کراچی(بزنس رپورٹر)پاکستان اسٹاک ایکسچینج میں کاروباری ہفتے کے چوتھے دن تیزی کا رجحان رہا،اگرچہ ٹریڈنگ کے دوران انڈیکس 1لاکھ14ہزار پوائنٹس کی نفسیاتی حد بھی عبور کر گیا تھا تاہم کاروبار کے اختتام پر 396پوائنٹس اضافے سے100انڈیکس 1لاکھ13ہزار700پوائنٹس کی سطح پر بند ہوا،مارکیٹ کے سرمائے میں 47ارب روپے کا اضافہ ہوا اور سرمائے کا مجموعی حجم 14028 ارب روپے سے تجاوز کر گیا جبکہ 49.
22فیصد حصص کی قیمتیں بھی بڑھ گئیں۔پاکستان اسٹاک ایکسچینج (پی ایس ایکس) میں جمعرات کو بھی خریداری کا رجحان غالب رہا۔آٹوموبائل اسمبلرز، کمرشل بینکوں، تیل و گیس کی تلاش کرنے والی کمپنیوں، او ایم سیز، ریفائنریز اور بجلی کی پیداوار سمیت اہم شعبوں میں خریداری میں بھرپور دلچسپی دیکھی گئی اور کاروبار کے اختتام پر کے ایس ای 100انڈیکس 396پوائنٹس بڑھ کر1لاکھ13ہزار739پوائنٹس پر بند ہوا اسی طرح 35پوائنٹس کے اضافے سے انڈیکس 35ہزار327پوائنٹس اور کے ایس ای آل شیئرز انڈیکس 70ہزار235پوائنٹس سے بڑھ کر 70ہزار475پوائنٹس پر جا پہنچا۔مارکیٹ کے سرمائے میں 47ارب76کروڑ 39لاکھ15 ہزار443روپے کا اضافہ ریکارڈ کیاگیا جس کے نتیجے میں سرمائے کا مجموعی حجم 13980ارب 48کروڑ77لاکھ30ہزار344روپے سے بڑھ کر 14028ارب 25کروڑ16 لاکھ45 ہزار 787روپے ہوگیا ،پاکستان اسٹاک مارکیٹ میں جمعرات کو 33ارب روپے مالیت کے78کروڑ 74 لاکھ38ہزار حصص کے سودے ہوئے جبکہ بدھ کو 25ارب روپے مالیت کے66کروڑ 77 لاکھ19ہزارحصص کیسودے ہوئے تھے۔گذشتہ روز مجموعی طورپر453کمپنیوں کا کاروبار ہوا جس میں سے223کمپنیوں کے حصص کی قیمتوں میں اضافہ،176میں کمی اور54کمپنیوں کے حصص کی قیمتوں میں استحکام رہا۔کاروبار کے لحاظ سیپاک انٹر نیشنل بلک ،فوجی سیمنٹ ،کے الیکٹرک لمیٹڈ،میپل لیف اور بینک آف پنجاب سر فہرست رہے۔قیمتوں میں اتار چڑھاو کے اعتبار سے ہوئسٹ پاکستان لمیٹڈ کا بھاو125.03روپے بڑھ کر2968.05 روپے ہو گیا اسی طرح 58.24روپیاضافے سے لکی کور انڈسٹریز لمیتڈ کے حصص کی قیمت 1248.04روپے پرجا پہنچی۔
ذریعہ
ذریعہ: Jasarat News
کلیدی لفظ:
بڑھ کر
حصص کی
پڑھیں:
صرف 10 لاکھ روپے میں منی الیکٹرک کار، کیا یہ واقعی ممکن ہے؟
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
بھارت سے جنگ اور افغانستان میں کارروائی خارج ازامکان نہیں، وزیردفاع