چند دن پہلے کہیں جاتے ہوئے گاڑی میں ریڈیو آن کیا تو اس پر بھی اسی موضوع پر بات ہو رہی تھی جس موضوع پر مجھے آج ہی ایک پوسٹ پڑھنے کا اتفاق ہوا اور میرے دماغ میں یہ بات اٹک گئی۔
رمضان کی آمد مبارک ہو، خواتین کو چاہیے کہ وہ رمضان شروع ہونے سے پہلے پہلے مہینے بھر کی تیاری کر لیا کریں، اس کی تفصیل میں سارا ذکر اس بات کا ہے کہ وہ رمضان سے پہلے سحر اور افطار کے اوقات کے لیے کیا کیا بنا کر رکھ سکتی ہیں۔ اس میں سموسے ، رول اور کباب بنانے کے ساتھ ساتھ، سادہ، قیمے اورآلو کے نیم پکے پراٹھے… پورے مہینے کے لیے تیار کر کے فریزر میں رکھ لیں اور ہر رات سونے سے پہلے اتنے پراٹھے فریزر سے نکال کر رکھ دیں جتنے کہ سحری میں تیار ہونا ہیں۔ ( تصور کریں کہ اگر کسی گھر میں آٹھ افراد نے روزہ رکھنا ہو تو) کون کون سے مشروبات کے لیے پھل بلینڈ کر کے رکھ سکتے ہیں، لیموں کا رس نکال کر ٹکڑیوں میں فریز کر لیں۔ کئی کئی کلو چنے گلا کر، روزانہ کی چاٹ کے حساب سے پیکٹ بنا کر فریزر میں رکھ لیں۔ سبزیاں باریک باریک کاٹ کر پیکٹ بنا کر پکوڑوں کے لیے فریز کر لیں۔
ہاں بیسن میں بھی تو مسالے ملا کر تیار کرنا ہو ں گے تا کہ افطار کے وقت مسالہ ملا بیسن اور کٹی ہوئی سبزی نکال کر صرف پا نی ملا کر پکوڑوں کا مسالہ تیار ہو سکے۔ ایک ماہرہ نے تو یہاں تک مشورہ دیا کہ اگر رمضان سے پہلے کسی ایک دن کو وہ چٹنیاں بنانے کے لیے مختص کردے تو وہ املی، آلو بخارا، ٹماٹر، تل اور ہرے مسالے کی چٹنیاں وہ ایک ہی دن میں پورے رمضان کے لیے بنا کر رکھ سکتی ہیں۔ حلوہ جات تیار کر کے رکھ لے، پھلوں کو کاٹ کر، پلاسٹک کی تھیلیوں میں فروٹ چاٹ کے لیے محفوظ کرکے فریزر میں رکھ دے ۔
( جانے یہ ہاتھی کے سائز کا فریزر کہاں سے آئے گا؟) لہسن پیس کر رکھ لیں، پیاز تل کر رکھ لیں، ٹماٹر پیس کر یا ابال کر رکھ لیں ، آلو بھی ٹکڑیوں میں کاٹ کر ابال کر رکھ لیں، دو ہفتے تو فرج میں بھی نکال لیں گے۔ اتنے مفید مشورے مگر ان کے لیے دو ماہ کا وقت تو چاہیے نا ۔ ساری خواتین ایسی سگھڑ کہاں ہوتی ہیں ، کچھ تو میرے جیسی بھی ہوتی ہیں۔اگر یہ ساری تیاری کی ہو گی تو خاتون خانہ کو ہر گز فکر نہ ہو گی کہ رمضان میں کام کا بوجھ بڑھ جائے گا۔ سن کر یوں لگتا ہے کہ جیسے قحط آنیوالا ہے یا ماہ رمضان سے پہلے یونہی ہے جیسی کہ کسی جنگ کی تیاری کرنا ۔
سب سے پہلا سوال تو یہی ہے کہ اگر مرد و زن دونوں پر ہی روزہ ایک ہی طرح فرض ہے اور روزے کی سختی بھی دونوں پر ایک ہی طرح ہے تو ایسا کیوں ہے کہ اضافی مشقت صرف عورتوں کے حصے میں ہو؟ اگر عورت خاتون خانہ ہے، ملازمت نہیں کرتی تو بجا، اس کے لیے گھر کے کام کار ہی ملازمت سماں ہیں اور اسے ان کا اجر بھی ملے گا۔ جو عورت اپنے گھر والوں، بچوں اور شوہر کے لیے کام کرتی ہے اور اس میں خوش بھی ہے تو اس کے لیے یقیناً اس کا اجر بھی ہے۔ ماہ رمضان میں جب کوئی عورت افطاری کے لیے کھانے کی تیاری کرتی ہے تو وہ روزے کی حالت میں ہوتی ہے، کھانا پکانے کی خوشبو سے بھوک میں ہر انسان کا جی چاہتا ہے کہ وہ کچھ چکھ سکے مگر ظاہر ہے کہ اس کی اجازت نہیں ۔ ایسے میں کھانا پکانے والی عورت اپنے نفس پر قابو پا کر گھر والوں کے لیے رنگ برنگے اور لذیذ پکوان تیار کرتی ہے ۔
اس کا اجر کئی گنا بڑھ جاتا ہے کیونکہ وہ تھک جائے یا ہمت ہار جائے تو بھی اسے اپنے گھر والو ں کی بھوک اور تکان کو سمیٹنا ہوتا ہے ۔ کاروبار یا ملازمت کرنیوالا مرد جب گھر لوٹتا ہے تو اس کے بعد اسے آرام اور راحت کی طلب ہوتی ہے، رمضان میں تو یہ نزاکت اور بھی بڑھ جاتی ہے۔ دفتر سے لوٹ کر ذہن سکون اور جسم بستر مانگتا ہے، نمازیں بھی بمشکل پڑھتے ہیں اور نڈھال ہو کر لیٹ جاتے ہیں، لیکن ملازمت کرنیوالی خاتون کے لیے یہ سب مختلف ہوتا ہے، اسے ایک اور دریا کے سامنا ہوتا ہے اک دریا کے پار اتر کر۔ اس کے لیے گھر کے افراد کی خدمت، بچوں کے اسکول کے کام ، یونیفارم دھونا ، ان کے ہوم ورک دیکھنا، اپنے دفترکے کام اور افطار اور سحر کی تیاری موجود ہوتی ہے۔
وہ نہ آرام کر سکتی ہے نہ آرام کی خواہش۔ مرد و زن کی برابری کا سوال نہیں مگر کیا وہ انسان بھی نہیں؟آپ کے ہاں تو سارا سال دن میں تین یا چار اوقات کے کھانے بنتے ہیں، ناشتہ، دوپہر کا کھانا، شام کی چائے اور رات کا کھانا۔ آپ کو جب کسی چیز کی کمی نہیں تو کیا وجہ ہے کہ رمضان میں آپ یوں کھانوں کھاجوں کی توقع کرتے ہیں جیسے کہ باقی سارا سال آپ کو کچھ کھانے کو نہیں ملتا۔ آج کے زمانے میں جب سائنس اور ماہرین خوراک بھی اس بات کی تعلیم کرتے ہیں کہ دن کے ایک طویل حصے میں اگر ہم اپنے معدے کو آرام کرنے کا وقت دیں، اس لیے کہ معدہ اس سارے کھائے پئے کو ہضم کر سکے جو کہ ہم دن کے وقت بنا بھوک یا بھوک سے کھاتے ہیں۔
ہمارے ہاں ہر میل ملاقات کا اصل مقصد کھانا ہی ہوتا ہے خواہ وہ خوشی کا ہو یا غمی کا۔ ہم شادیوں، عیدوں، شب براتوں ، سالگرہوں اور مختلف تقاریب پر بھی کھاتے ہیں اور کسی کی مرگ ہو یا کوئی تکلیف بیماری… تب بھی ہمیں کھانا ہوتا ہے۔ جب ہم ہر وقت اور ہر جگہ کھاتے ہیں تو کیا اس ایک مہینے میں ہم اپنے تزکیہء نفس کے لیے قربانی نہیں دے سکتے؟ اپنے حصے کا رزق یا کھانا کسی اور کو دے کر ان کے گھر کا چولہا ایک ماہ جلتا رہے ۔ کسی غریب گھرانے کو ایک ماہ کے لیے کھانا برابر اور وافر ملتا رہے۔
روزے کی اصل روح کو ہم سحری اور افطاری کے وقت کھانوں کی تہیں لگا کر ہی ماردیتے ہیں۔ ہم یہی کچھ اپنے بچوں کو بھی سکھا رہے ہیں کہ رمضان میں اگر آپ نے دن کو اپنے نفس پر قابو پایا ہے تو شام کو اس کو بے نتھے بیل کی طرح چھوڑ دیا جائے۔ بچوں کو اسی عمر سے سکھائیں اور نہ صرف رمضان بلکہ عید پر بھی انھیں قربانی کا درس دیں۔ اپنے حصے کی عیدی، اپنے حصے کا کھانا اور اپنے حصے کے کپڑوں میں سے آپ کسی غریب کی خوشی کی خاطر کچھ کریں تو اس پر دل خوش ہونا چاہیے ۔ روز مرہ کے معاملات میں اگر ہم سادگی اختیار کریں تو ہر روز کسی ایک غریب کو کھانا دیا جا سکتا ہے۔
.ذریعہ: Express News
کلیدی لفظ: کر رکھ لیں کی تیاری اپنے حصے ہوتا ہے سے پہلے تیار کر کے لیے
پڑھیں:
کتے خواب میں اپنے مالکان کو دیکھتے ہیں، ماہر نفسیات کا دعویٰ
ہارورڈ یونیورسٹی کی ایک ماہر نفسیات نے دعویٰ کیا ہے کہ کتے نیند میں اپنے مالکان کے بارے میں خواب دیکھتے ہیں، اور یہ انکشاف جانوروں سے محبت رکھنے والوں کے لیے خوشی کا باعث بن سکتا ہے۔
ڈاکٹر ڈیئرڈری بیریٹ، جو ہارورڈ میڈیکل اسکول میں کلینیکل اور ایوولیوشنری ماہر نفسیات ہیں، نے بتایا ہے کہ انسانوں کی طرح جانور بھی دن بھر کے تجربات پر مبنی خواب دیکھتے ہیں۔ ان کا کہنا ہے کہ چونکہ کتے اپنے مالکان سے گہرا تعلق رکھتے ہیں، اس لیے امکان ہے کہ وہ خواب میں اپنے مالک کا چہرہ، ان کی آواز، خوشبو یا روزمرہ کے معمولات یاد کرتے ہوں۔
یہ بھی پڑھیں: بلیوں کے کچھ حیران کن رویے جو آپ کو چونکا سکتے ہیں
انہوں نے کہا کہ انسان دن کے دوران جن چیزوں سے دلچسپی رکھتے ہیں، وہی چیزیں خواب میں دیکھتے ہیں، اس لیے امکان ہے کہ جانور بھی اسی طرز پر خواب دیکھتے ہوں۔
ڈاکٹر بیریٹ نے وضاحت کی کہ جب کتے نیند کے دوران پنجے یا ٹانگیں ہلانے لگتے ہیں تو وہ شاید دوڑنے یا کھیلنے کا خواب دیکھ رہے ہوتے ہیں، اور اگر وہ نیند میں ہلکی آواز میں بھونکیں تو ممکن ہے وہ کسی دوسرے کتے یا انسان سے بات کررہے ہوں۔
یہ بھی پڑھیں: نام میں ’دتا‘ کی جگہ ’کتا‘ لکھنے پر شہری کا انوکھا احتجاج، بھونکتے ہوئے ویڈیو وائرل
انہوں نے مزید بتایا کہ جانوروں کا نیند کا نظام بھی انسانوں جیسا ہوتا ہے، جس میں ہلکی، گہری اور ریپڈ آئی موومنٹ (REM) والی نیند شامل ہے۔ انسانوں کو خواب اسی مرحلے میں آتے ہیں، اس لیے خیال کیا جاتا ہے کہ جانور بھی اسی دوران خواب دیکھتے ہوں گے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
we news انسان جانور خواب دوڑ کتے مالک
والد نے مسلسل رابطوں سے پریشان ہوکر تدفین کا بیان دیا، بہن بہت خوددار تھی، بھائی حمیرا اصغر