یورپ پر حملے کا کوئی ارادہ نہیں، لیکن جارحیت کا سخت جواب دیا جائے گا، روسی وزیر خارجہ
اشاعت کی تاریخ: 28th, September 2025 GMT
یورپ پر حملے کا کوئی ارادہ نہیں، لیکن جارحیت کا سخت جواب دیا جائے گا۔ ان خیالات کا اظہار روس کے وزیر خارجہ نے اقوام متحدہ کے اجلاس سے اپنے خطاب کے دوران کیا۔ روس کے وزیر خارجہ سرگئی لاروف نےعالمی رہنماؤں پر واضح کیا کہ ان کے ملک کا یورپ پر حملہ کرنے کا کوئی ارادہ نہیں ہے، لیکن ان کے ملک کے خلاف کسی بھی جارحیت کا “فیصلہ کن جواب” دیا جائے گا۔ روس نے اس بات سے انکار کیا کہ روس کے طیارے ایسٹونیا کی فضائی حدود میں داخل ہوئے یا اس کے ڈرونز نے پولینڈ کو نشانہ بنایا۔
روس کے وزیر خارجہ نے اسرائیل پر تنقید کرتے ہوئے کہا کہ غزہ میں فلسطینیوں کے “وحشیانہ قتل” اور مغربی کنارے کے الحاق کے منصوبوں کا “کوئی جواز” نہیں ہے۔ انہوں نے اسرائیل کی جانب سے مشرق وسطیٰ کے دیگر ممالک کے خلاف جارحیت کو بھی تنقید کا نشانہ بنایا اور خبردار کیا کہ یہ خطے کو “تباہ” کر سکتا ہے۔
روس کے وزیر خارجہ نے الزام لگایا کہ اسرائیل نے حماس کے خاتمے کے مشن کو جواز بنا کر قطر سمیت مشرق وسطیٰ کے دیگر ممالک پر فضائی حملے کیے ہیں۔ انہوں نے مغربی طاقتوں پر ایران کے خلاف سفارت کاری کو سبوتاژ کرنے کا الزام بھی عائد کیا۔ روس اور چین کی جانب سے ایران پر دوبارہ عائد کی جانے والی پابندیوں کو روکنے کی آخری لمحات کی کوشش ناکام ہو گئی، جسے روس کے وزیر خارجہ نے “غیر قانونی” قرار دیا۔
Post Views: 1.
ذریعہ
ذریعہ: Daily Mumtaz
کلیدی لفظ: روس کے وزیر خارجہ نے
پڑھیں:
سرینڈر کا امریکی مطالبہ مسترد، ایران کا حملے کی صورت میں نئے محاذ کھولنے کا اعلان
خاتم الانبیا سینٹرل ہیڈ کوارٹرز کے ڈپٹی انسپکٹر بریگیڈیئر جنرل جعفر اسدی کا کہنا ہے کہ امریکا مکمل سرینڈر کا مطالبہ کر رہا ہے، لیکن ایرانی قوم کبھی نہیں جھکے گی، امریکا کے ساتھ دوبارہ جنگ ناگزیر ہے۔ اسلام ٹائمز۔ اسلامی جمہوریہ ایران نے سرینڈر کا امریکی مطالبہ ناقابل قبول قرار دیتے ہوئے حملے کی صورت میں نئے محاذ کھولنے کا اعلان کر دیا۔ پاسداران انقلاب کے ترجمان بریگیڈیئر جنرل حسین محبی کہتے ہیں کہ ایرانی فوج کسی بھی ممکنہ صورتحال سے نمٹنے کیلئے پہلے سے زیادہ تیار ہے، دشمن کو جارحیت پر مختلف نوعیت کی فوجی کارروائیوں کا سامنا کرنا پڑے گا، میدان جنگ اور ہتھیاروں کی اقسام بھی مختلف ہوں گی، جنگ بندی کے دوران ہماری عسکری صلاحیتوں میں اضافہ ہوا۔
خاتم الانبیا سینٹرل ہیڈ کوارٹرز کے ڈپٹی انسپکٹر بریگیڈیئر جنرل جعفر اسدی کا کہنا ہے کہ امریکا مکمل سرینڈر کا مطالبہ کر رہا ہے، لیکن ایرانی قوم کبھی نہیں جھکے گی، امریکا کے ساتھ دوبارہ جنگ ناگزیر ہے۔ انہوں نے مزید کہا کہ ہم نے ابھی مکمل صلاحیتیں ظاہر نہیں کیں، جنگ میں نیٹو بھی شامل ہوتی ہے تو بھی ہمیں پریشانی نہیں۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ