پاکستان میں گیمنگ کلچر کو فروغ دینے کیلئے ایچ پی گیمنگ لیب کا افتتاح
اشاعت کی تاریخ: 4th, March 2025 GMT
پاکستان میں گیمنگ ایکو سسٹم کو فروغ دینے کے لی ایچ پی گیمنگ گیراج لیب کا آغاز کیا گیا ہے۔
نیشنل ایرواسپیس سائنس اینڈ ٹیکنالوجی پارک نے پاکستان میں مُلّر اینڈ فپس (M&P) کے تعاون سے انسٹی ٹیوٹ آف انفارمیشن ٹیکنالوجی(این آئی آئی ٹی) میں ایچ پی گیمنگ گیراج لیب کے آغاز کا اعلان کیا ہے۔
این آئی آئی ٹی حکومت پاکستان کی جانب سے اسٹریٹجک قومی اہمیت کے منصوبے کے طور پر تسلیم شدہ ایک اہم ادارہ ہے۔ پاک فضائیہ کی سربراہی میں NASTP صنعت، تعلیمی اداروں اور حکومت کے درمیان تعاون کو فروغ دیتا ہے تاکہ ایک ترقی پذیر ٹیکنالوجی ایکو سسٹم کو تعمیر کیا جا سکے۔
نئی لیب طلباء کو ای اسپورٹس مینجمنٹ اور گیم ڈویلپمنٹ میں مہارت حاصل کرنے اور ان کا جائزہ لینے کا موقع فراہم کرتی ہے جس سے وہ میڈیا، آئی سی ٹی اور ای اسپورٹس کی صنعتوں میں کیریئر کے لیے تیاری کر سکتے ہیں۔
ایچ پی گیمنگ گیراج ایک ایسا اقدام ہے جو دنیا بھر سے سیکھنے والوں کو گیمنگ اور ای اسپورٹس کی صنعت میں داخل ہونے کے لیے ضروری مہارت حاصل کرنےاور اسے فروغ دینے کی حوصلہ افزائی کرتا ہے۔
گیمنگ کے شعبے نے گزشتہ دہائی میں بے مثال عالمی ترقی حاصل کی ہے اور اہم معاشی، ثقافتی اور تکنیکی اثر و رسوخ کے ساتھ مرکزی دھارے کی تفریحی صنعت میں تبدیل ہو گیا ہے۔ دنیا بھر میں پی سی گیمرز کی اندازاً تعداد سنہ2026ء میں 909 ملین تک پہنچ جائے گی جو console سے 33 فیصد آگے سب سے بڑا سیگمنٹ ہے۔
یہ لیب مقامی ٹیلنٹ کو پروان چڑھائے گی اور نوجوان ڈیویلپرز، ای اسپورٹس پروفیشنلز اور ڈیجیٹل تخلیق کاروں کے لیے ملک کے ٹیکنالوجی پر مبنی مستقبل میں بامعنی کردار ادا کرنے کی راہ ہموار کرے گی۔
اس موقع پر افتتاحی تقریب کے مہمان خصوصی، ائیر آفیسر کمانڈنگ سینٹرل ایئر کمانڈ، ائیر وائس مارشل، محمد عاصم رانا (ستارہ امتیاز، ملٹری) نے کہا کہ گیمنگ اور ای اسپورٹس اب محض شوق نہیں رہے۔ یہ عالمی ڈیجیٹل معیشت کا ایک اہم حصہ ہیں۔ تاہم، اس سے فائدہ اٹھانے کے لیے،صحیح مہارت، بنیادی ڈھانچے اور ماحولیاتی نظام کو فروغ دینے کی ضرورت ہے۔
تعاون اور شراکت داری کی اہمیت پر روشنی ڈالتے ہوئے انہوں نے تمام اسٹیک ہولڈرز کی حوصلہ افزائی کی کہ وہ اس اقدام کو کامیاب بنانے کے لیے مل کر کام جاری رکھیں۔
ایچ پی انکارپوریٹڈ کے کنٹری بزنس منیجر پاکستان، نواز دھنجی نے کہا ہم پاکستان میں ایچ پی گیمنگ گیراج کے افتتاح پر اپنے مجاز ڈسٹری بیوٹر M&P کے ساتھ تعاون کرنے پر پرجوش ہیں۔ ایچ پی میں ہم سمجھتے ہیں کہ نوجوانوں کے لیے تعلیم تک مساوی رسائی ڈیجیٹل مساوات کی کلید ہے۔
اسی طرح مُلر اینڈ فپس کے چیف ایگزیکٹو آفیسر اور منیجنگ ڈائریکٹر، کامران نشاط نے اس اقدام کی اہمیت پر زور دیتے ہوئے کہا کہ NASTP میں ایچ پی گیمنگ گیراج کا قیام پاکستان کے گیمنگ ایکو سسٹم کی ترقی میں ایک اہم سنگ میل کی حیثیت رکھتا ہے۔
.ذریعہ: Express News
کلیدی لفظ: پاکستان میں کو فروغ کے لیے
پڑھیں:
صدر زرداری اور وزیراعظم شہباز کا عالمی یومِ جمہوریت پر جمہوری اقدار کے فروغ پر زور
صدرِ مملکت آصف زرداری اور وزیراعظم شہباز شریف نے عالمی یومِ جمہوریت کےموقع پر اپنے الگ الگ پیغامات میں جمہوری اقدار کے فروغ، عوامی حقوق کے تحفظ اور آئین کی بالادستی پر زور دیا ہے۔
صدر آصف زرداری نے کہا کہ یومِ جمہوریت عوام کے سیاسی، معاشی اور سماجی حقوق کی یاد دہانی ہے۔
ان کے مطابق جمہوریت رواداری، شمولیت اور اظہارِ رائے کی آزادی کا ضامن نظام ہے، جبکہ 1973 کا آئین پاکستان کی سب سے بڑی جمہوری کامیابی ہے۔
یہ بھی پڑھیں: پاکستان ایک ترقی پسند لبرل جمہوریت ہے، چیف جسٹس یحییٰ آفریدی
صدرِ مملکت نے کہا کہ جمہوریت عوام کو بااختیار بناتی ہے، ان کی شراکت کو یقینی بناتی ہے اور یہی نظام معاشرتی انصاف، برابری اور ترقی کی ضمانت ہے۔
انہوں نے اس بات پر زور دیا کہ ادارہ جاتی اصلاحات اور جمہوریت کا استحکام وقت کی اہم ضرورت ہے۔
صدر زرداری نے کہا کہ قائدین کی قربانیوں سے جمہوریت کو استحکام ملا، شہید ذوالفقار علی بھٹو اور شہید محترمہ بینظیر بھٹو کی جدوجہد جمہوریت کی بنیاد ہے۔
ان کا کہنا تھا کہ پارلیمنٹ عوام کی آواز اور پالیسی سازی کا مرکز ہے، اور پاکستان کا روشن مستقبل مضبوط جمہوریت سے وابستہ ہے۔
وزیراعظم محمد شہباز شریف نے اپنے پیغام میں کہا کہ جمہوریت کا عالمی دن دنیا بھر میں اقوام متحدہ کے تحت منایا جاتا ہے جو نظامِ حکومت کے طور پر جمہوریت کی افادیت پر غور و فکر کا موقع فراہم کرتا ہے۔
مزید پڑھیں: سال 2024 کے دوران پاکستان میں جمہوریت کو درپیش اہم مسائل، پلڈاٹ رپورٹ
انہوں نے کہا کہ جمہوریت بنیادی طور پر عوام کی آواز اور ان کی شمولیت کا نام ہے۔
وزیراعظم نے کہا کہ پاکستان میں جمہوری نظام کے استحکام میں 1973 کے آئین کی کلیدی حیثیت ہے، جس کے تحت پارلیمنٹ اجتماعی دانش کی بنیاد پر قانون سازی کرتی ہے اور حکومت ان پر عمل درآمد کرتی ہے۔
انہوں نے یاد دلایا کہ آئین کا آرٹیکل 25 شہریوں کے بنیادی حقوق اور مساوات کی ضمانت دیتا ہے، جب کہ صوبوں کو وفاق میں مؤثر کردار دیتا ہے۔
شہباز شریف نے مزید کہا کہ آئین پاکستان عورتوں اور اقلیتوں کی شمولیت اور ان کے حقوق کے تحفظ کی بھی ضمانت دیتا ہے۔
ان کے مطابق کسی بھی ملک کو موجودہ دور کے چیلنجز کا مقابلہ صرف جمہوری اصولوں کی پیروی کے ذریعے ہی ممکن ہے۔
مزید پڑھیں:پاکستان ریمورٹ کنٹرول جمہوریت سے آگے نہیں بڑھ سکتا، خواجہ سعد رفیق
انہوں نے کہا کہ پاکستان اقوام متحدہ کے سسٹینیبل ڈیولپمنٹ گولز کے مطابق عالمی سطح پر جمہوری اقدار کے فروغ کے لیے سرگرم کردار ادا کرتا رہا ہے۔
وزیراعظم نے اس عزم کا اعادہ کیا کہ پاکستان میں عوام، ادارے اور حکومت مل کر جمہوری اصولوں اور بنیادی حقوق کے تحفظ کے لیے کام کریں گے تاکہ ایک ترقی یافتہ مستقبل کی بنیاد رکھی جا سکے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
آئین اجتماعی دانش آصف زرداری بینظیر بھٹو پارلیمنٹ جمہوریت کا عالمی دن ذوالفقار علی بھٹو شہباز شریف صدر مملکت قانون سازی وزیر اعظم
مالی مفاد حب الوطنی پر غالب: بھارت ایشیا کپ میں پاکستان سے کھیلنے پر آمادہ