یہ مچھلی ہے یا ایلین؟ گہرے سمندر سے نکلنے والی سمندری مخلوق نے سب کو خوفزدہ کر دیا
اشاعت کی تاریخ: 27th, February 2025 GMT
ماسکو: روس کے ایک ماہی گیر نے گہرے سمندر میں ایک ’عجیب الخلقت مچھلی‘ پکڑی، جس کی غیرمعمولی شکل نے انٹرنیٹ پر ہلچل مچا دی۔ اس مچھلی کی ویڈیو وائرل ہونے کے بعد صارفین اسے ’ایلین‘ قرار دے رہے ہیں۔
ماہی گیر رومن فیڈورٹسوو، جو سمندری مخلوقات کی انوکھی تصاویر شیئر کرنے کے لیے مشہور ہیں، نے حالیہ دریافت میں ’لمپ سکر‘ نامی ایک نایاب مچھلی کی ویڈیو پوسٹ کی۔
اس بھدے اور بلبلے نما جسم والی مچھلی کو دیکھ کر لوگوں نے اسے ’Mars Attacks‘ اور ’Megamind‘ فلموں کے خلائی کرداروں سے تشبیہ دی۔
مچھلی کو جہاز کی ریلنگ پر رکھی دیکھا جا سکتا ہے، جس کا جیلی نما جسم اور غیرمعمولی خدوخال اسے اور بھی خوفناک بناتے ہیں۔
ایک صارف نے تبصرہ کیا: "یہ تو 100% خلائی مخلوق لگ رہی ہے!، دوسرے نے مذاق میں لکھا: "کہیں یہ چرنوبل کی پیداوار تو نہیں؟" کچھ نے تو مچھلی کو ’خطرناک‘ قرار دے کر اسے ختم کرنے کا مطالبہ بھی کر دیا۔
ماہرین حیاتیات کے مطابق، یہ مچھلی گہرے پانی میں رہتی ہے اور اسے اوپر لانے پر دباؤ میں تیزی سے کمی کے باعث اس کا جسم پھول جاتا ہے۔ عام طور پر لمپ سکر مچھلی پتھروں سے چمٹنے کے لیے ایک خاص سکشن ڈسک کا استعمال کرتی ہے اور انتہائی نچلی سطحوں پر پائی جاتی ہے۔
فیڈورٹسوو اکثر خوفناک وولف فش، جیلی نما سمندری مخلوقات اور دیگر عجیب مچھلیوں کی تصاویر شیئر کرتے ہیں، جو گہرے سمندر کے پراسرار رازوں کو اجاگر کرتی ہیں۔ ان کی نئی دریافت نے ایک بار پھر انسانوں کو سمندر کی گہرائیوں میں چھپے ناقابل یقین رازوں پر سوچنے پر مجبور کر دیا ہے۔
.
ذریعہ: Express News
پڑھیں:
مرنال ٹھاکر ساؤتھ انڈیا کے سپر اسٹار الو ارجن کیساتھ فلم کرنے والی ہیں؟
جنوبی بھارتی فلم انڈسٹری کے سپر اسٹار الو ارجن اور ٹی وی ڈراموں سے شوبز میں قدم رکھنے والی اداکارہ مرنال ٹھاکر ایک ساتھ ہدایتکار اٹلی کی نئی فلم میں جلوہ گر ہوںگے۔
بھارتی میڈیا رپورٹ کے مطابق حالیہ بلاک بسٹر ’پشپا 2‘ن کی کامیابی کے بعد، الو ارجن اپنے اگلے پروجیکٹ پر کام کر رہے ہیں، جس کی ہدایتکاری معروف فلم ساز اٹلی کریں گے جنہوں نے شاہ رُخ خان کی فلم جوان کی ہدایتکاری کی تھی۔
پشپا اسٹار الو ارجن کی اس فلم کا 8 اپریل 2025 کو باضابطہ طور پر اعلان کیا گیا تھا۔ رپورٹ کے مطابق اداکارہ مرنال ٹھاکر کو اس فلم میں مرکزی اداکارہ کے کردار کے لیے فائنل کر لیا گیا ہے، جبکہ دو اور بالی ووڈ اداکاراؤں پر بھی دیگر کرداروں کیلئے غور کیا جا رہا ہے۔
مرنال ٹھاکر اس فلم میں الو ارجن کے ساتھ رومانوی کردار ادا کریں گی۔ فلم کو ایک وی ایف ایکس سے بھرپور ایکشن فلم کے طور پر تیار کیا جا رہا ہے، جو ایک (parallel universe) پر مبنی ہوگی۔ الو ارجن اس فلم میں ممکنہ طور پر ڈبل رول ادا کریں گے۔
یاد رہے کہ اس فلم کیلئے مرنال کے ساتھ ساتھ دیپیکا پڈوکون اور جھانوی کپور کے نام بھی زیر غور ہیں۔ جھانوی کپور کے جلد معاہدے پر دستخط متوقع ہیں، جبکہ دیپیکا کے ساتھ بات چیت جاری ہے۔
اداکارہ حرا مانی کی ہم شکل کی ویڈیو نے سوشل میڈیا پر تہلکہ مچا دیا