حکومت منشیات کے عادی افراد کی آباد کاری کرے،رفیع احمد
اشاعت کی تاریخ: 23rd, February 2025 GMT
منشیات بلخصوص کراچی میں عام ہوتی جارہی ہے، اس وجہ سے جرائم بھی تشویش ناک حد تک پہنچ گئےہیں۔ یہ بات گزشتہ روز تنظیم فرینڈز آف اینٹی نارکوٹکس آف سندھ (فانوس) کے صدر رفیع احمد نے گزشتہ روز تحریک انسداد منشیات پاکستان،بلدیہ ٹاؤن میں چلنے والے آباد کاری سینٹر کے منشیات کے عادی افراد سے خطاب کرتے ہوئے کہی۔انہوں نے کہا کہ منشیات عام ہوتی جارہی ہے۔ہمارے تعلیمی اداروں میں منشیات کا پھیلاؤ تشویش ناک تک پہنچ گیا، اس کا سد باب حکومت کی ذمّہ داری ہے۔ رفیع احمد نے منشیات کے عادی افراد سے کہا کہ آپ ہمارے معاشرے میں بگاڑ کا سبب بن رہے ہیں لہذا آپ سچے دل سے اللّہ سے توبہ کریں اور معاشرے کا کار آمد انسان بنیں،کراچی شہر میں لاکھوں نشی افراد سڑکوں،نالوں اور پلوں کے نیچے تکلیف دہ زندگی گزار رہے ہیں جو کہ ہمارے لیے بد نما داغ ہیں،حکومت کو چاہیے کہ وہ بڑے پیمانے پر ان کی مستقل بنیادوں پر آباد کاری کرے۔ مرکزی مسلم لیگ کے رہنما شیخ منظور نے کہا کہ منشیات عالمی گیر مسئلہ بن چکا ہے لہذا ہم سب کو منشیات کے خاتمے کے لیے جہاد کرنا پڑے گا۔صدر جمہوری وطن پارٹی پاکستان محمد سلیم بلوچ نے انسداد منشیات کے سلسلے میں تنظیم فانوس کی جدوجہد کو سراہتے ہوئے کہا کہ ہمیں فانوس کے ساتھ ملکر اپنی نئی نسل کو منشیات سے محفوظ رکھنے کے لیے کام کر نا چاہیے۔ ایم سائبان ٹرسٹ کے بانی محمد علی بلوچ نے کہا کہ منشیات کا پھیلاؤ بلخصوص بلدیہ،اورنگی اور لیاری میں بہت زیادہ بڑھ رہا ہے ، اس سلسلے میں پولیس اپنا کردار ادا کرے۔ بعد ازاں رفیع احمد نے منشیات کے عادی افراد سے وعدہ لیا کہ وہ اب زندگی بھر منشیات سے دور رہیں گے۔
.ذریعہ: Jasarat News
کلیدی لفظ: منشیات کے عادی افراد رفیع احمد کہا کہ
پڑھیں:
ملک بھر میں انسداد اسمگلنگ آپریشنز کے دوران ایک کروڑ سے زائد کی منشیات برآمد
ملک بھر میں انسداد اسمگلنگ آپریشنز کے دوران ایک کروڑ روپے سے زائد مالیت کی منشیات برآمد کرلی گئی۔
ترجمان کے مطابق اے این ایف کا ملک کے مختلف شہروں میں منشیات اسمگلنگ کے خلاف کریک ڈاؤن جاری ہے، اس دوران مختلف 7 کارروائیوں کے دوران 3 ملزمان کو گرفتار کرکے ایک کروڑ 3 لاکھ روپے سے زائد مالیت کی 177.02 کلو گرام منشیات برآمد کرلی گئی۔
موسیٰ لین لیاری، کراچی میں واقع گودام سے 125 کلو گرام پوٹاشیم پرمینگیٹ برآمد کرکے ملزم کو گرفتار کرلیا گیا ہے۔ اسی طرح ہزار گنجی کوئٹہ کے قریب گاڑی سے 25 کلو چرس برآمد ہوئی۔
اُدھر راولپنڈی میں واقع کوریئر آفس میں اٹک سے آسٹریلیا بھیجے جانے والے قالین میں جذب شدہ 25 کلو آئس برآمد کرلی گئی۔ پشاور میں واقع کوریئر آفس میں بہاولنگر بھیجے جانے والے پارسل سے 120 گرام چرس برآمد ہوئی جب کہ لہتراڑ روڈ اسلام آباد پر واقع کوریئر آفس میں کراچی بھیجیے جانے والے پارسل سے 500 گرام چرس برآمد ہوئی ہے۔
علاوہ ازیں نیول اینکریج اسلام آباد کے قریب گاڑی سے 150 گرام کوکین اور 370 گرام آئس برآمد کرکے ملزم کو گرفتار کرلیا گیا۔ داتا دربار، مانسہرہ کے قریب ملزم کے قبضے سے 530 گرام چرس برآمد کرلی گئی۔
تمام کارروائیوں میں گرفتار ملزمان کے خلاف انسداد منشیات ایکٹ کے تحت مقدمات درج کر کے تحقیقات کا آغاز کر دیا گیا ہے۔
بھارتی اسپانسرڈ دہشت گردوں کا قوم کی حمایت سے خاتمہ کریں گے، محسن نقوی