چوری کا الزام لگا کر دکانداروں کا شہری پر تشدد، برہنہ ویڈیو وائرل کردی
اشاعت کی تاریخ: 28th, February 2025 GMT
لاہور میں چوری کے الزام پر دکانداروں نے شہری پرتشدد کرنے کے بعد برہنہ ویڈیو بنا کر وائرل کردی۔
ترجمان پنجاب پولیس کے مطابق شہری نے چند روز قبل ملزمان کی دکان سے چند روپوں کا سامان خریدا تھا اور جلد بازی میں پیسے دینا بھول گیا تھا۔ کچھ روز بعد شہری دوبارہ سامان لینے آیا تو دکانداروں نے شہری پر چوری کا الزام لگا کر تشدد کرنا شروع کردیا۔
پولیس کے مطابق شہری نے دکانداروں کو پیسے دینے کی بہت کوشش کی تاہم انہوں نے ایک نہ سنی۔ شہری پر تشدد کیا اور برہنہ ویڈیو بنا کر وائرل کردی۔ ایس پی سول لائنز ڈاکٹر عبدالحنان کی سربراہی میں ایس ایچ او تھانہ ریس کورس نے پولیس ٹیم کے ہمراہ انٹیلیجنس بیسڈ کارروائی کرتے ہوئے ملزمان کو گرفتار کرلیا۔
ملزمان زین ، عبداللہ اور ولید کے خلاف تھانہ ریس کورس میں مقدمات درج کر کے مزید کارروائی کے لیے انویسٹیگیشن ونگ کے حوالے کردیا گیا۔ ایس پی سول لائنز کا کہنا ہے کہ انسانیت کی تذلیل برداشت نہیں کی جائے گی۔ قانون شکن عناصر کے خلاف زیرہ ٹالرنس پالیسی پر عمل پیرا ہیں۔
.ذریعہ: Express News
پڑھیں:
بھارت میں ہیڈماسٹر کا سرکاری افسر پر بیلٹ سے حملہ، ویڈیو وائرل
بھارتی ریاست اترپردیش کے سیتاپور میں بیسک شکشا ادھیکاری (بی ایس اے) کے دفتر میں ایک ہیڈماسٹر نے بی ایس اے اکھیلیش پرتاپ سنگھ پر مبینہ طور پر بیلٹ سے حملہ کر دیا، جس کا واقعہ سی سی ٹی وی کیمرے میں قید ہو کر سوشل میڈیا پر وائرل ہو گیا ہے۔
ملزم کی شناخت برجندر کمار ورما کے طور پر ہوئی ہے، جو مہمد آباد بلاک کے ندوا وشیشور گنج پرائمری اسکول کے ہیڈماسٹر ہیں۔ وہ دفتر میں ایک خاتون ٹیچر کی جانب سے درج شکایات پر وضاحت دینے آئے تھے۔ عینی شاہدین کے مطابق، بی ایس اے سنگھ ان کی وضاحت سے مطمئن نہیں تھے، جس کے باعث تکرار شدت اختیار کر گئی۔
یہ بھی پڑھیں: ’برٹش راج کا بدلہ لے گا نیا انڈیا‘، لندن بس پر بھارتیوں کے قبضے کی ویڈیو وائرل
رپورٹس کے مطابق، اچانک ورما نے ایک فائل زور سے بی ایس اے کی میز پر پٹکی، بیلٹ نکالا اور افسر پر متعدد بار حملہ کیا۔ صرف چھ سیکنڈ کے اندر ہی افسر پر کم از کم پانچ وار کیے گئے۔ جب بی ایس اے سنگھ نے پولیس کو اطلاع دینے کی کوشش کی، تو ورما نے ان کا موبائل فون چھین کر توڑ دیا۔ اس کے علاوہ، ورما نے سرکاری ریکارڈز کو بھی پھاڑ دیا اور کلرک پریم شنکر موریہ کے ساتھ بھی ہاتھا پائی کی جب وہ مداخلت کرنے کی کوشش کر رہے تھے۔
In Sitapur, UP, headmaster Brijendra Kumar Verma assaulted BSA Akhilesh Pratap Singh with a belt after a heated argument over a complaint. Staff intervened to rescue the BSA.
pic.twitter.com/SNIgXmx6Pp
— Ghar Ke Kalesh (@gharkekalesh) September 23, 2025
یہ پورا واقعہ دفتر میں نصب سی سی ٹی وی کیمرے میں قید ہو گیا، جس میں عملہ بی ایس اے کو بچانے کے لیے دوڑتا ہوا دکھائی دیتا ہے۔ واقعے کے باعث دفتر میں خوف و ہراس پھیل گیا اور فوری طور پر پولیس کو اطلاع دی گئی۔
پولیس نے بتایا کہ ٹوٹے ہوئے موبائل فون، پھاڑی گئی فائلیں اور بیلٹ کو شواہد کے طور پر قبضے میں لے لیا گیا ہے۔ ابتدائی تحقیقات اور بی ایس اے کی شکایت کی بنیاد پر قانونی کارروائی عمل میں لائی جائے گی اور متعلقہ دفعات کے تحت مقدمہ درج کیا جائے گا۔
یہ بھی پڑھیں: ’خود کو ناچتے دیکھ کر مزہ آیا‘ نریندر مودی کا اپنی وائرل ویڈیو پر تبصرہ
بی ایس اے اکھیلیش پرتاپ سنگھ کو زخمی حالت میں طبی معائنے کے لیے منتقل کیا گیا ہے تاکہ ان کے زخموں کی نوعیت معلوم کی جا سکے۔ اپنی شکایت میں انہوں نے اس حملے کو ’جان لیوا حملے کی منصوبہ بندی‘ قرار دیتے ہوئے سخت قانونی کارروائی کا مطالبہ کیا ہے، کیونکہ یہ نہ صرف ان کی زندگی کے لیے خطرہ ہے بلکہ سرکاری کام میں بھی خلل کا باعث بنا ہے۔
دوسری جانب، برجندر کمار ورما نے بی ایس اے پر ہراسانی کا الزام عائد کیا ہے اور کہا ہے کہ سنگھ خاتون ٹیچر کے تنازعے میں ان پر دباؤ ڈال رہے تھے۔ ورما نے دعویٰ کیا ہے کہ ’وضاحت کے دوران بحث بڑھ گئی اور دونوں طرف سے ہاتھا پائی ہو گئی‘۔
پولیس نے تصدیق کی ہے کہ معاملے کی مکمل تحقیقات جاری ہیں اور بیانات اور طبی رپورٹس کی روشنی میں مناسب قانونی کارروائی کی جائے گی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
اتر پردیش اسکول ٹیچر کا حملہ بھارت وائرل ویڈیو
اسلام آباد مارگلہ سٹیشن کی حدود کو میٹروبس سٹیشن تک توسیع دیں گے: حنیف عباسی