راولپنڈی : دھاتی ڈور پھرنے سے 4 سالہ بچی زخمی
اشاعت کی تاریخ: 23rd, February 2025 GMT
راولپنڈی(نیوز ڈیسک)راولپنڈی کے راول روڈ پر دھاتی ڈور پھرنے سے 4 سالہ بچی زخمی ہوگئی، منال اپنے والد کے ہمراہ موٹر سائیکل پر جارہی تھی۔
تفصیلات کے مطابق راولپنڈی کے راول روڈ پر دھاتی ڈور پھرنے سے 4سالہ بچی زخمی ہوگئی، منال اپنے والد کے ہمراہ موٹر سائیکل پر جارہی تھی، اچانک پتنگ کی ڈور چہرے پر پھرنے سے بچی زخمی ہوگئی۔
بچی کو طبی امداد کے لیے اسپتال منتقل کردیا گیا، راولپنڈی میں پتنگ بازی پر پابندی عائد ہونے کے باجود خلاف ورزی جاری ہے، پولیس حکام سے موقف لینے کی کوشش کی جارہی ہے۔
پتنگ بازوں کیخلاف کریک ڈاؤن، 137 ملزم گرفتار
راولپنڈی پولیس نے پتنگ بازوں کے خلاف کریک ڈاؤن کرتے ہوئے مختلف علاقوں سے 137 ملزمان کو گرفتار کر کے 7ہزار سے زائد پتنگیں اور 6 ڈوریں اور کیمیکل برآمد کرلیا ہے۔
پولیس کے مطابق پتنگ بازی میں ملوث ملزمان کی ویڈیوز کے ذریعے بھی شناخت کی جا رہی ہے ۔
مزیدپڑھیں:پاکستانی معروف اداکارہ درِفشاں سلیم کی طبیعت ناساز
ذریعہ: Daily Ausaf
پڑھیں:
ہیڈ مرالہ، قادر آباد پر نچلے درجے کا سیلاب، اوکاڑہ میں چھت گرنے سے میاں بیوی، بیٹی زخمی
لاہور+ راجن پور+ گلگت+ اوکاڑہ (ایجنسیاں+ نامہ نگار) دریائے چناب میں مسلسل پانی کی سطح بلند ہونے کے باعث موضع ساہمل میں دریائی کٹائو میں شدت آگئی۔ جبکہ سیلابی صورتحال کے پیش نظر انتظامیہ کی جانب سے فلڈ ریلیف، ریسکیو، میڈیکل اور لائیو سٹاک کیمپ قائم کردیے گئے۔ اہلِ علاقہ نے کہا کہ سیاستدان ووٹ لینے آتے ہیں لیکن مشکل وقت میں کوئی ان کی خبر لینے نہیں آیا۔ راجن پور کوہ سلیمان کے پہاڑی علاقوں میں بارش سے ندی نالوں میں طغیانی آگئی۔ فلڈ کنٹرول روم کے مطابق برساتی نالے کاہا سلطان سے 29 ہزار340 کیوسک، نالہ چھاچھڑ سے 6 ہزار 113کیوسک اور نالہ کالا بگا سے 2 ہزار 573 کیوسک کا سیلابی پانی گزر رہا ہے۔ دریائے چناب میں ہیڈ مرالہ اور ہیڈ قادر آباد پر نچلے درجے کا سیلاب ہے۔ ممکنہ سیلاب کے پیش نظر دریا کے کنارے پر آباد افراد اور مویشی محفوظ مقامات پر منتقل ہوگئے۔ مختلف دیہات کی کئی ایکڑ فصلیں کٹاؤ کے باعث دریا برد ہوگئیں۔ گلگت بلتستان کی حکومت نے تصدیق کی ہے کہ گلگت بلتستان میں سیلابی تباہ کاریوں سے 9 افراد جاں بحق ہوئے ہیں، جن میں 2 خواتین اور 2 بچے ہیں۔ ترجمان گلگت بلتستان حکومت نے کہا کہ سیلابی ریلے میں لاپتہ افراد کی تعداد 10 سے 12 ہوسکتی ہے۔ سیلاب کی تباہ کاریوں سے 500 گھر تباہ ہوئے ہیں۔ مجموعی طور پر 12 کلومیٹر سے زائد سڑکیں تباہ ہوئیں۔ 27 پل اور 22 گاڑیاں سیلابی ریلوں کی نذر ہوگئی ہیں۔ اوکاڑہ چک نمبر 23 ٹو ایل میں بارش کے دوران جانوروں کے شیڈ کی چھت گر گئی۔ شیڈ گرنے سے 60 سالہ محمد اکرم، اس کی 50 سالہ بیوی نسیم بی اور 18 سالہ بیٹی آصفہ شدید زخمی ہو گئے۔این ڈی ایم اے کے مطابق ملک بھر میں اب تک مجموعی طور پر 266 افراد جاں بحق اور 633 زخمی ہو چکے ہیں۔ پنجاب میں سب سے زیادہ 144 افراد جاں بحق، 493 زخمی ہوئے۔ مجموعی طور پر اب تک ایک ہزار 158 مکانات منہدم جبکہ 366 مویشی سیلاب میں بہہ گئے۔ پی ڈی ایم اے پنجاب نے مون سون بارشوں کے پانچویں سپیل کا الرٹ جاری کر دیا۔ 28 سے31 جولائی کے دوران پنجاب کے بیشتر اضلاع میں مون سون بارشوں کی پیشگوئی کی۔ مری‘ گلیات‘ اٹک‘ چکوال‘ جہلم‘ منڈی بہاؤ الدین‘ گجرات‘ گوجرانوالہ‘ حافظ آباد‘ لاہور‘ شیخوپورہ‘ سیالکوٹ‘ نارووال‘ ساہیوال‘ جھنگ‘ ٹوبہ ٹیک سنگھ‘ خوشاب‘ سرگودھا‘ میانوالی‘ ننکانہ صاحب‘ چنیوٹ‘ فیصل آباد اور اوکاڑہ میں بارش کی پیشگوئی ہے۔ 29 جولائی سے 31 تک ڈیرہ غازی خان‘ بھکر‘ بہاولپور‘ خانیوال‘ پاکپتن‘ وہاڑی‘ لودھراں‘ مظفر گڑھ اور راجن پور میں بارشوں کی پیشگوئی کی گئی۔ فیروز والہ کے نواحی گاؤں کجر میں بارش کے باعث گھر کی چھت گر گئی جس کے ملبہ تلے دب کر تین افراد زخمی ہو گئے۔ زخمیوں میں 3 سالہ میرب‘ 70 سالہ صفیہ بی بی اور 37 سالہ نوید شامل ہیں۔
ٹرمپ انتظامیہ اور کیلیفورنیا میں انڈوں کا تنازع شدت اختیار کر گیا