گلیات میں برف باری، ٹریفک کی روانی متاثر
اشاعت کی تاریخ: 28th, February 2025 GMT
گلیات، وادی نیلم اور وادی لیپا میں شدید برف باری کا سلسلہ جاری ہے، ٹریفک کی روانی متاثر ہونے سے سیاح مشکلات کا شکار ہیں۔
مواصلاتی نطام درہم برہم ہے، آزاد کشمیر کی وادی لیپا اور کیل سیری کے مقام پر پھنسے 200 کے قریب سیاح بحفاظت ریسکیو کرلیے گئے ہیں۔
برفانی تودے گرنے سے شاردہ تاوبٹ مرکزی شاہراہ متعدد مقامات پر بند ہے، انتظامیہ نے سیاحوں کو رات میں سفر نہ کرنے کی ہدایت کی۔
پنجاب، خیبر پختونخوا اور بلوچستان کے مختلف شہروں میں کہیں تیز بارش اور کہیں ژالہ باری، آزاد کشمیر، گلگت بلتستان اور بالائی خیبر پختونخوا میں بعض مقامات پر شدید برف باری ہوئی۔
موسلادھار بارش کے باعث ہرنائی کوئٹہ اور ہرنائی پنجاب شاہراہ پر ٹریفک معطل ہوگیا، قلات میں بارش کے ساتھ اولے بھی برسے۔
.ذریعہ: Jang News
پڑھیں:
خیبر پختونخوا میں علی بابا چالیس چوروں کی حکومت ہے: فیصل کریم کنڈی
گورنر خیبر پختونخوا فیصل کریم کنڈی — فائل فوٹوگورنر خیبر پختونخوا فیصل کریم کنڈی کا کہنا ہے کہ صوبائی حکومت وسائل کو دونوں ہاتھوں سے لوٹ رہی ہے، صوبے میں علی بابا چالیس چوروں کی حکومت ہے۔
ڈی آئی خان میں میڈیا سے گفتگو کرتے ہوئے فیصل کریم کنڈی نے کہا کہ صوبے کے حکمران اپنی لوٹ مار میں لگے ہوئے ہیں، وزیراعلیٰ اپنے ارمان پورے کر رہے ہیں، عوام کا اللّٰہ حافظ ہے۔
انہوں نے کہا کہ وزیراعلیٰ کے ضلع کا حال دیکھ لیں لوگ کیسی زندگی بسر کر رہے ہیں، صوبے کا خزانہ خالی ہے لیکن وزیراعلیٰ وفاق کو قرضہ دینے کی بات کرتے ہیں۔
گورنر خیبر پختونخوا کا کہنا تھا کہ صوبائی حکومت دہشت گردوں کی سہولت کاری ختم کرے تو صوبے میں امن ہو جائے گا۔
اُنہوں نے کہا کہ پی ٹی آئی بھارت سے جنگ کی آڑ میں این آر او لینا چاہتی تھی۔
ایران معاہدہ کرے یا نتائج کیلئے تیار رہے، امریکا کی ایک بار پھر دھمکی