک کا نتیجہ: خبر غلط قرار
یہ دعویٰ کہ وائرل ویڈیو میں پاکستان آرمی کے میجر جنرل فیصل نصیر کو تھائی لینڈ میں خواجہ سراؤں کے ہاتھوں تشدد کا نشانہ بنتے دکھایا گیا ہے، جھوٹا اور بے بنیاد ہے۔
حقیقت یہ ہے کہ یہ ویڈیو جنوری 2026 کی ہے اور اس میں ایک بھارتی شہری کو تھائی خواجہ سراؤں کے ہاتھوں مبینہ طور پر ایسکارٹ سروس کی ادائیگی سے متعلق تنازع کے بعد تشدد کا نشانہ بنتے ہوئے دکھایا گیا ہے۔
لہٰذا سوشل میڈیا پر پھیلایا جانے والا یہ دعویٰ حقائق کے منافی ہے اور ویڈیو کا میجر جنرل فیصل نصیر یا پاکستانی فوج سے کوئی تعلق ثابت نہیں ہوتا۔
یہ فیکٹ چیک اصل میں iVerify Pakistan کی جانب سے شائع کیا گیا تھا، جو Centre for Excellence in Journalism (CEJ-IBA) اور United Nations Development Programme (UNDP) کا مشترکہ منصوبہ ہے۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ