24پاکستانیوں سمیت 27یرغمالی حوثی فورسز سے رہا کرا لئے: محسن نقوی
اشاعت کی تاریخ: 28th, September 2025 GMT
اسلام آباد (نوائے وقت رپورٹ+اپنے سٹاف رپورٹر سے) وزیر داخلہ محسن نقوی نے کہا ہے کہ یمنی ساحل کے قریب ایل پی جی ٹینکر پر اسرائیلی ڈرون نے حملہ کیا تھا جس کے باعث جہاز پر آگ لگی اور 24 پاکستانیوں سمیت 27 افراد کو حوثیوں نے یرغمال بنایا جو کہ رہا ہوگئے۔ ٹویٹ میں محسن نقوی نے کہا کہ یمن کے ساحلی علاقے راس العیسیٰ پر ایل پی جی ٹینکر پر اسرائیلی ڈرون نے حملہ کیا، حملے کے وقت جہاز پر 27 افراد سوار تھے جن میں 24 پاکستانی شامل ہیں۔ جہاز پر ایک ٹینک پھٹ گیا تاہم عملے نے آگ پر قابو پالیا۔ وزیر داخلہ نے بتایا کہ بعد ازاں حوثی فورسز نے جہاز کو روک کر عملے کو یرغمال بنالیا تاہم پاکستانی سکیورٹی اداروں اور سفارتی کوششوں سے عملہ بازیاب ہوگیا اور کیپٹن مختار اکبر سمیت تمام پاکستانی عملہ محفوظ رہا، حوثیوں نے جہاز اور عملے کو بحفاظت رہا کر دیا، جہاز یمنی پانیوں سے باہر آ چکا ہے۔ انہوں نے مزید کہا کہ سیکرٹری داخلہ خرم آغا، سفیر نوید بخاری اور دیگر اہلکاروں کی کوششیں قابلِ تحسین ہیں، وزرات داخلہ، سعودی عرب و عمان میں پاکستانی ٹیموں کا کلیدی کردار ہے۔ دریں اثناء وفاقی وزیر داخلہ محسن نقوی نے ڈائریکٹر فیڈرل بیورو آف انویسٹی گیشن (ایف بی آئی) آ کاش پٹیلسے ملاقات کی۔ اس دوران غیر قانونی امیگریشن، انسداد دہشت گردی کے امور پر تعاون بڑھانے پر تبادلہ خیال کیا گیا۔ ایکس پر وفاقی وزیر داخلہ محسن نقوی نے کہا کہ ڈائریکٹر ایف بی آئی کاش پٹیل سے واشنگٹن ڈی سی میں ہونے والی ملاقات میں انسداد دہشت گردی اور افسروں کے تبادلے کے پروگرامز پر تعاون کرنے پر تبادلہ خیال کیا گیا۔انہوں نے کہا کہ ڈائریکٹر ایف بی آئی آ کاش پٹیل کی پیشہ ورانہ مہارت اور وژن انہیں کام کرنے کیلئے ایک بہترین پارٹنر بناتا ہے۔
.ذریعہ: Nawaiwaqt
کلیدی لفظ: محسن نقوی نے وزیر داخلہ کہا کہ نے کہا
پڑھیں:
ایف آئی اے کی کارکردگی بہتر بنانے کیلئے وفاقی وزیر داخلہ محسن نقوی کا بڑا فیصلہ
عرفان ملک:وفاقی وزیرداخلہ محسن نقوی نے ایف آئی اے کی کارکردگی مزید فعال بنانے کے لیے بڑے فیصلے کرتے ہوئے ادارے کے تنظیمی ڈھانچے میں اصلاحات کا آغاز کر دیا۔
ترجمان کے مطابق ایف آئی اے کے آپریشنل ڈھانچے کو ازسرنو ترتیب دیتے ہوئے3 ریجنز قائم کر دیے گئے ہیں، جن میں نارتھ، سنٹرل اور ساؤتھ ریجن شامل ہیں۔ ہر ریجن کی قیادت ایک ایڈیشنل ڈی جی کریں گے، اس سے قبل ایف آئی اے میں صرف نارتھ اور ساؤتھ ریجن تھے۔
پاکستان کا پہلا جدید سیٹلائٹ خلا میں بھیجنے کی تیاری مکمل
نارتھ ریجن میں اسلام آباد، گلگت بلتستان، پشاور اور کوہاٹ زون شامل ہوں گے، سنٹرل ریجن میں لاہور، گوجرانوالہ، فیصل آباد اور ملتان زون شامل ہوں گے جبکہ ساؤتھ ریجن میں کراچی، حیدر آباد، سکھر اور بلوچستان زون شامل کیے گئے ہیں۔
مزید برآں، ایف آئی اے میں 2 نئے زونز بھی قائم کیے گئے ہیں، گلگت بلتستان زون کا دفتر گلگت میں اور سکھر زون کا دفتر سکھر میں بنایا جائے گا، اس کے ساتھ لاہور میں ایڈیشنل ڈی جی کا آفس بھی قائم کرنے کا فیصلہ کیا گیا ہے۔
سونا سستا ہوگیا،قیمت میں حیران کُن کمی
حکام کے مطابق ان آپریشنل اصلاحات سے ادارے کی کارکردگی میں اضافہ ہوگا، خطے کی ضروریات کے مطابق فیصلے اور وسائل کی تقسیم ممکن ہو سکے گی، فیصلہ سازی میں تیزی آئے گی اور جوابدہی میں بہتری کے ساتھ عوام کو خدمات کی فراہمی مزید مؤثر ہو گی۔
لاہور میں ایڈیشنل ڈی جی کا آفس بھی بنایا جائے گا۔
پیپلزپارٹی نے کراچی کو زمانہ قدیم کا علاقہ بنادیاہے: عظمیٰ بخاری