تاریخ میں پہلی مرتبہ پنجاب میں سیوریج اور نکاسی آب کا نیا سسٹم لانے کا فیصلہ
اشاعت کی تاریخ: 20th, February 2025 GMT
تاریخ میں پہلی مرتبہ پنجاب کے تمام بڑے شہروں میں سیوریج اور نکاسی آب کا نیا سسٹم لانے کیلئے پنجاب ڈویلپمنٹ پروگرام نافذ کرنے کا اصولی فیصلہ کرلیا گیا۔وزیراعلیٰ پنجاب مریم نواز کی زیر صدارت خصوصی اجلاس ہوا جس میں صوبہ میں جاری منصوبوں کا جا ئزہ لیا گیا، اجلاس میں ڈبلیو اے ٹی ایس این کے تحت جاری پراجیکٹس پر بھی تبادلہ خیال کیا گیا۔وزیراعلی مریم نواز نے سیوریج اورڈرینج سسٹم کے میگا پلان کی منظوری دیتے ہوئے ایک لاکھ سے زائد آبادی والے 189 شہروں کا پلان طلب کرلیا، منصوبے کے مطابق سیوریج،واٹر ڈرینج،بارش کے پانی کے نکاس،گلیوں کی فرش بندی اوردیگر ترقیاتی کام کیے جائیں گے۔پنجاب کی تاریخ میں پہلی بار شہروں میں سیوریج بائی پاس اورڈسپوزل سٹیشن بنانے کا فیصلہ کیا گیا ہے، بارش کے پانی کے فوری نکاس کیلئے سٹوریج ٹینک بھی بنائے جائیں گے، واٹر سٹوریج ٹینک میں ذخیرہ شدہ پانی کو آبپاشی اوردیگر مقاصد کیلئے استعمال کیاجائے گا۔اجلاس کید وران شہروں میں سیوریج اور واٹر سپلائی کی پائپ لائن مناسب فاصلے پر بچھانے پر اتفاق کیا گیا جبکہ صاف پانی کو سیوریج لائن میں مکس ہونے سے بچانے کیلئے مناسب فاصلے پر متوازی بچھایا جائے گا، ہر صوبائی حلقے میں 30،30 کلومیٹرروڈز کی تعمیر و بحالی کی جائے گی۔دوران اجلاس پنجاب میں ماڈل ویلیج بنانے کی تجویز کا جائزہ لیا گیا،وزیراعلیٰ نے ماڈل ویلیجز بنانے کی منظوری دے دی، مریم نواز نے پنجاب ڈویلپمنٹ پروگرام پرعملدر آمد کیلئے فوری اقدامات کا بھی حکم دے دیا۔اس موقع پر گفتگو کرتے ہوئے وزیراعلیٰ پنجاب مریم نواز کا کہنا تھا کہ ستھرا پنجاب پروگرام سے صوبہ کے عوام مستفید ہوں گے، سیوریج کا مؤثر نظام نہ ہونے کی وجہ سے ہر شہر میں مسائل کا سامنا ہے، سیوریج کا دیرپا اورمحفوظ سسٹم بنانے سے سڑکیں ٹوٹ پھوٹ سے محفوظ رہیں گی۔
.ذریعہ: Nawaiwaqt
کلیدی لفظ: میں سیوریج مریم نواز
پڑھیں:
خیبرپختونخوا : تاریخ میں پہلی بار خاتون ایس ایس پی تعینات
خیبرپختونخوا کی تاریخ میں پہلی بار محکمہ پولیس میں خاتون کو ایس ایس پی کے عہدے پر تعینات کردیا گیا۔
ضلع صوابی سے تعلق رکھنے عالی عائشہ گل کو ایس ایس پی انویسٹیگیشن پشاور تعینات کیا گیا ہے۔
آئی جی خیبرپختونخوا نے پہلی خاتون ایس ایس پی تعیناتی کا اعلامیہ جاری کردیا۔
عائشہ گل پولیس سروسز آف پاکستان گروپ سے تعلق رکھتی ہے اور اس سے قبل وہ اے آئی جی جینڈر خدمات سرانجام دے چکی ہیں۔
رپورٹ کے مطابق گریڈ 18 کی خاتون آفیسر حال ہی میں بیرون ملک کورس کرکے وطن واپس آئی ہیں۔
5G نیلامی میں تاخیر: پاکستان 4.3 ارب ڈالر کی ممکنہ آمدنی سے محرومی کے دہانے پر